ЏИШ - ново шоу со Игор Џамбазов на МТВ

Уште од кога го најавиа со душа го чекав. Со ококорени очиња и со мокра коса седнав да го гледам. Душа не ми даваше да ја засушам, да не сум испуштила нешто интересно. И цело време глупости, а јас чекам...и чекам... и чекам. На крај станав и се исушив, а тоа истото си продолжи... досадно, прости „шеги“.

Инаку Дузи, да не мислиш на Пулс (Плус), и јас ја гледам. Водителкава има едни големи цвикери и црвен прамен во косата (добар опис, нема што). Инаку очекував од Игор нешто слично на Пулс, ама добив...

 

Абе дечки, не знам дали е до мене... Јас го гледав синоќа на ТВ, по втор пат и ми се допадна. Ама озбилно. Само не знам за вас, ама мене гласот ме иритираше. Цело време ќе биде гласно и наеднаш ќе се стиши. И обратно. Не дослушував.

Иначе, еве го и на јутјуб.
http://www.youtube.com/watch?feature=pl ... 9JGNx_aY1I

 

Искрено мене не ме разочара, очекувано. Ќе речете ама досадно беше, па мене подосадно ќе ми беше да имаше гости во емисија, ај сеа ќе блебетаме до сто и една и пак истото. Си најави човекот што да очекуваме, дека ќе биде од тој стил, дека нема да биде ток шоу туку дека ќе бидат снимени емисии, во кои ќе има глума и многу интересни моменти. Да бидеме реални, емисијата е скапа, има смисол, приказна и пред се е нешто ново што на нашите простори ретко кој го направил во поново време, може да се рече дека во минатото кога повторно тој бил на сцената главен имало многу повеќе вакви концепти отколку сега, сега има три фотељи во студио обавезно подигнато на 30 см од под, едно масиче и чаши за бело вино полни со Кока Кола, едни та исти бендови, музичари собрани од некоја кафанска свирка, чест на исклучоците, но ова е многу повеќе шоу него ли ток шоуто на Поцевска и слични на неа За мене беше врв крајот, кога го изимитира дедо му, солзи ми дојдоа на очи.

 

Јас уште од 19 часот си пуштив МТВ, да не заборавам и да не го испушам шоуво.
И на крај сменив канал уште пред да заврши.
Многу досадно, многу.
Само некои од музичките нумери ме бендисаа ама во глобала целиот концепт воопшто.
Дури се чудев, очекував сосема поинакво шоу.
Не дека сакам класично ток шоу со гости, него тоа негово глумење битолчанец, педер ова она ми беше глупаво и не ми се допадна.

 

Си го изигра своето танго. Според мене требаше веќе одамна да се повлече од екраните. Исклучително интелигентен, духовит, реален, но мислам дека времето веќе му помина. Се изгуби оној драж. Најпаметно како што направи Шер, го најави своето напуштање на сцената на својот последен концерт и кога се слушнаа извици на чудење и разочарување, таа рече нешто во стил „Тоа е вистинското време да го напуштиш овој свет. Додека луѓето се'уште те бараат за да останеш ѕвезда и по заминувањето.“

Е ајде де. Особено ова со битолчанецот. Отсекогаш ми пречело тоа негово исмевање на луѓето од другите градови. По онаа емисијана во која зборуваше за луѓето кои живеат во Скопје, веќе изгуби многу поени кај мене и покрај тоа што сум од Скопје.

 

Сепак ќе му дадам втора шанса. Се надевам дека в недела ќе се корегира, ако не - ќе бидам приморана да му дадам трета можност да ме насмее...

 

Искрено и јас очекував повеќе од шоуво на Џамбазов, но не беше толку лошо како што викаат. Имаше некои добри фори и на некој начин ми се допадна. Употребува интелигентен хумор би рекла, имаш скајп-немам, имаш фејсбук-немам, такви некои работи. Ќе видиме сега втората епизода што ќе ни донесе. Ако не, му даваме трета шанса на нашиот најдобар шоумен

 

За мене личо беше глупости у боја

 

Може другиве епизоди ќе се подобри. Оваа некако како интро да ми беше

 

го пропуштив но утре сигурно гледам

 

Шоуво ми се бендиса, најмногу затоа што е ново и поразлично (барем на нашиве простори) и едноставно разбивање монотонија од серииве и некои безвеза емисии. Би било подобро да има по некој скеч и виц . Инаку за Игор, што го бива го бива човекот. :up:

 

Подобро, уште од сега да го прекинам. Да не си го расипувам мислењето за Џ.
Вицовите што се во темата за вицови, повеќе ќе ме насмеат.

 

Го гледав денес и како да беше за нијанса подобро. Мене пак „Сељак, сељак“ ми е омилен дел, облечен е и се однесува исто како локалните сељаци, со седумте телефони на маса

 

Малку се подобрува,и мене тоа со сељак ми беше најинтересен,барем човекот има врлина што на своја сметка се шали,а тоа е за пофалба,мора да се признае.

 

И мене сељак ми беше најдобро.. Според мене најдобро доловен лик од сите скечови!! Многумина од мојата околина ќе се препознаат богами!

Спојлер

Особено со она

Баш ме интересира што ќе смисли наредната недела

 

Се надевам дека ке почне и гости да вика.

 

Почна се повеќе да ми се допаѓа ,особено она со сељак сељак ептен ми е интересен

 

Сељак сељак ми е јако, почна да ми се допаѓа шоуто

 

Добро бе,што се дери толку овај Игор? Ич не ми е интересен...Имам гледано вакви шоу програми,затоа ова на ништо не ми личи...Па и песните глупави измислени...Стварно мислев дека ќе направи нешто подобро место да се глупира.