Абортус

Не знам дали убиецот на мајката се смета и за убиец на нероденото дете, или едноставно делото се смета за потешко ако мајката била бремена.

И не знам дали можеби тежината на делото се решава индивидуално, од случај до случај, во зависност од стадиумот на бременоста и останатите околности - иако истото не е детално опфатено со Законикот и дали воопшто постои таква можност. @Victorian?

Баш ради ова и реков дека е комплексно прашањево. Што ако, на пример, мајката доживее спонтан абортус поради стрес кој и го предизвикал некој? Дали тој треба да одговара за убиство?

 

Од овде Бендер. Уништување на постоечки - убиство. Уништување на иден - ?

@Victorian?

 

Да не ја пишманиме само @Victorian на крај со прашањава, да не се покае што се пријави како правник у темава.

Ако ништо друго, Викторијан, еве ти интересна тема за семинарска или магистерска.

 

@Victorian
Кога веќе збориме за насилна смрт, нанесување на тешки телесни повреди врз мајката, од кои настапува смрт на нероденото дете како се класифицира?
Учев пред 8-9 години ама да ми речат ќе те утепам ако не ми кажеш, нема да ми текне

 

Дечки значи не сум експерт по Казнено право, туку само студент (кој планира да специјализира на сосем различна област од казнено право - трудово или граѓанско право)
Затоа однапред се извинувам за не толку стручните (и можеби неточни) одговори

Колку се разбирам, делото е оквалификувано како потешко само затоа што жената е бремена, доколку убиецот на мајката се смета и како убиец на (нероденото) дете тогаш по некоја логика би имале двојно убиство, а не убиство на бремена жена.

Ни еден случај во правото не е ист, затоа и казните за квалифицираните убиства варираат од над 10 год па се до доживотен затвор.
Мислам дека стадиумот на бременоста нема врска со тежината на делото (пак е убиство на бремена жена), влијание би можела да има свеста на извршителот за бременоста на жената (дали знаел дека е бремена).
Што се однесува до прашањето на @Dust поима немам
Ме натера да го разгледам цел КЗ и Општ дел на Казнено Право... и ништо
Може затоа што го немам посебниот дел од КП до мене (ама ќе го побарам во Библиотека) или ќе прашам некој од професорите па ќе ви пишам

 

@pravnicka_2604, благодарам за објаснувањето. Јасно ми е. И како што веќе се изјаснив, го поддржувам правото на одлука и тоа како е дефинирано во законот за абортус.

Она што ме интересираше а не ми се разјасни, ќе пробам и низ пример да илустрирам:
Човек претепува бремена жена и таа го губи плодот. Во овој случај, одговара не само за физичко насилство врз жена, туку за потежок злочин. И, како што ја разбрав @Victorian, фазата на развој на плодот не е важна на суд. Не е важно дали била бремена во трета или осма недела, или петти месец. Дали е навистина така, или постојат олеснителни околности доколку била рана бременост и според научните факти кои се земаат предвид во законот за абортус, плодот немал чувства и не го болело?
Дали ќе му се суди полесно ако спречил право на живот на групација на клетки, кои не се гледаат ко живот во другиот закон?

Разбрав дека може да добие помала казна ако не знаел дека е бремена, а поголема ако знаел. Ама не е предвидено ова другото да се земе ко олеснителна мерка.

Во кривичниот закон, колку што разбрав, плодот има правна заштита без разлика во кој степен на развој е. Во законот за абортус има правна заштита после одредена фаза на развој. Тука гледам конфликт.

 

Не е конфликт од причина што двата закони се во согласност со уставот, кој што пак е највисок правен пропис во РМ. Законот за прекин на бременост е од друг аспект, а не од кривично правен, додека согласно казнениот закон плодот има правна заштита без разлика во кој степен на развој е, од причина што примерот кој го наведе се коси со слободниот избор на жената уреден во уставот. Казнено-правно плодот се заштитува како иден живот, односно постои казненоправна заштита за она што е исклучок од дозволеното, на дејствија што значат повреда на основното право на жената слободно да одлучува за раѓањето на детето, на таков начин и проф. Камбовски илустрира во коментарот на кривичниот законик.

