Абортус

Истото и со мене беше. Се измалтретирав за сите пари и нерви и здравје.

 

Јас па имам скроз различно искуство. За жал до сега имам поминато 3 спонтани абортуси, од кои 3 пати се чистев со киретажа, еднаш со апчиња. И тоа од првата киретажа не ме исчистија убаво па морав да идам по втор пат да ме доисчистат, па после 11 месеци одвај ми се оправи ендометриумот. Вториот спонтан решив да пробам медикаментозно, многу лесно поминав без никакви компликации и комплетно се исчистив. Со ендометриумот немав никаков проблем и после 3 месеци останав пак бремена, но за жал пак имав спонтан. На инсистирање на докторот да го пратиме плодот на испитување, се согласив повторно на киретажа. Од тогаш се поминати 7 месеци и јас пак мака мачам со ендометриумот.

И јас имав првиот пат предрасуди за апчињата, иако сегде во светот повеќе се препорачуваат. Сепак природно се чистиш, ама ете пусти страв од болка. Шансите да не се исчистиш целосно со нив се премали, исто како што не би требало да има проблеми со киретажа, па еве јас не бев исчистена како што треба..Примери има секакви.

Сепак, ризиците за некои компликации да се случат со медикаментозно чистење се многу помали, отколку со киретажа. Се што апчињата прават е го тригерираат природниот процес на исфрлање на плодот од телото. За разлика од киретажата која сепак е интервенција на која примаш краткотрајна целосна анестезија и со помош на инструмент го гребат ендометриумот за да го отстранат плодот. Доста познато е дека често доаѓа до проблеми со ендометриумот, како што имав и јас, а некогаш дури се случува и да го изгребат и несакајќи ѕидот на матката и да дојде до Ашерман синдром, па недај боже ако дојде до тоа, после треба со дополнителни интервенции што инволвира пак целосна анестезија да го решаваат тој проблем.

Секако секој си одлучува за себе и дај боже веќе никад да не се соочуваме со вакви одлуки. Само сакав да го споделам моето искуство, зошто некако ми личи дека апчињата се табу тема кај нас, иако во Америка, Англија и во другите поразвиени земји во светот повеќе се препорачуваат. Убаво е да бидеме свесни за можните компликации и од двете методи.

 

И јас имав некое лошо искуство со киретажата. Додуша самата интервенција помина во ред дека со анестезија бев и успана целосно, ама одпосле е маката.

Ми се пораметил и мене ендометриумот, едвај до 7мм стигаше и тоа во пикот на овулација, а за бременост треба над 8мм. Некако го средивме со матичната и пак почна да си се здебелува како што треба.
Неќни друг проблем, ми се запушиле каналите од киретажата. Сум имала благо запушување па успеа да ми ги средат и сега се проодни, фала Богу. Баш и докторот таму го прашав од што може да се запушат кога веќе еднаш бев бремена, ми рече штом си имала киретажа ете.
Изгубив и нерви и време, се прашував зошто не останувам бремена а толку брзо останав првиот пат.

Сега вака размислувајќи назад се прашувам дали требаше да изберам да се исчистам со апчиња, дека киретажата многу лошо влијеше на мене.

Секој метод си носи свои компликации, да не ме сфатите погрешно, само си кажувам искуство и дека можеби требаше да ја изберам другата опција, ама тоа е нема назад.

 

Колкав беше плодот кога имаше медикаментозен? Мислам дека многу зависи и од тоа. Јас имав мисед во 11та накај 12та гн, а плодот беше застанат во 8+2 гн, абортусот ми се случи дома, но мораа да ме дочистат. Бидејќи првично ме убедуваа дека се е во ред со плодот, не ни знаев дека тоа што ми се случува е абортус. Болки имав како контракции, како појаки менструални а ја иако природно породена претходно не знаев да ги препознаам. Да знаев дека е мртов плод во прашање може ќе се напиев кетонал, ама во секој случај два дена со болки појаки бев. Може ме дочистија зошто самото тело ми го исфрлаше плодот, односно не добив таблетки за медикаментозен кои што можеби на др начин делуваат и дочистуваат се, ама кога отидов на преглед (неколку саати пред да ми се случи абортусот ) на приватно и кога се утврди мртов плод, го прашав докторот дали може со таблетки, ми рече не, големо е ова. Не знам дали мислеше на самиот плод како плод или севкупно со се гестациската кеса и жолчното ќесе кои растеа. За вториот абортус пак, ми сугерираа со таблети, бев 8ма гн а плод одговараше за 5та гн, тука ми велеа дека е мало и дека ќе излезе, ама мене ми беше страв како ќе поминам. Затоа викам, може зависи и во која недела си и за која одговара плодот а инаку да, секаде низ еу даваат прво таблети и ако треба и 3м така ќе чекаат да се исчисти, неголи да гребат.

 

И јас после мисед и киретажа го имав истиот проблем со ендометриумот. Многу нервози истерав поради тоа. По консултација со ивф специјалист бев и на терапија 2 недели со естрофем и 3 месеци на суплементи за да го здебелиме. Со сегашната бременост иако настаната по природен пат бев до 12та недела на естрофем и суплементи за секој случај поради тој тенок ендометриум. Уште сум во страв дали ќе го износам до крај. Да можам времето да го вратам апчиња би земала.
Мислам дека овие несакани ефекти од киретажата треба да се споделуваат почесто...

