Дали користите некои од овие да ги наречам зачини и на кој начин. Јас до сега сум пробала само ѓумбир ама корен, не во прав, за чај и многу убаво ми делува. Сакам да ги користам и другиве ама незнам како и кога се ставаат во јадењето.
Ѓумбир пиев против мачнини во бременоста ама мн љутеше. Кари и куркума редовно користам со месо ,тестенини,салати. Чили исто мн сакам со месо. Амарант,чиа,киноа и давав на керками кога беше помала.И ги мешав во овошни каши
Ставав по една кафена лажичка и ги варев во гезве околу 15-20 мин .Не повеке од тоа пошто се губи хранливата вредност.
Ѓумбир пијам секој ден. Оној што е во прав го ставам наутро, пола лажишка во шолја зелен чај, мед и лимон. Коренот од ѓумбир го рендарм и додавам мед и сок од лимон, го собирам во тегличка и јадам по една лажичка наутро. Одличен е за зајакнување на имунитетот, тегоби во стомакот, го освежува здивот, го забрзува метаболизмот. Исто така мало парченце корен од ѓумбри често цедам во соковник во комбинација со друго овошје/зеленчук. Чиа исто така консумирам секој ден. Порано растарав една лажичка чиа во чаша вода и го пиев одкако ќе набабри малку семето, многу ми беше гадно и едвај го пиев. Сега го користам на други начини. Чиа семето го додавам во овесните каши кои ги јадам за појадок, го додавам во смути, супи и цедени сокови. Куркума користам само како зачин. Во сосови, маринади, супи, чорби. Не го користам во голема количина, незнам каде би го додала. Некако не ми оди во кашите за појадок или пак во сокови... Амарант не сум користела.
Куркума користам најчесто за печење на компири а по некогаш по малку ставам и во манџи и во месо а ѓумбирот го користам за динстање, пржење или печење месо
корен од ѓумбир користам секојдневно, дали за чај, дали во јадења, сакам да додадам по малку бидејќи дава ептен вкусен шмек на лутичко, го користам и кога правам колачи, посебно кога не се чоколадни, не би можела во кујна ни ден без ѓумбир.. куркума, кари и чили не поминува подготвување на пилешко, компири, или некоја манџа, чиа и ленено семе ставам кога правам смуди, единствено така можам да ги внесувам
Ѓумбирот го користам како зачин во речиси секое јадење. Посебно за подготвување сосови, каде експериментирам со се што имам. Или ако немам време за сос за тестенини, ќе спржам кромид со вегета и ѓумбир и потоа ќе ги додадам сварените шпагети и тоа е тоа. (плус додаваш овчо сирење попрскано со маслиново масло и оригано и ммммм)
Чиa семе нa мaјкa ми нутрисиoнoст и кaжa декa е зa oвoшни сaлaти, тaкa штo тaкa гo кoристиме и вo oвесни кaши. Ѓумбир вo прaв нaутрo пиеме .. Кинoa немaше a и е препoрaчaнo нa мaјкa ми зa кoските тaкa штo не знaеме кaкo се кoнсумирa :/
Киноа има на Виталиа во поголемите маркети, ама скапа е, над 200 денари ако памтам добро. Инаку јас знам дека се вари
Се вари киноата.Отприлика на голема лажица јас додавам филџан(полн) со вода .Кога ке се распука како лушпи тогаш е готова.Може со овошје да ја комбинираш или во супа. Не е 200 денари поефтина беше.Ако не се лажам повеке од 130 ден не е таа на виталија.
Чиа семето можете да го спремате и како пудинг, многу е вкусно. Ако те интересира ќе ти пишам како јас го правам, а и на интернет има многу рецепти. Киноата сварена може да ја користите заедно со овесна каша, во супи, во салати ( варена), како додаток во гарнир или варива ( заедно со брокула, морков, карфиол...) или заедно со ориз припремени како рижото.
1/4 шолја чиа семе 2/4 млеко ( оризово, кокосово или бадемово, а ти ако сакаш можеш и кравјо) 1лажичка мед Пола кесичка ванила Убаво промешуваш, ја затвораш шолјата со стреч фолија и оставаш преку ноќ во фрижидер.Чијата треба да набабри и ќе добиеш структура на пидинг. Утрото, сечкаш различно овошје, ја претураш чијата во поголемо чиниче заедно со овошјето и имаш вкусен и здрав појадок. За сликање за инстаграм, во декоративна чаша или тегличка ставаш ред овошје, ред чија хахах Ако направиш, пиши како ти се допадналo @SunnyGirl2
Chia is life! Во последните неколку месеци редовно правам чиа пудинг. Ја ставам и во смути, понекогаш во комбинација со кефир и други работи. Ѓумбир исклучиво само во супа, колку да се рече. Амарант мислам дека никогаш немам пробано. Исто така, и киноа (скапичка ми е, па понекогаш користам просо, иако знам дека далеку подобра е киноата). Куркума ми е омилениот зачин, ми оди речиси со сите јадење и поради тоа и ја користам во речиси се. Најмногу ми се допаѓа врз печен компир, во ориз и во cheese-еста паста.