ЏИШ - ново шоу со Игор Џамбазов на МТВ

Колку што проверив, нема ваква тема.

Ново шоу, на Македонската Телевизија, кое ќе почне да се прикажува од оваа недела (секоја недела), од 20:20 часот и ќе трае 50 минути. Наречено „ЏИШ“, скратено од Џамбазов Игор Шоу, на Македонците ќе им понуди квалитетна програма во целосно македонско производство. Во првата емисија ќе гостува Калиопи на тема „Име“, потоа Тамара на тема „Пари“ и во третата емисија Тони Михајловски на тема „Брат со големо Т“. А во иднина ќе гостуваат и други гости од Балканот. Македонските ѕвезди во „ЏИШ“ ќе пејат, танцуваат, а ќе има и глума и други изненадувања. Џамбазов ќе се трансформира во неколку лика, ќе пее со своите гости, во шоуто ќе се чита поезија од македонски автори, а тој најави дека секоја емисија ќе има авторска блуз точка, која ќе ја изведе со неговиот бенд. Шоуто ќе се прикажува до јуни, летото ќе се репризираат најдобрите емисии, а од септември се најавува и можност за продолжување со шоуто.



- Штом веќе ни дадоа слобода во МТВ најголемиот шоумен да добие свое шоу тогаш ќе се обидеме тоа да го искористиме. Тоа ќе го направиме со тоа што ќе работиме контра сите правила по кои досега е работено, не заради тоа што сакаме да се правиме паметни туку заради тоа што сме сфатиле дека досега како што е правено не било добро и ќе се согласите дека Македонија не памети ниту едно квалитетно, вистинско ТВ - шоу, зашто денес за ТВ шоу се сметаат и два жолти двоседа и троседа на кои ги канат гостите кои вчера биле на друга телевизија. Ние ќе направиме нешто сосема друго, во ова шоу нема зборување, туку делување и гости ќе бидат само оние од Македонија кои се мултиталентирани, а такви, за среќа, ги има многу, рече Џамбазов за шоуто.

- Забава, урнебесна смеа и ведри мисли, тоа секогаш недостига. ЏИШ не е вообичаено и стандардно шоу што веќе сме го гледале. Шоуто во себе носи сè, почнувајќи од мене самиот како главен забавувач, преку познати личности, малку и историските си најдоа свое место во шоуто, па сè до ликови кои верувајте ќе ве импресионираат со својата луцидност, тие се обични, а популарни, фиктивни но многу реални. Токму таквиот концепт и состав дава автентичност, а Македонската телевизија уште еднаш покажа дека од тука започнува сè и најде простор за револуционерното ЏИШ. Го исполнувам сонот пред се поради упорноста на новите луѓе во МРТ кои ги враќаат старите вредности. Ќе работиме контра од сите можни правила. ЏИШ не е класично ток шоу. ЏИШ, всушност, не е ни ток шоу. ЏИШ е телевизско шоу слично на „Седуммина млади“, најгледаното ТВ-шоу. Има малку „Седуммина млади“, малку Бени Хил, малку Мистер Бин… Однапред смислени точки, кои се монтираат со метрика, динамика, не траат многу, не го заморуваат гледачот и кои ќе бидат духовити. Ќе има музички точки, скечеви, римејк на познати филмски сцени. Македонски познати личности ќе глумат со мене заедно. Најважниот, односно најсериозниот дел од ЏИШ – ќе направам антологија на македонската поезија. Најпознатите 40 македонски песни, затоа што во првата сезона ќе има 40 ЏИШ, ќе се најдат во таа топ-листа. Тоа е нешто што ќе остане. Македонската поезија вреди многу, а досега не била третирана така како што треба. Не ја третираат добро својата поезија ни нашите соседи. Мислам дека нашата екипа ќе биде прва што ќе направи сериозен пристап кон македонската поезија. Ќе одиме од Т`га за југ, па сè до поезијата на новите, млади поети. Ќе имаме и дел откривање на нови таленти. Но не како што тоа се прави во овие реални шоу, туку таленти над 60 години кои никогаш немале можност да го покажат она што го знаат, а го знаат многу добро. Јас ќе ги глумам сите ликови. Ќе се појавува лик кој ќе се вика Александар Антички. Потоа Кирил Македонски и Дејан Европски. Тоа се тие три опции на Македонецот. Едниот мисли дека ги влече корените од антиката, другиот кој тврди дека е чист Словен кој допатувал од Дунав и едниот малку геј што сака да оди во Европа. Тоа е мозаик од ситни анегдоти, вистински вицеви, па се до сериозни драмски сцени. Можеш ли да замислиш како ќе изгледа последната сцена од Казабланка во која на местото на Ингрид Бергман и Хемфри Богарт се појвуваме јас и Калиопи… Најважно ми е што дојдов до човекот со кој сакав да го работам ова, Бојан Трифуновски, кој ќе биде официјален режисер и косценарист. - изјави Игор Џамбазов.

(собрав повеќе изјави од Џамбазов и ги направив една)

Спојлер

Па? Што мислите вие? Ќе го пратите ли ова шоу? Ајде, кој ќе им се спротивстави на сериите и ќе гледа Џиш?
Јас искрено, едвај чекам. Конечно нешто ново, свежо, македонско. Ќе го даваат во ударен термин, кога ги даваат сите турски серии. А и јас не паметам, кога последен пат сум гледала нешто фамилијарно со моите, на МТВ. Уште од ептен мала, кога имаше детски емисии. :up:

http://www.youtube.com/watch?feature=pl ... LGuzqaJWiE

 

Јас едвај чекам да почне Конечно нешто ново и поразлично од се останато. Го обожавам Џамбазов и неговиот стил, знам дека нема да ме разочара, туку баш напротив, ќе уживам во неговото шоу. Турски серии ЏИШ :up:

 

И јас едвај чекам да почне........а бре многу си го сакам човеков
И знам дека нешто што е произлезено од него не може да биде утка........така да ја чекаме недела и 20.20ч,а и заради него и МРТ ќе ја гледам

 

Најдобар е сега за сега,и чекам и јас да видам како ке се покаже.

