Сега се актуелни собиранките по повод годишнини од (полу)матура, мене ме интересира што мислите , дали би отишле? Конкретно, јас добив покана за 5 години од матура и 9 од полуматура. Ме интересира дали сакате да ги видите сите тие луѓе со кои сте учеле? Какво е чувството да се вратите назад во тие луди-млади години? Дали сте спремни да си го видите симпатијата од основно или дечкото од средно, можеби другарката со која сте се скарале? Дали сте спремни за прашањата од типот: Работиш? А каде? Се омажи? А деца уште немаш? Дипломираше? П.С. Темава ја ставив во "Слободно време", бидејќи се работи за излегување, ако сум згрешила нека ја преместат во "Се и сешто".
Јас лани имав покана за 5 години од матура и не отидов. Се собираа секоја година колку да одбележат, лани беше така поексклузивно, поорганизирано, но јас со душа чекав да заврши средното, немам воопшто убави спомени, не ми се допаѓаа децата од клас, и свечено ветив дека нема да ги видам никогаш повеќе, после матурата на маса сите заедно. Си останав достојна, немам желба, ниту потреба од тие луѓе, си се гледаме 5-6 души што сме се дружеле од клас кога и да посакаме и тоа ми е сосем доволно. Мразам лицемерие, а таквите собиранки искрено ми се само за сеир, кој колку се сменил, кој се омажил/оженил, ослабел или се здебелил, па кај работиш, па какоооо, аууу, ууууу... глумење лудило, после тоа секој секого озборува. А за тие од 8мо одд. Никогаш немало собирање по повод полуматура.
Лани славев 10 години од матура. Отидов, средното ми беше убав период, иако не се сакав (читај дружев) со сите. Убаво беше да се видат некои фаци после толку години, скоро сите дојдоа, освен неколкумина што биле во странство. Ова зборам за генерацијата, не само за класот, затоа што се дружевме сите без разлика од кој клас бевме, во која насока припаѓавме. Интересно ми беше што доста луѓе не ме препознаа, сум се сменила многу Има неколкумина што не ги поднесувам и ден-денес, во средно беа најголеми лигуши, а видов дека баш и не се промениле, си останале исти. Што знам, во секој случај убаво си поминав. Интересно беше да се видиме, да си поразговараме што и како, да се сетиме на глупостите што сме ги правеле во средно. И знам дека многу се смеевме... ех, младост, лудост
Мене многу ми е криво што не органзирав собранка за полуматурата, затоа што загубивме пријател што учеше со нас до осмо пред 2-3 недели .. сега носам празнина и многу ми е тешко поради тоа се осекам дужна за тоа. (Зошто јас, затоа што јас сум Органзиратор на забави и имав план за ова ама не го релазирав)
Ете тоа Трендафилка што го кажа. Немам намера, а ни потреба да се гледам со некои што едвај сум чекала да не ги гледам. Се дружам сеуште со оние што сакам да се дружам. А баш пред 2-3 дена другарка што учевме заедно и во средно и во основно ми спомна нешто да сме се собереле цел клас (од средно). И реков нема грешка, ќе правиме бош муабети, што има ново како демек ме интересира. Ако сакаат нека се собираат, јас нема да присуствувам, затоа што едноставно, нема веќе теми на разговор помеѓу мене и тие луѓе.
Средношколските години ми беа најубави. Запознав навистина прекрасни луѓе... ги сакам највише на свет. Немаше некои кои посебно се издвојуваат, сите си бевме така компактни и сите се дружевме. Класната срце жена. Често се собираме, не бараме посебни поводи за тоа. Сепак некои ги немам видено откако се разделивме, бидејќи фатија странство, се омажија... Со душа го чекам тој ден кога ќе славиме јубилеј, знам дека ќе има многу плачки и смешки... љубомора никако.. Ах се растажив
Годишнина од полуматура? Зарем такво нешто воопшто постои, и зарем некој се замара да ги брка наоколу луѓето од осмолетка? Глупост. Ај матура, средно школо, според мене најубав период во животот. Ама за осмо одделение, па веќе што сме направиле, осмо сме завршиле заедно. Мене и полуматурата ми е глупава работа. Како тетки пола девојки со вештачки локни, шминка кај Дадар, штикла 10 цм и фустан некој невидено лош. Машките стандард барем во оние случаи кои ги знам, бело од глава до пети. Ги искритикував, леле мори мајко.
