Абортус

Ајде религијата, ама и силување и инцест се вклучи овде. И после тие викаат чувствителна тема била а спомнаа такви грозни чинови.

 

Па нели Бог имал причина за се'?

Мојот коментар се однесуваше на коментарот на членката. Што значи, ако дозволил и промислил да се зачне, дозволил и промислил и за силувањето.

Ова не се твои зборови, ама ако се согласуваш со напишаното од членката, биди спремна да образложиш, кога веќе неповикана се јавуваш.

 

Јас незнам што им се замараш.. остави ги, гледаш дури три се со исто мислење наспроти куп со мислење како моето, твоето и на мн други... што значи дека ние сме повеќе во право

 

@mariz,

знам дека вака од страна делува како залудно верглање во празно ама јас уште чувам надеж дека барем едно од про-чојс мислењата ќе успее некако да допре до оние кои тука пишуваат „убиство, убиство“ и ќе ги натера рационално да ја согледаат и нашата страна од дискусијата.

 

Да, пошто они не' замислуваат како фрламе бебиња во отпад. Толку знаат дека најголем дел од вас се мајки кои дишат за своите деца, а нивното грижење за бебиња се сведува на "леле колку е миличко" без да имаат претстава што всушност значи да се биде родител.
На такви кои родителството го гледаат со толку розеви очила, не знам дали би им дала маче, а не бебе на чување.
Многу посериозна работа бара од "роди си го, ќе се снајдеш".

 

Реално на темава не можеш да користиш аргументи од тип на религија (колку и да си религиозен) од проста причина што денес воопшто има многу атеисти.
Сакале ние или не, на темава абортус (барем за атеистите) Бог е битен колку и Дедо Мраз.

Четворица со се мене

Абе и мнозинството во Атина изгласало да се отруе Сократ ама после некое време се покажа дека не биле во право. И нацистите биле побројни па го изгласаа Хитлер и не беа во право.
Муабетот ми е дека само затоа што приврзаниците на про чоис се повеќе не значи дека се одма во право (што секако не значи дека одма про лајферите се во право).

Бројот на противници/поддржувачи на абортус варира во зависност од просторот и времето.

 

За волја на вистината, јас напишав дека не го поддржувам абортусот, тоа што мојата религиозност им боде очи на други не е мој проблем. Јас ниту фатив некого за гуша ниту му наредив на некој што да прави, јас си изнесов мој став и после тие атеисти ми се нафрлија без никаква потреба, само да ме влечат за јазик а јас пишав дека не поддржувам и нема потреба да образложувам зошто. Јас се нафрлив на некој? Не.
Ај доволно е, на крајот на краиштата, секој си го крои сам својот живот.

 

Мислам дека нема во Мк онакви про-лајф што се, што висат пред болниците и малтретираат жени, моите лимитирани контакти со нив се многу лоши, не разбирам како такви лоши, безобразни, безобзирни (не)луѓе имаат тооооооооолкава грижа и љубов за ембрион и тоа туѓ.

Кај мене има две клиники каде се вршаат абортуси, првиот контакт ми беше кога од работа бев пратена да земам нешто од таа клиника и дека во униформа ми се втурија дека сум убиец, поддржувач на убијци, една за малку ќе ме плукнеше, значи џган невиден.

Вториот контакт со про- лајферите ми беше уште полош него првиот.
Бев да посетам другарка која абортираше затоа што плодот беше со тешки малформации, Матео во раце трудна со Константин и ете една душебрижничка мислејќи дека одам да абортирам ми го џапа малиов од раце, демек да го убиеме исто како што ќе сум го убиела плодот во стомакот.
Не сум горда што настапив крајно насилнички, меѓутоа дете нема право никој да ми дира, и влепив шамар, се заканив и со полиција, им се изнавикав и си отидов.
Детето не можев пола саат да го смирам од што рикаше, не доживеал никогаш такво нешто некој да го влече од мајчините раце и после тие биле про-лајф, како па да не.
Про-лајф а ваму вадат бебе од памет, се закануваат со убиство, го влечат, викаат по мајката, тие ако се про-лајф ќе се грижат за секое веќе родено дете а не да ги трауматизираат.
Лично сметам дека тие ниту се грижат ни за родените, ни за неродените, туку се куп на исфрустрирани, нереализирани личности кој им поминува денот во навредување и напаѓање на луѓе колку да не мораат да се соочат со тоа колку им е мизерен и патетичен нивниот живот па се баваат со туѓиот.

