На џогирање сум била се‘ на се‘ три пати. Во Скопје, на кеј. Два пати бев со другарка во доцните попладневни часови, еднаш бев сама рано наутро. И преубаво е. Кога ќе се вратиш дома удираш еден туш и како препороден си. Штета што немам навика овде да го правам тоа. На почеток е важно да не се напрегате многу (доколку, нели, не сте физички Спојлер леле, ќе напишев сексуално за малце активни) затоа што може по неколку часа да ве болат мускулите.
Иако сум голем фан на возење точак ме мотивиравте да почнам и јас да џогирам . Само што се вратив и сакам да споделам уште неколку деталчиња кои повеќето ги знаат но на почетник се надевам ќе му користат . Секогаш кога имате избор џогирајте на мека наместо на тврда подлога, многу е полесно за стапалата и тетивите, значи трева или тартан е подобро од бетон или плочки. Џогирајте во удобни патики а не во тврди, нормално не важи ако џогирате боси на трева но со оглед на нашата хигиена има големи шанси да згазнете на стакло. На средина од џогирањето и по завршувањето на џогирањето растегнете ги мускулите на нозете и телото неколку минути, направете варијанта на машка и женска шпага, наведнете се нанапред и наназад, да искористите што се и мускулите и тетивите загреани. Многу е битно посебно за сите со површински вени веднаш после џогирањето (пред туширање) легнете на кревет и потпрете ги нозете под прав агол во висина, за крвта која е во вените да спадне и да го намали притисокот во листовите со што ефикасно ќе спречите да добиете проширени вени. Личи на небитен детал но е многу важен. доволно се околу 5 минутки па можете да идете на туширање. Почнете да џогирате многу ќе се исплати .
Џогирам редовно но обично попладне едноставно неможам да се разбудам сабајле рано. Еден период одев секој ден а сега 2-3 пати неделно (мрза сум станала) На некој начин ме исполнува и се чувствувам многу поубаво после џогирање а и колку-толку помага во одржување на нормална телесна тежина.
Колку - толку , не би рекла , мислам дека нема нешто што повеќе придонесува за одржување и за слабеење, нормално со упорност, константност и внимавање на исхраната ! Позз
И јас сум фан на точак но мислам дека поголем ефект има џогирањето (конкретно поголем ефект за слабеење) Како и останатите градови во Мкд и во градот каде што живеам нема велосипедска патека , што е на некој начин хендикеп за послободно возење, но сепак не ме спречува да се дружам со пријателчето на две тркалца позз
Повеќе преферирам возење на точак , али како што кажа феминката над мене, од велосипедска патека ни трага ! Така еве денес , со другарка ми ќе пробуваме како ќе тргне работата со џогирањево на стадион Спојлер Не сум баш сигурна , сум прочитала дека е подобро да се пешачи , и мислам дека тоа е точно, али ај , кога си очаен се да пробаш треба !
Точно , корисно е и пешачењето , во секој случај секоја физичка активност делува позитивно на организмот Во претходните постови имаш џогирање за почетници , ќе ти бидат од корист ајде со среќа прв ден на стадион , па пиши ни изморена поздравче
Се слагам, точак е полесно да се вози и може и со него да се слабее ама главно ги оптеретува нозете додека горниот дел е практично неподвижен. Како тренинг за цело тело џогингот е дефинитивно најефикасен . После него идат ролерки, а на трето место е возење точак . Ама сите се поќеифски во друштво .
Зошто досега ваква тема немаше? Браво за феминката што ја отвори. Јас почнувам за некој ден ама планирам овој пат да трчам на нерамна патека со мала угорница. Мислам дека е подобро за мускулите на нозете и задникот. Башка на планинско место сенка има од дрвата, чист воздух, нема раздвиженост многу , уште да ги убедам другарките и одам.
Еве јас џогирам веке една година интензивно,наутро во седум но преферирам на мека подлога-трева,си имам некои ритуали пред и потоа оптеганје на мусклите опустање и верувајте откако почнав со џогирањето мене ми се подобри и метаболизмот и самиот биоритам.Ви препорачувам на сите и малку охрабрување само првите два-три пати се напорни после веке се навикнува организмот,чудно како со едно трчање или брзо одење се чувствува човек поздраво.Мојата мотивација не е слабеење,јас на овој начин психички се одмарам еден вид активна медитација.поздрав
Многу сакам да џогирам но местото каде што живеам некако е непогодно за таа активност и воопшто за било каква надворешна активност, а секој пат да одам до кеј само за таа намена некако не ми е по ќеф. Затоа сега сум на домашно џогирање на Орбитрек и ОК ми е.
