Мене не ми беше ништо посебно- можеби затоа што не сум фан на Коељо, некако не допре до мене. Ја препорачувам на средношколки кои се во фаза на барање убави мисли кои си ги запишуваат во посебна тетратка- овде такви убави реченици кои се клише има доста.
Зашто бе за 15годишни девојки е убава книгава, за повозрасните не? Мене ми е читана на таа возраст и пак пред едно година и мизлењето за книгава ми е неизменто. Значи, според мене, ако книгата ја прочиташ со внимание , ја разбереш содржината и пораката која ја испраќа авторот (дека упорноста се исплати во животот) баш и не е така просечна. Но секој е различен и на поинаков начин ги прифаќа и толкува нештата. Сепак вреди да се прочита.
Кога ја прочитав прв пат бев фасцинирана. Не од тоа каква книга е, туку кој е авторот. Не го делам истото мислење со старата јас. Некако ми стана досаден како автор, со поента која не е видлива за мои очи, и книга која нема искра.
Мене Алхемичарот ми е најубава од сите книги на Коелјо. Можам да кажам дека ги оправда моите очекувања. Нјамногу ми се допаѓа тоа што оваа книга носи многу силна порака, и содржи прекрасни мисли.
Книгава не ми беше нешто посебно. Со оглед на тоа какви критики слушав очекував многу повеќе. Ја читав пред 2 години и единствено што ми остана во сеќавање се преубавите поговорки...
Мене книгата многу ми се допадна ја имам двапати препрочитано.. незнам за вас ама мене делата на Пауло ми се прекрасни...особено ова дело, има на моменти навлезено во детали но интересна е.
Кога ја читав бев гимназија,и бев воодушевена од неа,али сега некако не ми е впечатокот кој сум го добила некогаш.Ми здосади Коељо,а го читав со страст,сите негови книги...Сепак не можам да кажам дека е лоша книга,далеку од тоа.Убави се неговите дела,само што ги гледам со поинакви очи од некогаш.Како старееме подобро ги вреднуваме работите,или поточно знаеме што вреди а што не
Meне искрено книгава не ми се допадна, очекував повеќе. ...... Не значи секогаш книги што ги фалат дека се убави.
Книгава на Коелјо е премногу филозофска, со многу едноставни зборови кои кога човек подобро би ги протолкувал, би ја разбрал суштината на она што Коелјо сакал да го каже.Книгата не е само да се прочита, туку и да се разбере нејзината суштина, било која книга, не е само за оваа.Доста добро го има опишано Бог, со едноставни зборови „ јас сум секаде“, всушнот е тоа што старецот ( Бог) му го кажува на детето, кога седнале на плоштадот и со стап на плоштадот ги напишал имињата на неговите родители. Потоа за каменчињата кои означуваат дека во доброто има лошо и обратно, Јинг и Јанг. Богатството по кое тргнало детето за да стигне до пирамидите, за што сметал дека е таму, а кога стигнал до тоа богатство, не го нашол, бидејки богатството е во душата, а не во материјалното.Има и плус некои доста убави и премногу добри реченици.Вака еве ова го кажав во измешан редослед, отколку што е во редоследот од книгата, која ја прочитав многу од одамна, неколку години наназад.Преубава книга, еднаш ја имам прочитано. Книгата би требало да ја прочита секој, без разлика на возраста, поради нејзината суштина, а е нешто што е всушност познато секому.Тоа е и целата поента на Коелјо.
Kога ќе ми текне дека тетка ми (најголем удел имаа таа), но и добар дел од моите блиски кои постојано читаат книги ме навлекоа на Kоелјо, многу сум им благодарна!!! Има причина зошто на луѓето кога им се случуваат длабоки емоционални кризи, разводи како и други искушенија кои им ги носи животот, посегнуваат по неговите книги. На многу едноставен, но експресионистички MOЌEН начин ги искажува сите работи кои ги дожуваме или за кои размислуваме а не знаеме како да ги објасниме. И уште повеќе ми се допаѓа тоа што не пишува за филозофиите на животот теоретски и сувопарно, туку тие се дел од неговото сопствено искуство!! Го следам на фејсбук и ме воодушевува со секој негов пост, зашто од неговите дела научив подобро да си го слушам внатрешниот глас, да се борам за тоа што го сакам а со тоа навистина се уверив дека ‘‘животот е дарежлив за тие што ја следат Личната Легенда‘‘ . Ја препорачувам!!!
Многу ми се допадна книгава. Ете, на некои не им се допаднала, ама мене ми се допадна, зошто на многу прост и едноставен начин, речиси преку детска приказна Пауло зборува за животот и опфаќа длабоки теми за размислување, т.е те тера да размислуваш додека читаш.
Прекрасна книга која ме фасцинираше. Коелјо и неговиот уникатен стил на пишување заслужуваат величенствена награда. Книгава ми е омилена од неговите. И како што кажа лукс преку едноставна приказна писателов те тера да размислуваш за длабоки теми.
Оваа книга беше првата книга што ја прочитав,а што не беше лектира.После неа следеа уште 4,5 повторно од Коелјо.Морам да кажам дека стилот за изразување и пишување на есеи ми се збогати ненормално после неговите книги,а начинот на размислување ми стана позрел.Со оваа книга почнав да ги гледам работите пореално,почнав да глеам смисла во постоењето а најмногу од се е што престанав да бидам закоравен песимист како што бев дотогаш.
Цело време ми ја препорачуваа и зборуваа за книгава и конечно ја прочитав.Морам да кажам дека многу повеќе очекував од книгата.Да носи многу добра и вистинита порака ,можеби бидејќи ми имаа многу зборувано за неа не ме толку воодушеви.Во секој случај на многу едноставен начин е прикажана самата смисла на животот,за соништата и нивната вредност.
Оддамна сакав да ја прочитам книгата бидејќи сите за неа зборуваа и дефинитивно не зажалив што ја земав да ја читам.Мене многу ми се допадна.Книгата е прекрасна и додека ја читаш те тера да размислуваш за подлабоки теми.Имаше и многу добри цитати од кои најмногу ми остави впечаток : "Соништата стануваат неостварливи само поради една работа : стравот од неуспех."