Верник сум а пак сум про-чојс, не дозволувам никој да ми наметнува мислење, посебно не некои догми од памтивек кој црквата упорно ги пренесува.
Секоја една жена има право да прави што сака со своето тело, не е должна ни да дава отчет некому, ни објаснување и не нема баланс во универзумот па за секоја што абортирала некоја друга нема да може да има деца па да има толкава омраза од вторите кон првите, тоа е животот, некому полесен, некому потежок.

 

Нема да ви се допадне ова што ќе го напишам, една реченица од скорешно интервју со владиката Јосиф тетовско-гостиварски - „а на крајот сè ќе биде Божја волја и Бог ќе промисли според нашите дела“.

Има и една изрека, Бог предлага, човекот располага, и друга, се е дозволено, но не е се корисно.. итн.
Како ќе се разреши конкретна ситуација зависи од многу фактори.
Апсолутно сум против абортус, во кои било околности да се случило зачнувањето. Но секој си има свој живот. Во мојот живот јас се трудам да не судам за туѓите постапки.

На крајот на краиштата, има грев, има и покајание.

 

Сепак универзално е правото на жената за почитување на правота на нејзин избор за нејзиното тело.
Дали таа ќе одлучи да го носи ембрионот до бебе на денот на пораѓај или ќе го отстрани ембрионот со лек со интервенција е ЛИЧНО НЕЈЗИН ИЗБОР.

 

Телото на жената ги опфаќа нејзините органи, но не и ембрионот или фетусот кој го носи во себеси. Тоа е друго тело и (зачеток на) друг човек, со различна ДНК од мајчината.
По Вашата логика, можеме да ги оправдаме и робовладетелите кои наоѓале слични изговори да ги убиваат и малтретираат своите робови. Робовите биле нивна своина и можеле да си прават со нив што сакаат...
Нормално, во ова време робовладетелството и малтретирањето на другите луѓе (па дури и животните) е и неморално и незаконски (барем во т.н. цивилизиран свет). Ни останува, да се надеваме дека во најскора иднина светот ќе еволуира и утробното чедоморство ќе биде и неморално и незаконско.
Одвратно е мешањето на силувањата и родосквернавењата со утробните чедоморства. Сигурен сум дека во Македонија годишно нема 5.000-15.000 силувања и родосквернавења, колку што има утробни чедоморства. Најголем проблем кај нас е неодговорноста. Ако некој е спремен да општи полово, треба да биде подготвен и да биде родител.

 

Интересно е како најголемиот дел од пролајферите се претерано загрижени за правата и животот на неродениот ембрион или фетус и активно се залагаат за истите, но кога тоа непосакувано дете ќе се роди некако повеќе и не им е гајле за него и тоа е препуштено само на себе.

Зошто има милион и една кампања против абортусот, а ниту една за подобрување на условите во домовите за деца без родители, или за поедноставување на постапката за посвојување, или за подигнување на свеста кај популацијата за посвојување на деца? Зошто имаме кампањи „Роди трето дете“, а немаме „Посвој трето дете“? Зошто во општества со толку многу моралисти и душебрижници кои се грижат за туѓи, сеуште неродени деца, никој од нив не се грижи за истите откако ќе се родат?

Какви сакаат нека се вашите религозни, етички и морални убедувања, да натераш мајка да роди дете кое не го сака е сурово; да принудиш мајка да роди дете кое е со генетско заболување е сурово; да убедуваш силувана девојка дека треба да го роди тоа дете е сурово.

Затоа што, да не се лажеме - тоа е она што најголем дел од пролајферите отворено или скришно го посакуваат - забрана и криминализација на абортусот - и тоа, само затоа што истиот не е во согласност со нивните, сопствени убедувања.

И впрочем, тука е разликата помеѓу оние про-лајф и оние про-чојс - мнозинството пролајфери сакаат да го забранат и спречат абортусот, по секоја цена, иако не се работи за нивниот живот и тело. Од друга страна, не постои ниту еден човек кој е за абортус - постојат само оние кои се за жената да има избор дали ќе роди или не.

