Ќерките на Рим (Кејт Квин)

Дискусија во 'Книги' започната од ocila, 23 октомври 2012.

  1. ocila

    ocila Истакнат член

    Се зачлени на:
    20 април 2012
    Пораки:
    5.513
    Допаѓања:
    1.894
    „Кејт Квин дипломирала и магистрирала класично пеење на Универзитетот во Бостон. Откако го видела филмот Спартак, одлучила дека еден ден ќе напише книга за гладијаторите. Својата идеја ја преточи во романот „Љубовницата на Рим“, после која набрзо ја напиша и книгата која токму сега ја држите во вашите раце.“Навидум само обична монотона низа на официјални имиња на четири женски потомци на угледната лоза на Корнелијеви во Рим. Но, ниту тоа е обична патрицијска лоза, ниту Корнелиите се обични нејзини припадници, ниту нивниот Рим, во таа шеесет и деветта година беше нешто до тогаш видено.
    Корнелија Прима е целосно посветена на својата општествена положба, на обврските кон домот и сопругот, кого неизмерно го сака, токму онака како што пропишуваат законите на владејачката класа, очекувајќи ја сè поизвесната иднина на римска царица.
    Корнелија Секунда, или Марсела, од наметнатиот брак и сопруг кој никогаш не е во Рим, уточиште бара во восочните таблици, пергаментите и перата, бележејќи ја историјата на римските цареви, потполно сплотена и задоволна во својата улога на набљудувач на историјата.
    Корнелија Терција, Лолија е безгрижна млада жена чиј свет се браковите кои ја држат близу до тронот, римските забави, трачеви и прељуби.
    Корнелија Кварта, Дијана, најмладата и најубавата меѓу нив, има само една страст, коњите.
    Во таа чудна Година на Четирите Цара, ниту Рим, ниту тие ќе останат исти. По крвавите прсврти кои се случуваат во само неколку месеци, најстарата Корнелија ќе биде принудена повторно да ги составува парчињата на своите искршени соништа. Марсела ќе ја спознае својата моќ врз највлијателните мажи на Рим за директно создавање на историјата, а не само нејзино непристрасно и механичко бележење. Лолија со своето молскавично излегување од еден и уште побрзо влегување во друг брак, неколку пати за ред, ќе ја запознае љубовта и мајчинската одговорност. Дијана не престанува да го гледа светот налудничаво и несериозно низ призмата на коњите и коњските трки, но само навидум.
    Три Корнелии ќе останат вдовици. Една ќе преживее голема невоља, а друга ќе доживее незамислива слава. Сите заедно ќе имаат единаесет мажи и осум деца. :*