 

Ова шо го дискутирате Ливинг и Правничка, баш вакви ситуации беа опфатени во серијалотl "aw and order special victims unit" каде, нели по амерички правен систем крајната одлука ја носеше поротата, ама како е регулирано ова во нашиот правен систем не знам, а баш ме заинтересира.

 

Благодарам, пак.

Сега ме интересира, прашањево не е правно, туку морално, и е за сите кои споредуваа плод во ран развој со неоплодена сперма:
Дали го поддржувате начинот на кој се регулира повреда на плод во ран развој како кривично дело (направено од друг, не мајката)? Претпоставувам да, затоа што не гледам друго решение. И нели се тоа двојни стандарди? Како тоа плодот може да се заштитува како иден живот ако станува збор за повреда од друг, а абортусот во рана бременост во медицински услови не се смета за повреда на иден живот? Такви двојни стандарди за кои постојано ги обвинувате жените кои сметаат дека плодот е живот, а сепак оправдуваат абортус во одредени случаи како силување и здравствени проблеми.

Значи ова е морално прашање кое има толку нијанси што не гледам начин да бидеш скроз за или скроз против. Затоа екстремите од двете страни не ми се јасни.
Про-лајф - не можете да се мешате во правото на жената да одлучи. Не може да ги нарекувате убијци, неинформирани, невнимателни или не знам што, затоа што не можете да знаете како тие ја носат таа одлука и кои се причините за неа.
Про-чојс - не може да се потпирате на аргументи како мастурбирање, "не го боли до таа и таа недела, тоа не е живот", Хитлер, деца во дом, мајки кои работат за 8000 во конфекција и гледаат дете и изиграваат херои (@Dust, сериозно ова ти падна на ум? Што, подобро да го абортирала?), заостанати, душебрижници, мајки Терези, непрогресивни. За некој што го цени животот (или прекинатиот потенцијал за живот, како сакате), тие аргументи не значат ама баш ништо. И никого не убедуваат. Ако се потпираме врз наука и фази на развој на плодот, што е со криминалецот од примерот? Тука морал, ваму наука? Во ред е да поддржувате право на избор. Не е во ред да се негира фактот дека станува збор за избор: живот или не.

 

Кога се работи за кривичен аспект, убиство на бремена жена, или напад каде ќе го изгуби плодот во било кој стадиум од бременоста, со построгата казна не се заштитува животот на идното дете туку се казнува построго поради тоа што мајката го изгубила плодот, значи на некој начин да се надомести правдата односно загубата на мајката бидејќи таа ќе има пссихичка болка поради прекинот на бременоста. Во делот на абортусот бремената жена не ја сака бременоста т.е. не сака да биде мајка и затоа е дозволен до 12 недела, односно и подоцна под строго определени услови, како што и претходно е кажано, сериозни абнормалии на плодот или преголем ризик за мајката.

 

Кај убиство на бремена жена не може да се надомести за психичката болка на мајката. А сепак се одговара ко за повеќе од еден живот.

Патем, правното објаснување ми е јасно. Ме интересира дали сметаш дека криминалецот треба да добие помала казна ако станува збор за рана бременост, или во тој случај е исто и не важат научните објаснувања за степен на развој?

 

@LivingGlam јас си го кажав моето мислење и колку и некој да не се согласува со истото, тоа е мое мислење, не го наметнувам, само се обидувам да разберам зошто некој упорно го наметнува фактот дека абортусот е убиство, а жените се убијци?!

Во поглед на кривичниот законик, интепретацијата на истиот е магична..
Ама во ниеден случај повредата на жена во било која фаза на бременост не претставува двојно убиство, така? Па тогаш можеш и сама да заклучиш за што го сметаат фетусот, сигурно не за човек м?

