Нема да наведувам во грамажи, зашто зависно од вкусовите секој различно може да ги припреми. Значи потребни се неколку кришки (јас ги употребувам од Жито лукс лебот на коцки) леб на кои се ставите малку маслиново масло. Малку кечап, парче шунка, парче кашкавал, ситно исецкани маслинки и оригано. Ги редите во намачкано тавче со маслиново масло и ги ставате во претходно загреана рерна на околу 180 степена. Се запечуваат околу 10 минути и...ВУАЛА!!! Запечена салата Состојки: карфиол, 150гр грашок, мал цвет брокула, 2 домати, 2 шаргарепи, 1 црвена пиперка, 2 лажици лимонов сок, една шолја кисела павлака, пола лажица шеќер во прав, сол и зачини. Подготовка: Сварете го карфиолот, брокулите, грашокот и шаргарепите. Исецкајте го сварениот зеленчук на помали парчиња, па додајте ги доматите и пиперката исецкани на коцки. Измешајте со киселата павлака, сокот од лимон, шеќерот и солта, и на крај посипете со зачини по желба. Кратко потпечете ја смесата во рерна и послужете додека е топло. Модерни ражничи Потребно: 3 пиперки, 100г шампињони, 10г димен кашкавал, млад кромид, 3 главици црвен кромид, пола тиквица, сол и бибер. Подготовка: Пиперките исечете ги по должина и очистете ги семките. Наредете ги на плех обложен со хартија за печење и печете 10 минути во рерна загреана на 200 степени. Кога ќе се оладат пиперките, извадете им ги лушпите и исечете тенко по должина. Тиквицата и кашкавалот исечете ги на кругови. Со пиперките замотајте го кашкавалот и ставете го на ражничот заедно со остатокот зеленчук и шампињоните. Посолете, зачинете, полијте со маслиново масло и загрејте ги околу 15 минути. Летен компир Состојки: 3 компири, 100г кашкавал, 100г шунка, пола чаша јогурт, пола црвена пиперка пола жолта пиперка, праз, 3 шаргарепи, масло, оцет, бибер и сол. Подготовка: Сврените компири испасирајте ги и промешајте ги со јогуртот. Шунката исецкајте ја и додајте ја на компирите. Изрендајте го и кашкавалот во смесата и формирајте мали топчиња. Пипеките и празот ситно исецкајте ги и додајте ги во топчињата. Шаргарепата изрендајте ја и заедно со оцетот, јогуртот, солта, маслото и биберот сипајте ги на чинијата. До овој сос наредете ги подготвените топчиња.
Штотуку си подготвив топли сендвичи со лук. Мириса цела куќа, ама ми е гајле. Исечете кришки стар леб, и премачкајте ги од обете страни со путер. Чешне лук излупете го и исечете го на половинка. Истријте ги кришките со лукот, но внимателно за да не ви се растроши лебот. Во мала шоља измешајте лажица мајонез, лажица кечап, кари, рузмарин и малку павлака. Полијте врз секоја кришка по малку, за да се натопи. Исечете на тенки кругови кисела краставичка, и наредете врз секоја кришка. Доколку сакате, ставете и маслинки. На крај, листови кашкавал одозгора и печете ги на силен оган, за да фати коричка кашкавалот а лепчето внатре да биде сочно. Препорачливо е да се конзумира со јогурт.
Често си го правам ова за доручек или вечера а многу е вкусно и лесно. Секогаш користам црн леб од Жито Лукс - грахам.Мене со црн ми се повкусни лепчињава отколку со бел. Лепчињата намрсете ги со малку маргарин,ставете една или две тенки кругови шунка или каква салама имаш дома па исецкајте малку маслинки врз секое лепче и накрај по едно парче кашкавал врз секое. И ги печете ги на 250 степени околу 10-15 минути.Зависи,кај некои шпорети рерните се посилни и може и да ги изгорите.Ѕирнете да видите дали е кашкавалот стопен и тогаш извадете ги.Може да ги комбинирате со кечап или мајонез или пак јогурт.Бон апетит!
Знам дека не е препорачливо, но јас си јадам парче бел леб. Без ништо Ама понекогаш ќе грабнам едно јаболко
Тост.Одбегнувам да јадам,ама понекогаш кога мн ми се јаде,а ме мрзи или немам време ке си напраам тост.
Пржени јајца, ладен сендвич, тост, инстант супа, житарици со млеко, од оние замрзнатите пици (само во микровална и готово) и толку
Леб намачакан со крем сир,или пак путер со изрендано сирење,едни диетални грисини со стопен кашкавал и наросени со босилек или некој друг зачин,салата зависи што имам в фрижидер,туна ке си отворам и ке исечкам кромид,ке додадам чили флејкс,киселина и готово
Тост,пржени јајца,макарони,супа, Лепче намачкано со нешто маргаринче ил исамо со сиренце,па тоа е во глобала брзи јадења.
