На полуматурата сите нешто се занесуваа демек следната година на ист ден ќе сме се собереле и ќе прославуваме една година од полуматурата. После една година, едно дете пиша во групата што ни беше до осмо за да се видиме и сите на seen го оставија. За матура има време.
Јас баш пред некое време се видов со една другарка, стандард гледање на блиц па не знаевме што попрво да си кажеме. И тогаш ни текна дека уствари лани ни беше 10 годишнина од полуматура, а не се собравме. Изгледа на никој не му текна Искрено, попрво би се собрала со таа генерација од основно, отколку со онаа од средно. Имав поубава дружба во основно, некако бевме посплотени. После во средно бевме расцепкани, секој во свој круг. Денес кога ќе го разгледам алманахот, сфаќам дека многу од луѓето не ги ни знам. Во однос на ваквите собиранки, јас мислам дека се баш убава можност да се видиме сите на купче, не гледам ништо лицемерно тука. Во денешно време, јас едвај успевам да се погодам со наблиските другарки за да се видиме, а за пошироко друштво да не зборувам. Кој се ожени/омажи, кој има дете, кој периодично оди на работа на брод... Секој со свои обврски, секој со своето.
Оваа година ми беше 30 - годишен јубилеј од матура... И многу ми е криво што не отидов!!! Во истиот ден и термин имав блиска свадба, па не отидов на забавата... Подоцна дознав дека од мојот клас немало ниту еден присутен!!! Точно е тоа дека во класот само седморица бевме од СК, но претходно на 10 и 20 години доаѓаа сите... Но, овој пат, немаше и организација од училиштето за „училишен час“... Изгледа времињата се смениле, па и јубилеите не се веќе ИН...
Не сум славела ниту јубилеи од полуматура ниту пак од матура планирам. Гледам некои беа у покушај од средно од смеровите као да слават годишнина ама на крај не им успеа. Еве и со блиските од средно што сме збореле, никој не сака да се види еден со друг од причина што толку не се сакавме и едвај чекавме да завршиме. Што се вика сега не се ни познаваме ако се сретнеме чат пат. Ниту пак планирам некогаш да отидам, што не верувам дека ќе биде така со колешките од факултет затош што имам стварно прекрасни другарки од тука.