Американизација на Македонија и Балканот

Ама така е поставен светот на економски слободи нели, мора да бидеш супер-подобар-најдобар, и да ти се рефлектира тоа во џебот. Ако не те бива, јбг, ти си антилопа, ќе те јаде лавот. Тоа е либерал-капитализмот, нели- закон на посилниот преживува.
Напамет зборам, доволни ми се Чомски и документарците на Мајкл Мур, да знам дека не сакам да сум им во кожа. Ама пак, посилниот преживува, не попаметниот или похуманиот.

Хеловин и Валентајн се небитни во споредба со економското и политичкото перење мозоци, само што тоа не мора да го видите. А се чувствува и прави импакт на животот, и тоа како. Од комерцијализација на здравство и мерење по учинок кајшто не може да се мери, до фантастична социјална нееднаквост.

 

Ама "ние" не сме католици

До душа Халоуин навистина маскирањето и чукањето по врати е америчко, иначе нешто како Духовден на православните му доаѓа.

 

Токму тоа ми е и мене муабетот.
Ок ми е културното влијание, во смисла дека и јас се надевам на глобализацијата и на свет без граници.

Но се' останато што се "пробива" низ призма на индивидуализмот не ми е.
Немам ништо против ете, скандинавизација.

Ама таа не е "исплатлива" за нечии џебови, па слабо промоцијата.

 

Да ама и нашето маскирање на Бадник или Василица црквата не го оправдува, паганско е.

 

Јас секако одам во пеколот, се маскирам во секоја прилика

 

Чекај, за таа работа не сум сигурна, повикај пријател. Мислам, не знам дали постои пекол во православието или како веќе тоа е регулирано. Да не треба католик да бидеш, за во пекол да одиш.

 

Сите монотеистички религии се едно те исто.
Рај, пекол...

 

Една работа што ми се свиѓа од америка е далеку поголемата слобода. И зелен да си во косата, и геј, и сакаш децата да ги школуваш дома и тако даље, пак ќе се пронајдеш некаде и нема да те гледа никој ко ненормален. За разлика од нас овде, културни, традиционални, воспитани ама удавени во простотилук. Само гледај некој да најдеш кој се издвојува од толпа за да си го пикнеш носот кај што не ти е место, обид да си го тргнеш умот за момент од својот сиромашен живот. Побитно е кога ќе одиш дома кај некој да видиш колку прашина има. Ѓомлезето поубаво да го направиш, тоа е единствениот критериум. Ако си маж немој никад да станеш за измиеш чинии. Америка била лоша. Бедни сме

 

Токму тој либерализам лажно се рекламира.
Да, така е, ама во најголемите градови, како Лос Анџелес, Њујорк, Чикаго.
Во внатрешноста, посебно бајбл белт-от и нагоре - д мормон стејт - Јута, ужасно се дискриминирани.
Иако законите нели друго кажуваат, зборувам за менталитетот на населението.

Државите во внатрешноста се со помалку популација, па затоа имаат и помалку претставници, затоа сите "права" се добиени врз основа на државите кои претежно се левичарски настроени, односно либерали.
Жими Тексас што има повеќе популација од "републиканските" држави.

Среќа е што е тоа така.

Но, истата слобода, ќе ја имаш и во Шведска, Норвешка, Финска.

Само што тие се тро попаметни во државното уредување, па за разлика од америте, бар знаат дека и државата се грижи за нив.

 

Што е добра шега па сите обичаи на пр.околу Бадник кои се наша традиција имаат далеку посентиментално значење за нас од еден Валентајн.
Како човек каде полвина фамилија се со потекло од католичка држава ,католици и ги славиме и сите католички празници,ке ти кажам да се информираш малку повеќе.

Не е проблем никаков се додека е забава.
Вевчански и јас не го подржувам.
Но и паричето во лепче,палење огнови ,коледари се дел од нашата традиција.