Џогирање за добро расположение ДОЛУ КАЛОРИИ И КИЛОГРАМИ Губење на тежина е главна причина поради која повеќето дами почнуваат да трчаат. Имено трчањето е една повеќето активности во кои најмногу се трошат калориите и се губат килограми. На еден ипол километар се согоруваат околу 100 калории. Трчањето исто така го подобрува процентот на ензим кој ја разградува маснотијата во телото. ГО ПОДОБРУВА ЗДРАВЈЕТО Трчањето има позитивни ефекти врз здравјето и го смалува ризикот од болести ( од настинка па се до рак). Трчањето е една од најдобрите аеробик активности за здобивање кондиција, а посебно за здравје и белите дробови. Трчањето ја подобрува циркулацијата, а сите знаеме дека циркулацијата го намалува ризикот од срцев удар. Исто така трчањето може да помогне да се ослободиме од стрес, напнаност и блага депресија. Луѓето кои секојдевно трчаат се поздрави, весели, имаат повеќе енергија за разлика од оние кои не трчаат. ЗАБРЗУВАЈТЕ ПОСТЕПЕНО Оптимално е да се трча од три до пет пати неделно по 30мин. Имајте на ум дека 15 минутното трчање е доволно за да ви се подобри здравјето, додека 30 минутното чини чуда. Но ако се почетници испобајте со методата еден минут трчање-еден минут одење. Пред тренингот обавезно за грејте ги мускулите со вежби за загревање и истегање. МЕНИ Како за другите физички активности, така и за трчањето важи дека не треба да се трча со полн , ниту со празен стомак. Најубаво е да јадете 2 часа пред да трчате. За време на трчањето огранизмот губи течности кои треба да се надокнатат со вода. Водата е важна и мора да испиете барем една чаша иако не чувстувате жед. извор http://glamstik.mk/diaries/zogirane-za- ... polozenie/
За сите што сакаат да џогираат би им го препорачал планов: http://www.coolrunning.com/engine/2/2_3/181.shtml Дизајниран е така да можат и апсолутни почетници да го применат. Напредните можат да си почнат од 4та или 5та недела. Јас веќе 3 пати го имам поминато и е стварно феноменален. Само морам да напомнам дека си бара промена во исхрана инаку ќе пукнете уште во 5та недела!!
браво за сите што се блиску до кеј или на оние од други градови штоимаат каде да џогираат јас првенствено немам некоја зелба којзнае каква ама за одење имам , али живеам во кисела вода и населбава е луге тапа.....нит е за точак нит е за одење тротоарите се крш до кеј не ми се иде далеку ми е се нервирам со години од ситацијата ама тоа е ..(забегав ) муабетов е ...сите феминки од кисела вода ...каде возите точак, пешашачите и слично..дајте ми предлог
Трчам кога можам, т.е кога имам желба. Скејт парк ми е на 10 мин од дома, ако не и помалку и не ми е воопшто проблем одењето таму. Убаво ми е, кога трчам и со музика, и без музика. Во тие 40тина минути се опуштам, не мислам на ништо, и кога ќе дојдам дома отккако ќе се истуширам, како нова сум, се чувствувам препородено. Е сега проблем е што сум мрза и брзо се заморувам, немам кондиција. А толку сакам секое утро/квечерина да си трчам, да ми влезе под кожа да ми стане навика. Еве ова на вајсгај е интересен план, малце е исцмиздрен ама ако гарантира кондиција, би го пробала, малку би забрзала и не ветувам дека ќе стигнам до крај.
Почнав да џогирам некаде во јуни,со цел да ја зголемам кондицијата за сезоната што ми следува.Сега трчам со поголемо темпо и трчам секое утро во 6h. Мене искрено чуството ми е фантастично.Како нова сум после секое трчање,чуствувам дека денот ми е почнат одлично,со повеке енергија. Прво трчав по 2 км,сега и по 6-7. За оние почетниците препорачувам да почнат со џогирање на пократки стази Спојлер да не се воспалите,па да неможете да мрднете И пред се да не се откажете.Бидете упорни. Резултатите доаѓаат. Инаку пред се.. Здраво е,го подобрува метаболизмот,согорува калории. Поздрав за сите упорни