 

Другарки две ми имаа лошо искуство, една запуштени канали, утврдено со хсг, другата Ашерман, утврдено веќе трудна и едвај догура до крај, одма ја породија во 9ти штом влезе, ама едвај, среќа мало и бее бебето па некако го собра иначе тоа жилите внатре беља праат. Абе интервенција е, не е зезанција ама сеа некогаш за жал неизбежна е и таа.

 

Љубопитна сум, како се утврдува ако си веќе трудна? Се гледа на ехо? Ако да, во која недела и утврдија?
Јас од тоа највеќе се плашев, а знам дека со хистеро се утврдува.

 

На скрининг и утврдија со 4д

 

Плодот одговараше за 8ма недела, а откривме дека имам мисед во средина на 10та недела. Уште во сам старт не беше нешто како што треба, плодот имаше срцева акција, но имаше и некои чудни структури што не им беше јасно на докторите што се случува баш. Бев под строго мирување и со клексани. Немав никакви болки, само ми се појави мал кафеав исцедок и одма уште истиот ден отидов во Систина каде што се увиде дека прекинала срцевата акција и плодот заостануваше со гн.

Ако се сеќавам добро од тоа што читав и ми беше кажано од докторите е дека се прави медикаментозен абортус до 10та макс 11 гн. Најверојатно како што викаш кај тебе било веќе касно, а јас сум го фатила последниот воз…

 

А со клексаните како правеше? Тогаш не примав, со оваа бременост примав од старт и се плашев многу ако треба киретажа не дај боже што како, колку прво треба да се прекине пред интервенција

 

Одма ги прекинував кога дознававме дека имам спонтан. Со медикаментозниот мислам дека почекавме 24h од последниот клексан пред да се напијам од првото апче. Последниов пат кога останав трудна од прв ден на позитивен тест почнав да примам клексани, после 2 недели бев на прва контрола и се увиде дека е blighted ovum. Уште истиот ден имав киретажа, а последен пат примив клексан претходната вечер.

 

Zdravo, izvinete sho taka upagjam vo razgovor, me interesira shto e toa Asherman? Blagodaram

 

Се извинувам, се утврди од што се спонтаните?

 

Kako zhili vo matkata shto ja delat na dva ili ppvekje pregradi

 

За жал не со сигурност. После вториот спонтан мислеа докторите дека може е до мутациите, бидејќи во плодот што го испитуваа најдоа парченца згрутчена крв и плус на испитувањето излезе дека сум позитивна на Лупус антикоагулант, MTHFR, PAI-1 кои се поврзуваат со повторувачки абортуси. Сепак пак ми се случи спонтан, ама blighted ovum, иако целосно бев покриена со терапија од суплементи, до клексани, па и пролутекси и криноне гел. Blighted ovum најчесто ја поврзуваат со хромозомски или генетски проблем при делбата на клетките, така што може е и различна причината од претходните два кои ми беa мисед, незнам…Ниеден доктор до сега не ми потврди со сигурност. Ги имам направено сите можни испитувања поврзани со спонтани абортуси и ништо друго освен мутациите не се најде…

 

Значи од таму потекнува митот "ако си абортирала, нема да можеш да родиш". Имам и медикаментозен абортус после кој останав бремена на прв обид, но и таа бременост не беше успешна и морав на киретажа затоа што беше моларна. Медикаментозниот беше болен ама да можев и вториот пат ќе го одберев.

Јас имам мисед и после моларна бременост. Испитав се, проблем не најдов. Ми се врти во глава да е до квалитетот на јајце клетките и пред да почнам со обиди за следна бременост сакам да испитам АМХ. Некои викаат дека нема врска со квалитетот, некои викаат дека има. Дали имаш испитано ти?

 

Да, го испитав лани после вториот спонтан и тогаш ми беше 0.8, што се смета за ниско…Иначе ниско ниво на AМХ примарно го поврзуваат со ниски оваријални резерви. Помали резерви немора да значи и понеквалитетни јајце клетки, иако се зголемени шансите за тоа. На квантитетот на јајце клетки за жал неможеме да влијаеме, ама за среќа може да работиме на подобрување на нивниот квалитетот. Има многу успешни примери кај жени и со многу пониски АМХ вредности…Мене ме советуваа заради ниските вредности да не губиме време веќе природно и да идеме со ивф. Моментално сум во процедура за трето ивф, па со господ напред. Се надевам дека конечно ќе ми се насмевне среќата.

 

За квалитет на јајце клетките користам и коензим ку 10 и витамин Е. Уште тоа ми остана

 

Kolku sto sfativ cesto i se povtoruva nesakana bremenost.

 

Фала на инфо. Ти посакувам да ти се наполни мешето, срцето и рацете

Ништо не пијам година дена, на гинеколог не сум била не памтам од кога. Ми се смачи од витамини и ширење нозе ама ми се јавуваат некои искри желба да почнам. Не се силам, нека дојде само. Се осеќам како да не сум доволно испитана, нешто ме копка, па си барам. Ти имаш испитано АМХ?