 

Секако дека од стејт до стејт различно е. Ама тој либерализам не се рекламира лажно, јас ти гарантирам за тоа. И секако дека не велам дека Америка е број 1 во светот. Не зборам за Шведска Финска. Зборам за Америка во споредба со нас. Здравството е ужасно скапо таму. Но кога ќе се иселуваат луѓето и кога ќе се враќаат назад тогаш ќе кажам не чини. Ретко кој се вратил. Се вратиле на старост со америчка пензија си уживаат и си садат бавча. Зошто не се селат луѓето во Романија или Латвиа. Се знае зошто

 

Се.
И затоа ги инкорпорирам во мојот живот сите што ми се допаѓаат.
И Бадник, и Халоуин, и Божиќ, и Велигден, и Валентајн, и мекици, и бејби шауер.

 

Од прва моја рака зборувам јас, од она што со мои очи го видов.
Ако збориме за пари... ок. Парички имаше. Со најобична проста работа, можев фино да живеам.
Но јас имав наше здравствено осигурување во САД, немав нивно. Тука каква - таква пензија ќе имам, какво - такво здравство, таму ако не си спечалиш - никакво.


Не викам дека Македонија е подобра од САД затоа што не е.
Викам дека САД не е пример кој треба да го следиме.

Они имаат и секакви екстремности, од амиши и флдс, до крајно непостоечки морален компас.

Мешавина од се' се, и лично јас, не се пронајдов онаму каде што престојував.
Затоа што тотална хипокризија беше за мене, дека се маваа со Библија и крстови од гради, а истовремено се дрогираа во секоја прилика, се оргијашеа и немаше едно "нормално" нели, библиско, семејство

Секако дека ова не е правило, туку мое искуство.

 

Едно големо БРАВО за постов!
ќе го додадам уште и најголемото зло (по мене) пренесено од ју ес оф еј кај нас, а тоа е се поголемото доделување на дозволи за поседување на оружје и истото носење постојано на појас!
За жал кај нас како позитивен пример го преземаат маженца кои незнаејќи како да се вклопат, се занесуваат носејќи пиштол на појас

 

Јас никогаш не споменав дека цитираш изрека и го разбрав твоето мислење. Меѓутоа, едноставно сметав дека е во ред да укажам како правилно гласи изреката. Тоа не е доволно за да упатува на опседнатост.

@Cosmi секако, јас немам право, ниту пак интерес да им се мешам на странците кои сакаат да слават Англосаксонски празници, бидејќи првенствено немам никаква придобивка од тоа.

Освен тоа, сметам дека темава не треба стриктно да се фокусира само на Англосаксонските празници, туку генерално да се увидат кои настани и однесувања се применуваат во МК и Балканот воопшто.
Ти даде солиден пример со т.н. "Baby Showers" кои ги опишуваш како тренд за кој се претпоставува дека ќе помине по одреден период.

Целта на организирањето на Baby Shower е роднините, пријателите, колегите и останати познаници да подаруваат подароци на идните родители, меѓутоа етиката исто така диктира дека тие се оние кои ја организираат забавата бидејќи во спротивно се создава впечатокот дека идните родители ја организирале забавата специјално за подароците.

Меѓутоа, ако организирањето на типично Американски Baby Shower во МК не е поради комерцијални причини/консумеризам, тогаш која е мотивацијата и потребата за преземање на таа прослава? Моја единствена претпоставка засега се личните мотиви и желби.

Друг добар пример можат да бидат "Sweet 16 Birthday Parties", кои се особено популарни меѓу девојките (иако досега не сум забележала да се слави на посебен начин 16-от роденден во МК).

Судирот меѓу домородните луѓе и новодоселениците во смисла на колонизацијата манифестира една културолошка реалност каде што наместо оние кои колонизираат, како доминанта група, да ја наметнат својата култура врз жртвите, тие решиле да се адаптираат на културата на колонизираните и потоа да ја присвојат, односно да ја вметнат како дел од нивниот национален идентитет.

Овој културолошки феномен настанал благодарејќи на фактот што доселениците не би ни преживеале на територијата без помошта од домородците. Со други зборови, тие сфатиле дека нивната култура и останати практики биле безвредни на новиот континент кој го населиле.

Меѓутоа, сепак би рекла дека има одредени елементи од Американската култура кои не се целосно преземени од домородците или од други нации и култури, односно дека истата претставува една мешавина, но на луѓето им се повпечатливи и се фокусираат само на културолошките последици од колонизацијата, што на некој начин го перцепирам како генерализација и дискриминација врз национална основа.