Убиството на бремена жена спаѓа во класифицирани убиства бидејќи е извршено под квалификаторни околности, во случајов околностите се од категорија на посебните својства на жртвата, па исто како што би се судел убиец на полицајци или убиец на малолетник, би се судел и убиец на бремена жена.
И тоа е факт.
Жената била бремена и МОЖЕЛА на свет да донесе живородено дете, можеби ќе донела на свет мртвородено дете или можеби ќе го искористела правото што и го нуди законот и истото ќе го абортирала.
Со оглед на тоа што абортусот во РМ е законски регулиран, доколку е направен во наведениот рок во овластена здравствена установа, истиот е законски. А докторот не е убиец, па зошто тогаш мајката би била?!
Законот го регулира и убиството на дете при пораѓај доколку мајката е во состојба на растројство и ако не се лажам казната е од 3 месеци до 3 години..
Истиот закон пропишува и соодветни казни за противправното прекинување на бременоста, но реално темава не треба да се гледа од ПРАВНА туку од МЕДИЦИНСКА страна.



И за крај, не ти чинеше тоа што ми ги изврти зборовите. Не те сметав за таква особа.
Тој дел од моето обраќање што си го цитирала е сосема изваден од контекст, моето обраќање кон членката беше за "херојството" на нејзината сестра која што сега работи во конфенција за 8000ден, а чува дете од маж што ја тепал, кај кого се преселила на 16год а родителите уво не ги болело за неа, па кога останала бремена и било страв да каже и бидејќи нејзините родители се такви какви што се, абортусот не ни бил на дневен ред.

Нема херојство во тоа. Има непромислени постапки пред се од страна на родителите а потоа и од страна на личноста која што трпела насилство, а згора на се сеуште била и постар малолетник

 

Да, во тој случај за најблиските, ама нема да одоговара за двојно убиство, туку за убиство на бремена жена, што е отежнителна околност, што во тој случај би било за нијанса построга казна. Поентата ми беше дека само е отежнителна околност, а не се смета како два живота.

 

Јас не би рекла дека е за нијанса построга..
Ако не се лажам казната е дупла, со можност за доживотна.
Или смениле нешто во последно време?

 

Ништо и јас не наметнував. Никаде не спомнав дека жените се убијци, така да ќе го игнорирам овој дел од твоето мислење, веројатно не се однесува на мене и не знам зошто го спомнуваш ко одговор на моето мислење.

Во ред, не е двојно убиство, ама потежок злочин од обично убиство.

Па тоа ти кажувам, од МЕДИЦИНСКА страна. Зошто таа медицинска страна не треба да се земе предвид при злочин? Ако некој криминалец се брани со фактот дека била рана бременост, дали заслужува да добие помала казна? Помала би била и емоционалната болка на мајката ако гледаме од МЕДИЦИНСКА страна, зашто не се смета за бебе, туку за ембрион. Така да и’ кажат на суд? Тоа прашувам, и не ми одговори. Не ми кажувај што вели законот, тоа го сфатив. Кажи ми што мислиш ти за ова?
Дали ако планирала да абортира а е нападната пред абортусот, на криминалецот сепак да му се суди ко за потежок злочин? Тука веќе нема емоционална штета за мајката во поглед загуба на плодот, секако ќе го направела.

Се извинувам, не ја следев детално дискусијата, само на последните страни обратив внимание. И да, пак не е во ред да се спомнуваат живи примери ко оправдување на одлука за абортус. Не од аспект на претпоставки - можеби мајката ќе имала поубав живот да го напуштела мажот, да си завршела факултет, да си најдела друг маж и да роди друго дете. Да, можеби ќе и’ бил поубав животот. Ама кога овие зборови значат - тоа дете не требало да се роди, помислуваш на тоа дете?

Ако е дупла, нели е тоа ко за еден живот помножено со два? Математички?

