Јавно објавување на приватни работи

Не го оправдувам овој потег на објавување било какви лични разговори на социјални мрежи кога се засегнати трети личности. Која е поентата? Некоја си Фросе ќе опаметува рандом идиот што и' пишал и свесно се решил да ја изневери својата сопруга? Зошто таа жена да биде јавно објавена, зошто барем нејзиниот идентитет не го заштитила? Се ставам на нејзино место, секако би сакала да дознаам доколку мојот партнер испраќа гнасни пораки кон други, но во никој случај не би сакала мојата интима да биде изнесена вака пред сечии очи и да биде нечиј предмет за коментирање.
Сè ова се решава со директно праќање на сликите на жената, само така се прави дело на кое може да се искоментира со "браво", сè друго е еден обичен циркуз што не е воопшто вкусен.

 

Сте запнале да и ги пратела скриновите во порака на жена му. Ама колку јас што прочитав во коментари, Фросина не можела да и го најде фб профилот на жена му.

 

Сметам дека тоа и е изговор, од кога ја испонападнаа сите. Со оглед дека е бремена жената, постапката не и е во ред. Дополнителен стрес на нормален човек не му е потребен, не пак на трудница. Да е нормална околност, до некаде би се сложила, но е во исклучително тешка состојба, за да мижи не може.

 

Ова само го докажува тоа што го пишав, дека во случај на изневерување секогаш виновна е женската страна, и да изневерува, и да изневерува некој со неа и да е изневерена.
Зошто побогу би се свила како бастун до земја што маж ми пишувал на други додека сум трудна?
Тој треба да се свие, ама се додека постојат мислења како твоите, богами нема.

 

Јас не ја судам неа. Ти кажувам од мој аспект, доста ми испревртуваш зборови.
Теши се дека ќе ти биде убаво цела МК да збори за твојот брак, освен нели ако сакаш да бидеш позната.
Колку и да си силен и да мислиш дека ќе ти помине, зборовите болат. Луѓе сме, не сме карпи.
Можам и јас да лупетам дека нема да ме афектира, а навечер да липам во перница, зошто јас господе, што згрешив.

 

Божеее ама го отупе. Нема мизогинија овде, барем не на темава, за фб не знам и не коментирам. Еве, да беше дечково на пример геј, и геј чет да му објавеа со слика на жена и све, хомофоби ќе бевме ?
Друг пример- имаш чет доказ за педофилија. Ќе го шеруваш на фб за линч да напраиш на некого или ќе инволвираш полиција? Мене лично ми е ова дилема, ама мислам дека законот е јасен.
Некои работи се малку сензитивни, треба и да се размисли пред да се скокне.

 

Точно е дека и машко и женско пробува. Точно е и дека не секоја личност што има слика од девојка/жена на профил е од женски пол и обратно. Ама мене ми имаат пишувано и многу добро знам како е. Не вадам ништо од ракав.

Никаде не спомнав дека направил кривично дело. Ама неверство е нешто што никогаш не би го простила.

Со тоа 'двојни аршини' сакав да кажам дека ако мажот изневерува, тогаш луѓето велат дека било период и дека ќе му поминел,а третата личност е виновна за тоа, а ако жената изневерува, тогаш таа е неморална. Ете тоа ми беше поентата. Дека мажот - изневерувач е многу подобро третиран од жената - изневерувач. Исто така и изневерениот маж има подобар третман од изневерената жена. Лични примери имам такви. Многу добро го знам нашиот менталитет.

Во ред е да имаш различно мислење од моето, ама не ми ги извртувај зборовите, во ред?

 

Ама јас и ти стварно не се разбираме.
Боли постапката бе девојко, а постапката е дека личноста со која си решила да го поминеш животот, на која и веруваш, со која си зачнала дете ти забила нож во грб и бара нешто на страна додека ти седиш трудна.
Зборовите, односно муабетите од околината се само последица на таа постапка и тие не би постоеле без постапката на тој дегенерик.

