Не значи дека ако на некој главна мотивација за работа му е платата, дека тоа е лошо или не е амбициозност туку алчност. Сигурно дека има исклучоци, ама факт е дека најголема мотивација за работата на мнозинството е платата и тоа е многу нормално. Еве и јас ако се земам за пример, да, си ја сакам до некаде работата и ми е интересна ама дали би работила ако не земав никаква плата ( да речеме дека и онака имам доволно за живот каков што сакам)? Одговорот е дефинитивно не. Се согласувам со тебе дека дремење по цели денови по кафичи, ресторани е стварно бесцелно ама не секој што се труди главно заради поголеми примања ги троши парите така. Парите се алатка и ако се користени паметно може да се направи голема разлика во својот живот и во животот на други луѓе. За мене амбицозност е константно да се трудиш да бидеш подобар и да му дадеш на значење и вредност на твојот живот и тоа може да се направи на многу различни начини. Секако дека значењето на "да бидеш подобар" може да биде различно и зависи од моралните вредности на индивидуата и секако не е секогаш позитивно. Значи се е релативно
Мене па ми е чудно зошто имање на кариера се поврзува со немање на деца и семејство. Многу луѓе кои немаат кариера остануваат сами, а не се посветиле на ништо во животот. Мислам дека тука факторот среќа, пронаоѓањето на сродната душа е важен, а не сега „имам кариера, и ќе те откачам, оти ќе ми пречиш да напредувам во кариерата“. Не, ако сакаш некого, со него се е полесно, а не потешко.
Fakt e deka brzinata na napreduvanje vo karierata i profesionalnite obvrski se stava vo delumno Ili celosno miruvanje koga se ragja i odgleduva dete. Odlozuvanje na majchinstvoto e nekogas poradi kariera vo profesijata. Vo edno semejstvo so dete ,obajcata roditeli ne mozat da odgovarat istovremeno so ista brzina na rabotnite obvrski.Pr.dvajcata pravat doktorat, koj ke se grizi popladne za decata posle gradinka? Toa ne e eden den Ili mesec.
Не сум сретнала двајца партнери да работат во исто време на докторат. Сето тоа е многу полесно ако имаш поддршка од некој. Пример, имам колешка која на 35 години има и кариера, и еден куп ангажмани хонорарно покрај работата, и се занимава со уметност, има и 3 деца. Баш лани зема награда во странство, и беше таму со мажот, а најмалото дете е да речеме 3 годинки. Се чудев како стига секаде. Со добра организација ќе се успори можеби успехот, но нема да затаи. Жената родила 3 деца, изгледа одлично и едноставно се чудам како стига секаде и како и успева да биде успешна. Има љубов, помош, поддршка. Друг пример, пријателка која на 33 години докторираше и работи за 21.500 денари, еве ја направи 37 години и не може дечко да фати, а за брак да не зборуваме. Дали со тој докторат напреднала во кариерата? Таа е многу незадоволна. Со тие пари во Скопје, во зима се грее на струја и едвај плаќа струја кога ќе и дојде сметка од 9.000 денари. Во Македонија нема некои големи шанси за кариера и не секогаш кариерата е успех претворен во пари. Таа е несреќна, осамена, се лути на секој кој ќе ја одбие да ја дружи на патувања. Таа живее во агонија и секој божји ден се надева дека ќе најде некој за брак. Да треба да се менувам, би сакала да бидам на местото на првата, таа зрачи, лош збор не знае да изговори, а втората нека не звучи грубо, но е како јаболко кое гние. Од надвор ја гледаш дека е ок физички, ама од внатре врие и се јаде, живее со немир. Но, можеби и се работи за сплет на околности, погрешни и правилни избори и одлуки, среќа. Не значи дека човек кој има кариера не може да има семејство. Има и обратни случаи, никогаш ништо не работеле, не ни учеле во животот, а се без партнер.
