Точно на денешен ден по повод 100 годишнината од раѓањето на Џулија Чајлд една личност која остави посебен печат во кулинарската историја го поставувам автобиографскиот филм кој е снимен во нејзина чест. Филмот раскажува две приказни едната на Џулија Чајлд и другата на Џули Пол кои се испреплетени и се случуваат во различни временски периоди, почнувајќи од почетоците на кариерата на Џулија која како жена на американски дипломат во Париз одлучува да ги презентира своите кулинарски вештини. Втората приказна е на Џули Пол која си задава цел и задача за година дена да приготви 524 рецепти од книгата на Џулија Чајлд. Сите свои кулинарски обиди за своите искуства во кујната ги забележува на својот блог на интернет. Филмот е доста интересен и забавен Ќе уживате додека ги гледате двете личности кои ги презентираат своите кулинарски вештини и пријатно ќе се забавувате. Улогите на актерите се феноменални почнуваќи од маестралната Мерил Стрип која одлично го доловува и портретира ликот на Џулија Чајлд за кој и беше номинирана истата година за оскар за најдобра женска улога а исто така освои и златен глобус за најдобра актерка. Одлична во улогата е и Ејми Адамс (одлична актерка со врвни актерски квалитети) која исто така многу добро го доловува ликот на Џули, сосема солидни во улогите се и Стенли Тучи како сопруг на Џулија(Мерил Стрип) и Крис Месина како партнер на Џули(Ејми Адамс) Режијата е на Нора Ефрон Топло го препорачувам да го гледаат филмот сите кои се лубители на добриот филм, добрата храна и готвењето сето споено во едно.
