Јас пред тебе (Me before you) [2016]

Филм за кој доста се збореше последно време. Денес решив да му дадам шанса и го изгледав. Добар е, малку ме разнежни и ми се допадна крајот што не беше типичен ко за секој филм. Инаку е сниман според книга која исто така има доста пофалби. Па, дали го имате гледано и ваше мислење?

 

Го уклучив пред некој ден, ама не ми остави некој позитивен впечаток и бидејќи ми беше досаден некаде на средината го исклучив. Тотална утка според мене...

 

Според мене- ПРЕЦЕНЕТ. Кога решив да го гледам сите ми викаа да се спремам за плачење, немало да спијам вечерта и не знам што. Плачка сум и на реклама за прашок за перење знам да се расплачам, ама овојпат...
Искрено, убава приказна, но далеку од тоа дека ме трогна затоа што тежината и поентата не беше доловена. Книгата не сум ја читала, ама филмов ми имаше половично разработено сценарио. Не ја сфатив поентата на патувањето?! Отидоа затоа за таа да си го направи меракот или?!
Главната актерка правеше прееемногу гримаси, гестикулации... Се на се

 

Јас малку каснев со гледањето на филмот, не ја фатив таа првична еуфорија, а за да биде ситуацијата уште потрагична го немав изгледано ни трејлерот и врска немав за што се работи.
Сепак по препорака на другарка го гледав и така у 3саат сабајле ја извадив сестра ми од памет кога почнав да липам.

Мене ми се допадна филмот ептен, не му пристапив од многу филозофски аспект затоа што ни не очекував многу од него, мислев дека е уште една романтична комедија (стварно мислев дека е комедија).
Ми се допадна приказната, само се разочарав од крајот... Не знам зошто очекував Вил да се предомисли, па да и даде и на Луиза еден "трајал период" од 6 месеци. Секако смртта не му бегаше, можеше да и даде шанса ама ај...



за глумата на Сем Клафин (после филмот he's on my list if celebrity crushes, just look at that smile ).
Што се однесува до Емилија мене не ми беше толку лоша, мислам дека супер ја долови Луиза. Целата беше таква bubbly, весела, срцкаста, позитивна... што всушност и му требаше на Вил. Тоа што со комбинациите ми беше како кловн тоа е друга работа.



Што се однесува до еутаназија моментот во филмот, Ви кажав дека го гледав у 3 саат сабајле и не му пристапив толку филозофски, па го глеав само оној романтичниот дел (плус што немам некој цврст став за неа па би направила каша-попара од постов).

П.С. Само јас ли го гуглав Сем Клафин после чисто за да се уверам дека е добро (не дека не знаев) за да престанам да плачам ?

@Avery патувањето не беше за Луиз туку за Вил, за да му докаже дека и покрај тоа што е "quadriplegic" пак може да ужива во животот и се надеваше дека така ќе го одврати од идејата за еутаназија.

 

Го гледав уште кога излезе мислев дека ќе биде одличен но се разочарав, мислев ќе се утепам од плачење, но на овој едвај солза пуштив... многу го преценија филмов

 

I jas go gledav ovoj film... dobar e mn mi se dopadna ama ne Znaev deka e tolku popularen

 

Премногу ми се допадна филмот и едно време бев затрескана во него. Само што на крајот се разочарав многу мислев дека Вил ќе се предомисли дека ќе си даде шанса на себе и на Лу

 

И книгата ја прочитав и филмот го изгледав кога беше премиерата на кино. Навистина е добар, но со тажен крај. Им го препорачувам на сите романтични души да го гледаат со своите половинки

 

Книгата е многу поубава

 

Го гледав филмов пред околу 2 недели, не ме удри од земја. Далеку од лош е но дека е нешто посебно не е. Ми се допадна различниот крај, за разлика од другите филмови од овој жарн кои што повекето се со хепи енд. Меѓу другото ми се допадна несебичноста на главниот глумец во целата приказна и покрај инсистирањето на девојката и изјавувањето на нејзината љубов да не сака да ја врзе за себе во таква состојба. За мене филмов е лимунадка, не плачев на истиот иако беше извикан дека со денови после него нема да се соземам. Напротив многу лабаво го доживеав и не се припотресов. Можеби јас сум ја изгубила чуствителноста па веќе не паѓам така лесно на вакви романтични филмови. Што знам...

 

Само што го изгледав,преубав филм не можев да не пуштам солза.Би го гледала пак ви го препорачувам на сите.Крајот не очекував да биде како што беше...

10/10 од мене

 

10/10

 

Јас го гледав на кино и реално се изнаплачив, ама ништо онака посебно мислам одпочеток се знаеше дека едниот од нив ќе умри можев и дома да си го гледам искрено..,

 

Одамна го гледав, само што излезе торент.
Обична тралалајка што ги викам јас. И јас ко @SuperGirl24 може отрпната сум

 

Мајка ми ја расплака. Мене не. Јас ден предходно си поплакав на Love is all you need? кој навистина до срж ме потресе. За овој не најдов причина за потресување, бидејќи на дечкото, колку романтики и да му приредуваше таа, реално не му остануваше уште многу живот, а и тој малку живот ќе го поминуваше во константна болка и депресија. Па, се случи тоа што се случи.
Плус, многу сум реалист, буквалист, како сакате кажете, па цело време низ глава ми се вртеше и мислата: да бидеме реални, во вакво денешно општество во кое живееме, колку време таа девојка би останала со него, со некој за кој мора да се грижат како за бебе? И не е дека сум злобна или нешто слично, туку само поради професијата се имам изнагледано се и сешто, па затоа ми се вртеше ова низ глава, што за жал, е многу реално, ако размислите за тоа.

 

Го гледав филмов минатава година и си плачев во поголемиот дел од времето додека го гледав .. дали беше ПМС во прашање или тоа што го гледав кратко време по раскинувањето со мојот бивши или беше во прашање годината што беше депресивна или можеби филмот беше навистина трогателен навистина не знам, ама секако мислам дека вреди да се гледа

 

На секој што ми спомнал дека сака да го гледа филмов, прво сум му ја препорачала книгата. Колку и да е добар филмот, не може да ја долови приказната на таков начин како што тоа го може книгата. Затоа некои од вас филмот го доживеале како лесна лимонатка, а всушност кога ќе размислам, романсата воопшто и не беше во прв план на приказната. Имаше нешто многу подлабоко, посуштински во неа. Мене не само што ме остави со солзи, туку и неколку дена по ред не можеше да ми излезе од глава. Ме натера да седнам пред компјутер и да читам статии, да барам филмови со слична тема, да гледам видеа, ме заинтересира да истражувам и не можев да престанам да размислувам за неа.

Што се однесува до филмот, мене воопшто не ми беше лош, можеби затоа што очекував катастрофална реализација на книгата. Обично не сакам да гледам филм откако ќе ја прочитам книгата, ми се руши целата замисла во глава. Ми се допадна изборот на актери, за кои мислам дека одлично си ја завршија работата и ги доловија ликовите баш онака како што треба.

 

Во скоро го гледав филмов.
Ппреубаво Каква романтика.
Ама крајот не ми се допадна.
10/10 давам јас