Ете мама @LiquidLuna има многу убава идеја за тие круговите. Штом ги сака ќе тргни по нив да ги одлепи. Бидејќи твојата женска е поголема, можеш да ги залепиш на повисоко ниво, тамам ќе ја стимулираш да оди и да ги одлепува. За да не фаворизира одредени играчки, мислам дека треба да ѝ ги собереш сите и секој ден да ѝ даваш по 2 нови, помалку омилени. Кога ќе нема избор, ќе игра со тоа што е на располагање. Не може да имаме којзнае колкави очекувања од нив, сепак се многу мали за да задржат концентрација повеќе време, па затоа и брзо им се здосадуваат играчките. Ама колку повеќе им нудиме истовремено, толку се постимулирани и побрзо губат интерес. Не знам колкаво е твоето бебче, може да вежбате пинцета, да и наредиш штипки за алишта на ѕидови од пластичен сад, да "заробиш" омилени играчки во сад измотан со конец или ластици, да скриеш играчки во фолија за да ги отвора, собирање во сад на поситни играчки (со надзор), во чашки за урина можеш да истуриш леќа, грав, киноа, хељда (по твој избор). Секој сад ќе има различна боја и ќе создава различен звук при мрдање, многу убава сензорни стимулација е. @Oneo мама Мартин е спремен за да тренира кошарка. Златен. Од кај ви е тоа столчето со прегради? За шо му е намената? Ќе ти биде тешко сликиве да ги постираш и тука? Малку да ја размрдаме темата. Деновиве ќе му ги извадам топчињата на Јован, ќе ја пробаме вашата игра. Ако го бива ќе ви излезиме на баскет еден на еден. Маж ми вика нека се научи да си готви и можи да се оддели од нас, сам да живеј. Убо би ни дошла некоја манџичка, ама за почеток задоволна ќе бидам едно кафе да знае да ми направи.
Исто мислам дека е добра идеја ако се залепат и на различна висина, пониско повисоко, да се активираат малку мрзливите газови
Моето газе ако го смрзи и не му фаќа умот кенка да му го дајш. Ако не му дајш, си најдува нова занимација шо не бара активирање на газето.
Епа така де, будала да не е да се замара за една играчка кога ги имаат 200 на дофат на рака Мојава се кара со играчките ако не може да ги фати, им се дере намуртена целата
Откако почна да лази (читај повеќе се влече од што лази ) омилена атракција и е наоѓање предмети. Ќе ја седнам на земја ќе и ја покажам омилената играчка и ќе и ја покријам со тетра или со некое мало и лесно кутиче за да може да го тргне. Го "кријам" подалеку од неа да оди да го дофати. На почеток и го ставав поблиску и се повеќе и го оддалечував. Ако изгубеше интерес јас ќе го откриев и ќе се радував дека сум го нашла па пак ќе го покриев да ја разбере поентата. Сега е мастер и местам повеќе низ соба и бркам работа низ дома. Ја фалам за секој пронајдок викам се смеам и она со мене
Јас најново му ставам бонбончиња во коритото заедно со други играчки и едно по едно ги вади сите играчки додека не останат само бонбончињата. За во бањање му ставам во коритото едно капаче и го брка со рачињата како рипче. Друго најчесто заедно правиме отвори затвори на некои кутивчиња, шишиња итн.
Другарки, дајте идеа што да направам интересно за бебе 8+ што сака да се исправа. Значи се пентари по мене цело време ама сакам на некој начин да и направам услови да се пентари на друго место притоа забавно. Не можам веќе да глумам скали за качување искрено кажано. Едно кафе немам испиено, на глава ми е качена буквално
Перничиња стави на земја. Едно врз друго, едно до друго, со простор измеѓу. Еве некои слики примери. Јас ги вадам од троседот големи ми се и ги ставам ама може било какви обични од спална. Или пиклеров триаголник ако ти се трошат пари. Има и даски за искачување, компатибилни делови со него. Ама тоа може и понатака сега може да и помине мерак на перниците.
На иста мака сум! Фала за идеите за перници Инаку случајно кај баба и дедо кога бевме имаше табуретка ниска леле детето се обеси на неа а мене ме остави на раат Чисто како идеа нас што ни успеа. А тој пиклеров триаголник сигурен е за толку мали бебиња што не се уште проодени? Некако страв ми е да не си ја лупне главата пробувајќи да се качи.
Да споделам искуство за пиклеровиот триаголник. Нашиот е од тоа baby hut некако беа потпишани. Има една страна со јаже, други две се како скалички. Моето по цел ден се пентери по него, уште од пред да прооди. Ја мислев дека не е безбедно ама до сега не е паднал никако, кога сум до него е послободен и се пушта, се потпира на тоа дека јас ќе го задржам, али почесто го оставам сам, јас си бркам работа, се качува, се симнува и нема гајле. Некогаш и најгоре му закачувам некоја играчка и се пружа по неа.
Препорачувам активност за бебе 8++: Ставете нешто шушкаво под нешто тешко ( во мојот случај колекција на книги ) и беба да пробува да го извади. Мене ми е ставено малку повисоко со цел да ја поттикнам да се исправува бидејќи е апла загреана за станување
Апдејт за Пиклеровиот триаголник од Kids Hut. Јас сум крајно разочарана. Користен вкупно 2 месеци, и тоа повремено, а една од прачките (скаличките) веќе е скршена. Уште тогаш се познаваше некоја пукнатина, ама си викав ај може сум грешка. Не верувам дека дете од 10 кг може да направи толкава штета, со искачување да го искрши.
Им пишав, рекоа ќе виделе што можат да направат. Тропки ќе направат. Инаку еве ви една идеја за активности. Дедо донел неколку гајбички лешници и ореви од село, земавме и некое капаче ставивме во тоа и денес цел ден буричка во нив. Па ги вади, па пак ги става, па ги сее низ двор. Истово и со каменчиња е полн погодок.
