Животот е најскапоцениот подарок кој сме го добиле некогаш...но некој го мразат својот живот а некој го сакат...некои пак мислат дека животот е игра која треба да се преживее,ако е така што мислите кои се правилата на таа така наречена "" ЖИВОТНА ИГРА""?!
Ако животот е игра,кои се правилата? Правила не постојат! Животот е игра без правила и прописи! Понекогаш џабе ти се сите планови, факти и докази кога ти можеби си исклучок затоа Јади, радувај се, танцувај, бакнувај, уживај, патувај, простувај, сакај, и најважното оствари ги соништата! Се што имаш е твојот ум и твоето срце! Искористи ги најдобро што можеш!
Ако животот е игра,кои се правилата? Цела листа правила *трпение *разбирање *молчење *итрост *по малку инает *мерка за се (граници) *љубов *хуманост *верба во господ! *дожд-за да се набилдаме со искуство и ред други работи ..
Ако животот е игра,кои се правилата? Играј како знаеш и умееш, учи од другите, учи од сопствените и туѓите грешки - дозволено е СЕ само да се успее, само да се преживее... Без предавање... Изгубена битка не значи и изгубена војна... На бојното поле се е дозволено и СЕ Е МОЖНО!
Ако животот е игра,кои се правилата? Нема правила. И така секој гледа да успее, не ни е гајле многу за чувствата на другите, се почесто се користи она-целта ги оправдува средствата. За мене секогаш важи-Не им го прави на другите она што не сакаш тебе да ти го прават.
Ако животот е игра,кои се правилата? Животот е игра без правила.Се е дозволено и се може да се случи.Треба да го правиме она што го сакаме и што не исполнува за еден ден да можеме да си кажеме дека сме го иживеале животот среќно без да зажалиме дека нешто сме пропуштиле во него или дека нешто што сме сакале не сме успеале да го реализираме.
Ако животот е игра,кои се правилата? Од моја гледна точка: * Вера во Господ * Љубов *Смирение Со нив се се постигнува. Ако имаш љубов кон Оној кој не си го видел, а знаеш дека постои, ќе имаш љубов кон сите кои ги гледаш со телесните очи. Ќе бидеш добар, смирен, трпелив, ќе знаеш да благодариш и за она што го имаш и за она што го немаш, ќе наоѓаш решение за секоја ситуација. Вистински ќе знаеш да го живееш животот.
Не би постоеле правилата, секој сам си ги поставува ама треба и да се придржува до нив. Не прави го она што не сакаш тебе да ти го прават. Тргај се од злото и прави добро. Десетте божји заповеди се животни правила и ако кон нив би се придржувал секој светов ќе ни цветаше. е вака ко цвет
Нема правила, само од нас зависи понатака како ќе реагираме на ново настанатите слички, па и колку бргу ќе се адаптираме на нив. Кога силно го сакаме животот и тој ќе ни врати во иста мера. Доколку не се сакаме себеси и нашиот живот, неможе тоа да го очекуваме од другите. Позитивната мисла, трудот, надежта, сами по себе се доволни.
Не ми се допаѓа насловот на темата.Значи животот во никој случај не е игра и со самото тоа нема правила.Живееме како што сакаме,одлучуваме што сакаме,понекогаш ни се случуваат некои работи иако не сакаме.Ако имаше некои познати правила,сите ќе игравме по нив и ќе имавме совршен живот.Не е во тоа поентата.И тагите,проблемите,дилемите,разочарувањата се дел од животот и без нив нема да биде животот тоа што е.
Правила нема. Животот е игра каде секогаш има нови правила,каде старите некогаш не важат и каде некогаш нема правила
Животот е најскапоцениот подарок кој сме го добиле некогаш. Но, постојат правила по кои треба да играте. Ако животот го гледаме како еден вид на игра... тогаш ова се правилата кои треба да ги знаете: 1. Ви подариле тело. Можете да го сакате или да го мразите, но ќе биде ваше целиот живот. 2. Ќе учите лекции. Запишани сте во неофицијално училиште кое се вика Живот. Секојдневно имате прилика да учите одредена лекција. Може да ви се допаѓаат или да ги сметате за неважни и глупави. 3. Не постојат грешки, постојат само лекции. Растењето е процес на пробување и грешки – експериментирање. Неуспешните експерименти се исто така дел од процесот, исто како и успешните. 4. Лекцијата се повторува додека не се научи. Лекцијата ви се нуди во различни облици се додека не ја научите. Само кога ќе ја научите може да преминете на следната. 5. Учењето никогаш не престанува. Не постои период од животот кој нема своја лекција. Ако сте живи, тоа значи дека се уште постојат лекции кои треба да ги научите. 6. „Таму“ не е подобро од „овде“. Кога вашето „таму“ ќе постане ваше „овде“, тогаш едноставно ќе ви се појави некое друго „таму“ кое повторно ќе изгледа подобро од „овде“. 7. Другите луѓе се огледало на вас самите. Не можете да сакате или мразите нешто кај другите личности, а да тоа не е нешто што го сакате или мразите кај себе си. 8. Исклучиво од вас зависи каков живот ќе водите. Ги поседувате сите способности и особини кои вам ви се потребни. Од вас зависи како ќе ги употребите. Изборот е секогаш ваш. 9. Решението е во вас. Одговорите на животните прашања лежат во вас. Се што треба да правите е да гледате, слушате и да верувате. 10. Сето ова ќе го заборавите.
Според мене животот не е игра. А тоа начинот на кој што треба да се живее и работи, е: не прави го некому она што несакаш тебе да ти го прават.