Е сега не знам, може ти немаш ништо против сопругот твој да те изневерува, се додека никој не знае за тоа, он нека си пишува со кој стигне на фб и инста, битно е Трајанка од втори и Жане од човечки ресурси да си мислат дека имаш совршен брак.

 

Едноставно требала дирекно на жена му да и каже и готово, а не вака да изиграва судија на туѓи бракови. Од каде знае може жената знае од каде знае каков брак имаат, знам за пример каде другар на маж ми секогаш и секаде излегуваше со шваљерката и тоа јавно дури на почетокот мислев дека му е жена. Жена му немаше шанса да не знае затоа што тој не ја криеше ама најверојатно си имаат некаков договор или корист... Башка што жената е бремена и недај боже да и се случи нешто.

 

Аа е па добро штом не можела да ја најде, оправдано.

 

Човек како тоа е твоја работа? Што мора па ти да знаеш за мојот сопруг? Ќе се решам јас со него, од тебе или од Петко мене помош не ми треба. Знаеш ли за терминот интима? Сакаш да брцам во твоја? Епа колку што ти сакаш, толку и јас.

 

Се слагам, малку сензитивно е дома да имаш трудна жена и треба малку ра размислиш што пишуваш на фб.

 

Треба да научите да се носите со вистината!!
Некако не можете да ја поднесете тежината на вистината и сакате да живеете во лажен свет!!
Единствено што не ја оправдувам фроска е што на сликите ја покажува женаму!!
Инаку немојте да им се смеете на сингл девојките или да глумите хепи фемили а мажот да ве вара наоколу ,зашо вака ќе ја налутите фроска и таквите ко неа и ќе ви извадат скриншотови


!!
Инаку јас имам пратено скриншот кај женска му од бившиот и она ме направи курва што сум го провоцирала и сум сакала да им ја расипам нивната хармонична врска ама тој мене стварно ми досадвеше и ме замараше

 

Имаше на четот каде му пишува имам луѓе кој ја знаат жена ти. Можела преку нив да ја најде и лично да и ги покаже пораките. Ако веќе толку сака да и ги отвори очите за каков идиот се омажила, а не вака ни крива ни должна да ја знаат сите пошто живееме во Македонија каде сите сеир ќе и фаќаат и исмејуваат.

 

Да бе одеднаш се слагаш. Јас што дрндам истото ко навиена, се правиш на Тошо, јас зборувам за бело, ти за црно.
Клај наочари ако не читаш дека истото го пишувам.

 

Знам, затоа што пробала да се меша кај што не и е место. Само што не сакам да ширам и да одам оф топик, толку ќе кажам.

А за тој малку му е објавата, само лошото е што ради негов срам, ќе патат други луѓе.

Спојлер: Аспарагус

Еден совет за во иднина: Размисли пред да пишеш, дали треба да навредиш/нападнеш некој кој не го знаеш и не ти наштетил!

 

Ужас невиден . Свесна каков скандал ќе предизвика да го објави ова може само ради самопромоворање да е постот.
Да и беше толку за на жената да и помогне ќе и пратеше.

Не можам да оправдам споделување на приватни разговори во скоро никој случај.
Не враќаш на вакви ликови едноставно и тоа е тоа.
Не сфаќам зашто обожаваат да уништуваат туѓи животи за глупа причина како популарност на социјални медиуми.

Ова ми е на исто ниво како кога машки објавуваат голи слики од девојчиња испратени во приватен разговор. Или сите што имаат пишано на машко, а тој ги оставил на seen или нешто слично. Нема зашто пола Македонија да си тера сеир. Злобно премногу.

Ужас и причината поради која го направила ова и све .