 

Според мене Игор е еден од најинтелегентните луѓе во Македонија, и веднаш штом слушнав дека ќе има ваков проект знам дека ќе биде оригинално и интересно за гледање.Ми се допаѓа концептот што го најавуваат и вреди, најпрво заради Игор, а потоа заради тоа што е македонски проект да се погледне.Со нетрпение ја очекувам првата емисија

 

Очекувам нешто искрено, како право ток шоу.
Не парада на познативе колку се они бајни, красни, мили, колку им е тешко да работат на нашава естрада итн инт.
Се надевам дека Игор има капацитет да извлече вистината и некој можеби поинаква слика од која сме навикнати да ги гледаме нашите "ѕвезди" на емисиите.
Зашто он рече дека ќе оди контра турските серии, јас викам освен тоа нека иде против кичот кој го има во нашава екстрада и да ни преставува нешто искрено и квалитетно.
Во спротивно, ако си се рекламираат нашиве квази пеачки и пеачи и тие 50 минути бидат за нивнот напорен живот, нема сигурно да гледам.
Ја има Опра, Елен Деџенерис, нека учи од нив малку.
Се надевам дека нема да прерасне во некоја од веќе видените емисии кај нас(oд стилот на берберон,боки и незнам која друга таква шунт емисија имавме)

 

Сега од темата дознав дека ке има ново шоу со Игор.
Се надевам дека ке биде нешто ново и интересно и досега невидено на нашите простори.
Ни фали една забавна емисија
Знам дека Игор нема да не разочара,секогаш е забавен,интересен и свој!

 

Одамна читав најави за шоу на Игор, добро е тој ден што го дочекавме. А знае патем некој точен датум кога почнува?

Инаку се надевам дека му дале на Игор слобода сам да реши што да прави во шоуто, според мене он така подобро функционира. Се надевам ќе го биде, нема да има глупави препирања и оговарачки. Редно е да имаме едно шоу што ќе ни биде мерак да седнеме и да го гледаме, без да ми се тресат предни и задни женски атрибути на екран 90% од времето.

И се надевам Натали нема да ја има, затоа што органски не можам да ја поднесам.

 

^^^ Па утре, на 10ти.
Иначе, кажал... Нема да има вообичаено 3 троседа и на него гости. Туку повеќето ќе бидат скечеви и сл. Според тоа што го видов на видеото, ми се бендисува.
А ќе го имало и бендот на Тоше, не знам точно. Не разбрав...

 

Eми ајде да видиме што шоу ќе биде. утре почнува и така оддамна немало некое интересно шоу по нашиве TB

 

Сега отидов, да се нацртам пред телевизор. :geek:

 

Очекувани глупости

 

Очекував повеќе, или јас не му ја сфаќам поентата? Зошто човекот вака се глупира, а салам гости може да викне и да најде...

Иначе, квалитетно шоу, кое неколку пати веќе го загледувам, е тоа на Алфа, Магазин или така нешто се вика, водителката е Маја. Може да се отвори тема доколку се нема, секогаш има цивилизирани гости и теми на муабет. :geek:

 

Што е ова, воопшто не ми се допаѓа
веќе видено, ништо оргинално
а едвај чекав да почне
ај може ќе се извади до крај

 

Најискрено, ова ми е далеку од шоу кое забавува.

Нека се состои само од блуз и гости(н), оти скечевите ми се припрости.

 

Баш ме разочара, а очекував многу повеке од него

 

Нешто како Бени Хил во македонска варијанта. Загледав некоја минута, ама не ми задржа внимание

 

Да ви кажам право и мене не ми беше нешто посебно. Очекував многу повеќе. На моменти ме насмеа, ама не ми беше нешто... посебно, да речеме. Башка ми беше тапа многу, она со: Ја викале/го викале. Некако со сила бев во исчекување, нешто смешно да слушнам. Упорно и упорно, пробував да не го сменам каналот, да начекам нешто смешно. Најверојатно, веќе од наредната епизода, ќе го победат турските серии, на другите канали. Башка кога слушнав дека со месеци се снимале неколку епизоди, очекував нешто уау. Не ми се допаѓаше она со рецитирањето на поезија, досадно ми беше. И со песните. Пинтересно ќе беше да заиграше Гангнам стајл, отколку Бато. Кога рече дека е крај, јас останав подзината. Единствено на крајот, асално ме насмеа, кога праша дали ни се допаѓа. И таму каде што глуми дете: Ка-та-стро-фа! А да, ми се допадна песната Хотел Македонија, преработката.

Ај, да се надеваме дека со Тони Михајловски ќе биде нешто поинтересно... Очекував нешто смешно, со гостите, некои досетки, зезање.

 

Реприза има некогаш?
Го испуштив...
По коментериве гледам не било ништо посебно, ама сепак сакам да видам.

 

^^^ Не пишува ништо на страната на мтв. (како и на сите други македонски програми, не се знае ништо ни кога почнува, ни кога завршува) Ама тука пишува:
http://grid.mk/tvprogram/4/mtv-1
САБОТА 18:15 - 19:00 Џиш шоу
Сигурно тогаш ќе биде репризата.