 

Убиство Член 123 (1) Тој што друг ке лиши од живот ќе се казни со затвор најмалку пет години. (2) Со затвор најмалку десет години или со доживотен затвор ќе се казни тој што: 53 1) друг ќе лиши од живот на свиреп или подмолен начин, 2) друг ќе лиши од живот при вршење на семејно насилство, 3) друг ќе лиши од живот и притоа со умисла ќе го доведе во опасност животот на уште некое лице, 4) друг ќе лиши од живот од користољубие, заради извршување или прикривање на друго кривично дело, од безобѕирна одмазда или од други ниски побуди, 5) друг ќе лиши од живот по порачка, 6) ќе лиши од живот женско лице за кое знае дека е бремено или малолетно лице и 7) ќе лиши од живот судија, јавен обвинител или адвокат, при вршењето на неговата функција, односно дејност или службено или воено лице при вршењето на работите на јавната или државната безбедност или на должноста чување на јавниот ред, фаќање на сторител на кривично дело или чување на лице лишено од слобода. (3) Со затвор од најмалку десет години или со доживотен затвор ќе се казни тој кој со умисла ќе лиши од живот две или повеќе лица, за кои претходно не му било судено, освен ако не се работи за кривични дела од член 9 став (3), член 10 став (3) и членовите 124, 125 и 127.
Еве цитат од целиот дел за убиство. Нема во правото такви математики. Во тој случај ке испадне дека некој животи вредат за 2 како на пример судија, адвокат, полицаец... затоа и има големи дозволени рамки од -до во казните бидејки многу варијанти се во прашање таква и ке биде строгоста на казната.

 

Дел 1..
Не не, општо кажав зошто сум ЗА абортусот и зошто се обидувам тука да пишувам на темава, која ми е и те како болна..

Дел 2..

Не може криминалецот да се брани со рана бременост бидејќи тој противправно одземал живот (или нанесол повреди) на одредена индивидуа а со тоа истата таа личност го загубила бебето кое што МОЖЕБИ ќе се родело живо и ќе водело нормален живот.
Се става акцент на иднината, бидејќи таа бременост треба да биде доносена за да се добие крајниот продукт од истата.
Во моментот имаш фетус, тој фетус расте и се развива, но истиот нема никакви права и слободи додека не дојде на свет?!
За благосостојбата на истиот тој ембрион/фетус е задолжена мајката и при нанесување на било каква повреда врз неа, се добива класифицираното убиство.
Што значи дека доколу мајката реши да абортира, прифатливо е, доколку некој противправно избрши абортус врз неа, противзсконско е. Ме разбираш?
Може комплицирам хмм

Ако планирала да абортира а е нападната од одредена личност, таа сеуште во себе го носела плодот и се смета за бремена, се додека бременоста не е прекината. Зошто би се добило било какво олеснување за делото?


Дел 3...
Исто како и погоре наведените примери, хипотетички се сите мислења .
Што би кога би..

Не знам каков живот би имала мајката и детето доколку се случело нешто што не се случило, па така и јас и ти можеме само да шпекулираме

Никаде не спомнав математика, туку спомнав само збор ДУПЛО и сум била во право..
Уште е истиот законик што го учев и јас
10год се дупло од 5...

 

Во ред е, не се два животи, тоа го разјаснивме. Ама се добива поголема казна, иако не се смета ко за живот.

Во случајот криминалец ставаме акцент на иднината. Зошто таа потенцијална иднина се негира кога станува збор за абортус?

Секако дека разбирам, па и јас го кажав истото.

Епа затоа што секако ќе го немало плодот и тука веќе не зборуваме за емоционална штета на мајката или таткото кои очекувале дете. Законот заштитува нешто друго. Што? Зошто плодот има правна заштита кога не е жив? Зошто да не добие олеснување за делото?

Тие хипотетички мислења не се во ред кога се однесуваат на живи деца. Кажав повеќе пати, знам дека отупев, ама не е во ред да се користат тие примери.

 

1
Затоа што абортусот е дозволен со закон, а нападот врз одредена личност е казнив со закон.

3..
Плодот го ИМА ВО моментот на сторување на делото, затоа и нема олеснителна околност. А дали ќе го има и во иднина, не е работа на судот..
Судот суди според состојбата во времето на сторување.