Мое аматерско мислење е дека можеби за почетник за трчање конкретно се форсираш. Зашто истово и јас го имав неколку пати направено со трчање и ме нервираше и прекинував. Исто сум физички активна и со вежбање, и со пешачење и со планинарење ама за трчање сама се форсирав премногу. Логиката ми беше не може ја вака активна да не можам да трчам толку и толку за толку време. И скроз се демотивирав и престанував. Последниов пат кога се префрлив на трчање зашто ми дојде моментот малку поинаку пристапив. Почнав со постепено накачување. Не 30 минути трчање без прекин, туку 3 минути трчање, 1-2 одење. Така недела дена па после накачување постепено недела за недела. Трчам преку еден ден, зашто сфатив дека најспособно трчам така. Секој ден не давам се од себе и не ми е толку мерак. Преку два дена ми се губи некое темпо. И гледам дека имам разлика. Порано истото ми се случуваше, болка во колковите и како притисок во долниот дел од стомакот. Ама вака со постепено накачување ми се нема случено ова и уште повеќе имам засакано трчање сега, скроз сум навлечена. На почеток малку ми беше мех, сум трчала пола саат а не сум испотена ко после некој тренгинг или вежби. Мислам 10 минути вежби дома некад повеќе ме потат од трчање. Но чувствувам дека ми се развива осетот за трчање и немам потреба да се форсирам. Знам дека порано или подоцна ќе стигнам до трчање подолго без престан ама сум и реална дека е поинаква физичка активност за телото. Има и на пинтерест доста како програми за трчање за почетници. Ѕирни ги нив, може ќе те бендиса некоја. Некогаш и ние очекуваме дека телово е ко пластелин одма ќе се навикне и приспособи на сè а му треба време. На крај краева, мене ми е битно секој пат кога ќе се вратам од трчање да сум исполнета и задоволна од себе, не пола тело да не ми функционира.
@Ava.84 до каде си? Јас сум од 5-7км на трчање денес допрев седмица за прв пат. Месец дена на должинава па да повлечам до 8. И доста е.
Само напред има нешто фраен маратон во Берлин ,да се пријавиш Ништо @FreeMind баталив.Од кога тргнав со работа тешко се организирам во 17 доаѓам додека јадеме и нема кога. Во слободно шетаме со моите. Сакам да трчам ама имам нешто друго на ум па ќе видиме.Ако не ме биде за трчање јога не ми бега
Ме интересира нешто од поискусните трчачки. Јас трчам преку еден ден. Пред неколку недели почнав баш поинтензивно да трчам и приметувам дека не денот кога трчам (обично попладне е тоа) туку наредниот ден сум прегладна. Ама пре-прегладна и конкретно имам cravings за јаглехидрати. Чудно ми е зашто никогаш претходно ми се нема случено ова од други вежби, па ме интересираше дали има некој со слично искуство? И што јадете вака у склоп на трчање да прашам хахахахха Прво мислев со циклусот да не ми е поврзано ама не е. Вчера трчав денес не можам да се донајадам а ништо не правев цел ден, од дома работев.
Здраво. Се мислам да инвестирам во домашна трака за трчање за цена од 400-450 евра, па доколку некоја од вас има дома, би била благодарна ако го сподели своето искуство и ми препорача трака до таа цена. Конкретно сум заинтересирана за Top Life траките. Благодарам.
Пријавите за на ОхридТрчаТ се во тек. Се пријавив во првите на рекреативната 5К патека... ајде некоја со искуство да сподели како да се спремам ... физички и тактички... не со намера да победам но .. барем трето да освојам
Ако не си трчала досега редовно рекреативно, за два месеца подготовка за маратон за трето место е малце нереално. Пет километри не се многу, но зависи и од патеката. Не ми се гугла за да дознаам детали за да дадам конкретни совети, јер тоа по принцип треба ти да направиш и да се консултираш со некој.
Сериозно си за третото место или се зезаш? Трчаш редовно? Спремни дечки што решиле да се у први 3, петкиве ги трчаат за 15-20 минути, женска конкуренција можеби до 25 ама и тоа е многу. Ти за колку трчаш 5 километри? Тактика некоја посебна за 5 км нема. Трчаш брзо темпо цело време. За 5 км и физички не треба нешто посебно спремање ако веќе џогираш.... Мери време и зголемувај темпо... Кажи малце поише инфо за тоа моментално која ти е спремноста...
Џогирам редовно но прв пат ке се натпреварувам, можеби не дадов доволно информации требеше да прашам како да се спремам психички...
Подолго време пробувам да најдам некој со кого “ќе си држиме ритам“ додека трчаме/џогираме... Ова е првпат да пишувам тука за тоа. Не сум ни профи, ни почетник... Школите за трчање не ми се предмет на интерес, од проста причина што таму секогаш има (1) Имплицитна конкуренција и суета (2) Луѓе со различно ниво на подготвеност, кој заостанува кој премногу брза. 3) Не може да ме научат нешто што веќе не го знам и за тоа да плаќам без врска. Што се однесува до мојот „тркачки профил“: Трчам/џогирам околу 30 минути 5 км.... Можам да истрчам и 10 веројатно. но, НЕ се спремам за полумаратон, барем не сега хаха .. Гледам да трчам редовно, покрај Вардар (во Скопје секако), иако претходно вежбав во теретана, но, сега сум фокусирам на активности надвор, од разбирливи причини... И не, ова нема никаква романтична позадина, едноставно ми треба некој/а кој ќе ми биде partner in crime, во џогирање... Ако има некој заинтересиран/а нека ми пише во ИНБОКС. Времето би било попладне, локацијата, покрај Вардар (ќе се договориме во кој дел конкретно). Сум човек со кој релативно лесно може да се разбере во однос на обврски, напор, ритам, локација, итн... Во, секој случај може да пробаме... Да го искористиме времето во физичка активност на отворено додека пред да не „убие“ скопскиот смог зимава...