Не отидов на 10 годишнината од матура поради организаторите на истата најискрено. Прво,се јави како организатор некоја девојка која нудеше заедничка прослава на Гимназијалците со друго стручно средно училиште од градов,периодот беше некаде крајот на мај месец. Стигна потоа втора понуда од некои дечки како ние Гимназијалците нема што да се мешаме со овие вториве,која била таа организаторката и бла,бла и терминот беше средина на јуни месец. Стигнува кон крајот на мај трета заедничка понуда на девојката+овие дечкиве и замислете термин за 2-3 дена,се здружиле организаториве и за нив е најнормално сите да се спремат за толкав период ! И се револтирав од експертизава на организаторите и не отидов,инаку класот од средно ми беше баш супер,сега иста блискост нормално никој нема со секого,ама па и немаше некое отворено хејтање и конфликти,ама ете некогаш вакво нешто како дезорганизација ме исфрла од такт,јас сум за имање контрола и увид во нештата однапред да успеам да испланирам се‘,некој да ми менува план во 5 до 12 не сакам и точка,плус вакви ликови како организаториве ми се ако изнесуваш став остани на него,а не потоа лижење на плукнатото,од вакви лижачи значи ми е уффф,барем во пошта нека ги вработат да лепат поштенски марки.
Рано ми е за да зборувам на оваа тема, но очиве ми се полни со солзи после прочитаниве коментари, затоа ќе коментирам. Периодот во основно ми беше нешто најлошо што можеше да ми се случи во животов. Понефер деца, понедружељубиви немам видено, чест на исклучоци. Се двоумев дали да одам и на полуматура, така да за годишнина нема шанси да се појавам. Зошто? Да се развеселам за последните 4години поминати во солзи? Не бе, каква годишнина со нив... А сега во средно имам скроз поинаква екипа, се надевам дека се ќе биде океј до крај и дека уште повеќе ќе се зближиме до 4та година. Сепак мислам дека ако си имал добро друштво, си се дружел, убаво е да отидеш на прославата, независно дали е за јубилеј од полуматура или од матура.
Основно најлош период ми беше...одвај чекав да завршам. Еднаш имаше идеја за собирање али не отидов секако За матура нешто се договараат сега да се славело 1 година али нема да идам ни таму...на 5 години може би отишла али сега не
Сега нешто се договараат од основно луѓево што учев да идеме нешто во кафана ауу вака така, али кој ги шиша нека си одат кај сакаат, бидејќи лош период ми беше основното се нешто дволични луѓе се паднаа со мене да учат освен исклучоци секако, така да што и да одберат нека им е со убаво
Мене овие собири што се организираат ми се некако наметнати и вештачки. Демек неможеме едни без други па ќе глумиме лудило - ејјјјјјј шубаво ни беше, колку се сложувавме и сакавме (а половина несакаат да се видат и само ќе се озборуваат после тоа)... Во основно бев со клас во кој со половина од личностите денеска немам ниту едно здраво на улица иако не сум скарана со никогу. Сепак немам некоја одбивност спрема никогу па доколку би имало собир би отишла. Во средно беше друга приказна. Бевме доста поделени како клас па така постојат и личности со кој не сум баш во добри односи. Значи немам некоја желба да се сретнам со сите. Да, ми недостасуваат некои личности и друштвото што го имав таму но попрво би излегла на кафе само со тие личности отколку да имам непријатни и непосакувани средби.
Многу е рано да зборам за јубилеј, но како што слушам, мн. мн. не се слушаат меѓусебе и многумина што биле BFF сега не сакаат со очи да се гледаат.
Да започнеме од полуматурата тоа е срање на квадрат, а не па собиранки по повод толку и толку години од полуматрата. Мислам хелоу, глупост е тоа. Јас што се вика не ги ни паметам како се викаа некои, а не па да се собирам со некои лицемерни луѓе. Со тие што си останав во контакт, почесто излегувам, а останатите не ми се потребни. За матурата сеуште не сум завршена со средното, но класот воопшто не ни е сложен. Ниту еднаш не сме се собрале заедно една вечер, така да...
Кај нас не се организира од полуматура, само од матура, еве за две години ќе биде тоа, ќе се сретнеме, јас ќе присуствувам, сеуште се дружам, се гледам и излегувам со некои од нив, со други сум на едно здраво, со трети немам муабет, но како и да е, баш ќе ми биде мило да се собериме, да се потсетиме на старите денови, да се насмееме. За мене тоа е убав настан.
Јас лани бев матуранка, па има време за берење. Со тие од средно би одела. Не ми се најмили ама би одела. Со тие од полуматура некогаш ако се организира нешто ... никогаш.