 

Нема кампања посвои второ (за трето муабет да не правиме) дете, од едноставна причина што и нема доволно деца за посвојување. Тие што се во домовите - најчесто не ни можат да се посвојат. По 3-4 години минимум се чека за да се посвои детенце, оти сирачиња и напуштени дечиња нема...

 

Си бил во домовиве да видиш колку нема деца?! Или ја извртуваш вистината за да одговара на твоите тврдења? Па не сме тука сите глупави. Сме биле и ние во домовиве, знаеме колку има или нема деца во истите. Убаво ви рече Бендер, зошто не се залагате да се скрати постапката за посвојување? М? Одговорот е јасен, вие не се грижите за дечињата. Не вистински!

 

Факт е дека има многу деца по домовите ама има и многу луѓе што сакаат да посвојат, а заглавуваат со бирократија.
Точно е дека постапката е ептен комплицирана и треба да се поедностави и јас еве како про лајфер се залагам за тоа, се залагам и за подобрување на условите во домовите АМА јас како поединец ништо нема да сменам.
Уште нешто на што треба да се поработи барем кај нас е сексуалната едукација, имаме еден куп реклами и кампањи против абортус а ретко е да најдеш некоја поврзана со сексуалното образование и заштита (бар ја немам видено).
Верувам дека доколку прво се поработи на едукацијата не би имале потреба од анти абортус кампањи.

 

Бирократијата е само еден дел од проблемот со посвојувањето. Другиот, многу поголем дел, за кој никој не сака да зборува, е тоа што паровите најчесто сакаат да посвојат бебе, а не дете од неколку години или повозрасно, како и тоа што одбегнуваат да посвојуваат деца од ромска националност - а баш тие се најбројни. Тажно, но вистинито.

Но, посвојувањето и не е единствен начин да им се помогне на децата без родители - еден пар може да се одлучи да функционира како згрижувачко семејство - да, оваа опција постои и кај нас но, за жал, многу малку луѓе се одлучуваат на овој чекор.

Постојат илјадници начини на кои оние кои се декларираат како про-лајф можат тоа да го покажат и докажат - и сите се подобри од залагање за забрана на абортусот, осудување на неистомислениците и нивно етикетирање како „убијци“.

 

Апсолутно се согласувам со "stand for the right thing, even if you're standing alone".
Но, тука е многу просто.
Дали сметаш дека абортусот треба законски да се забрани? Ако да, ти си пролајф. Ако не, ти си прочојс.
Самиот збор значи избор.

Ако кажеш: јас никогаш не би абортирала, но другите си знаат за себе - ти си прочојс.

Да се биде пролајф само по себе носи поголема одговорност - дали ти ќе го чуваш, финансираш плодот кој јас сакам да го абортирам? Ќе ми платиш ли прегледи, скрининзи, пелени, ад, креми? А учебници, облека? Екскурзија?

Затоа велам - секој за себе мора да си одлучува.
Прочојс не е проабортус.

За претходните утробни глупоштини не ти коментирам, ама ова е веќе претеризам.
Кога ТИ последен пат си бил во дом? М?
Па уште споро се посвојувало затоа што немало деца... дали си нормален?
Толку од твојата вистинска љубов за живите деца, пошто како си тргнал уште да лицитираме кој да посвои...

И чисто информативно, домовите се преполни со деца кои живеат во нехумани услови.

 

Да имам пари би плаќала, би отворила фондација и би направила се што можам за тие деца. Сметам дека треба да им се даде шанса за живот, затоа се сметам за пролајфер. Сметам дека правото на живот е побитно од правото на избор.
But that's me, не планирам да ги наметнувам моите ставови

 

Ако не сакаш да ги наметнуваш своите ставови, не си пролајф. Пролајф се залага за законска забрана за абортус.

Инаку, како ќе ме натераш да родам ако не сакам? Како ќе ме натераш да одам на прегледи, да пијам фолна, да не се пијанчам или препушувам, да се лекувам ако имам кламидија на пример? Ќе ме силува ли докторот со сондата ако одбивам вагинално ехо?
Навистина не знам како го замислувате принудното носење и износување на плодот...