 

Мое мислење од пред некој ден:

Додуша јас не бев во брак кога ми се случи ова, ама знам како е човек кој си го сакал највише на свет да разбереш дека иде со други. Кај мене ми се случи да лежи со мене во кревет, а да си пишува со неа. Која е оваа, а ништо, другарка за нешто ме излажа. Ми се скрши цел свет тогаш. Ме болеше тоа што знаеле луѓе, а јас бев последна што дознав. Не ми беше јасно зошто беше со мене кога ете, не сакал моногамија, сакал да е со други девојки. Можеби не ме дозна цела држава, ама ме дознаа сите што ми беа блиски, сите што ми значат во животот. Ни приближно не е исто, плус јас не знаев дека девојкава е бремена кога го објавив пред неколку часа постот. Премногу ми е жал за ова што се случило, сакате верувајте, сакате не, толку можам, на жими мајка да ви кажам.

Како се осеќам денес во врска со мојот случај? Поблагодарна од тоа што дознав не може да сум. Не сакам ни да помислам што ќе било доколку не разберев, ова да се случуваше уште, да си легнувам покрај човек кој ме правел магаре. Да, претешко е, ама ако не се случеше ова немаше да го запознаам сегашниот партнер со кој ми е преубаво. Ќе сум останела со таков човек, во токсична средина, каде што за неговите акти се бараат триста кривини со кои може да се оправда.

Болно е. И тешко. Ама сега после неколку години сум пресреќна што собрав храброст, раскинав и си го разубавив животот. Ако седев, ќутев и ги слушав типичните малограѓански муабети не сакам ни да знам што ќе беше со моето ментално здравје денес. И исправено горда стојам, ниту пак ќе прифатам такво однесување, ниту пак има зошто да ми е срам, ниту пак се чувстувам одговорно дека не сум била доволно добра за да почне да го бара тоа што фали кај други.

Дајте за ова да разговараме. За ова да се разговара. Затоа што нема зошто да пропаднеш во земја, да бегаш кога апсолутно ништо не си погрешила. Зошто да бегаш бре човек? Што си ти виновна зошто некој те изневерил? Што си ти виновна што тоа ти се случило?

Ова мора да се искорени. Да се осеќаат понижено, огорчено, усрамено и помалку од нула изневерени жени. Не се никако криви, крив е тој што изневерува (или во случајов пробува да изневерува). И на на крај памет не ми е изневерена жена да коментирам, еве цело време во темава коментарите ми се насочени кон изневерувачот, да беше извршен акт ќе ми беше кон двајцата кои учествувале во тоа неверство. Така и според мене треба да биде.

Јас за други не можам да кажам како треба да се осеќаат во врска со вакви прашања. Ама за мене знам дека никогаш нема со прст да покажам кон изневерен човек, да се ситам или да направам некако да му е неугодно. Можам на форум до утре да дебатирам зошто мислам така, дали сум погрешила или не што отворив тема која е hot topic овие два дена, можам да си воспитувам ќерка да не трпи булшит, да не е хиена спрема други жени, а ако имам син да не е како овој и како оние што си прават пресмешки.

Ќе продолжиме утре на темава, долга и широка е зошто се прави булинг ваков, сега веќе немам сила, а утре работа ме чека.

 

@KateKane Во право си, не треба да е така. За кутрата жена имам само сочуство. Јас нема да говорам за неа со лоши зборови. Ама ова е МК. Седат бабишта на селска чешма и кројат судбини, шират дезинформации. Само на темава колку има спротивни мислења.
Инаку, на машки домаќински муабети, го бранат Стефан. Со оглед дека е јавно споделено, жената ќе прочита, ќе има секакви коментари. На еден пост на Филипче за корона, што пишуваат, не па за женава. Секакви ги има. На крај она ќе почувствува вина. Затоа што буквално има ѓубриња со два грама мозок и сметаат дека нејзиниов е во право.
Наместо човек да си донесе одлука сам за себе, сега ќе дојдат сите теткици и ќе и солат памет.
Не треба во никој случај да се чувствуваме лошо, но и свесна сум каде живеам. Државава е едно големо село, секој го пика носот, каде што не му е работа.
Почнувајќи од постот...