Следствено на твојот коментар, би рекла дека историјата е богата и исполнета со примери за обиди за Американизација и влијанието на Америка во Европа. На пример, во книгата "The Americanization of Europe: Culture, Diplomacy, and Anti-Americanism after 1945" edited by Alexander Stephan, би ги издвоиле следниве делови:

"Rob Kroes, a leading expert on American culture and cultural anti-Americanization in Europe, claims in this volume that it was the presence of America that helped Europeans to find a common identity."

"Attempts to examine the assumptions behind the so-called transatlantic community, or to draft alternative models, have been doomed by the fact that both the United States and Western Europe profited by the arrangement they reached in the Cold War. Europe's inability and later its unwillingness, to open the Iron Curtain on its own was used by Washington to establish itself as the leading military, political, economic and cultural power in Europe and to consolidate its position internationally as one of two superpowers."

"Much of the European public benefited from the fact that the U.S. culture industry, driven by the need to open new markets for its products, offered a wide variety of entertainment and Made-in-the-USA lifestyle. Moreover, during the Cold War Europeans of all ages and socioeconomic backgrounds were willing and able to commit more time and energy than their American contemporaries to protection of the environment and a humane form of globalization."

Од друга страна, мислам дека оваа книга дава одговор за различната перцепција на Европа за Америка, нејзината култура и влијание:

"Envy of the American standard of living as a motive for anti-Americanism has been out of date since Europe's achievement of a universally high quality of life. Few Europeans today will explain the confrontation between America and Europe using the traditional arguments that American society is materialistic, shallow and lacking in spiritual depth and that its mass culture leads to mediocrity and standardization."

Сметам дека ваквото размислување е навистина лицемерно, особено од одредени странци кои се претвораат во макијавелисти само да се доселат во Америка за да го живеат the American dream...

 

Тој baby shower колку би сакала да стане кај нас навика, наместо да се збираат дома и да се пијанчат кога мајката со бебето ќе се породи и уште се во болница, најдобро да се прослави пред за после никој да не ги замара мајката и бебето.

 

Не е така воопшто!
За да прифатиш туѓа култура на живеење треба да прифатиш повеќе елементи.
Јазик
Религија
Архитектура
Обичаи
Носија ( облека)
Песни
Така да ако сметаш дека одгледувањето на пченка е она проади кое доселениците-колонизатори се адаптирале на колонизираните автохтони племиња на територијата на Америка, грешиш многу!
Баш напротив целосно се колонизиран истите и им е наметната и религијата и јазикот, и начинот на живот 9 во резервати)

 

Делот од моето мислење кое си го цитирал е фрагмент од мое историско истражување под насловот:
"The Contribution of the Indigenous people upon the Contemporary Canadian Culture and Identity".

Истото моментално подлежи на процедура за прифаќање во списание и поради тоа не сум во можност да пратам линк. Но, доколку некој е заинтересиран, можам да објавам фрагменти од оригиналниот документ напишан на Англиски јазик;

Во истражување, односно во поглавјето "Classification of Indigenous cultural components" имам наведено повеќе елементи кои денес се дел од Канадскиот национален идентитет, а имаат потекло од домородните индијанци, што значи дека твојот став кон моето мислење е потполно погрешен и ирационален.

Сметам дека сум значително поинформирана од тебе во однос на оваа тема, не само од научен аспект, туку и од аспект на животно искуство бидејќи живеам во таа држава цел живот. Сосема ми е јасна моменталната состојба на домородните индијанци во USA и Канада и како државјанин свесно се борам со години за нивните права, вклучувајќи го и т.н. "Indigenous Feminism".
Поради тоа не ми се потребни странци да ми објаснуваат како функционираат работите во мојата сопствена држава.

Исто така, понатаму нема да толерирам коментари и мислења кои содржат агресивни и арогантни тонови во мојата тема. Во спротивно, ќе бидете соодветно пријавени...

 

Може и да се искомбинира нешто, како тетовчани - гостиварчани што прават бабино, ама наместо само жени, да се соберат и мажи и жени кога и мајката ќе може да оди.

А бејби шауер е мн. јака работа, мене многу ми се свиѓа.

Тоа е повеќе како повојница кај нас.
Ама подобро, оти со време си знаат родителите што имаат, што им фали.

 

Слично на Halloween во Тетово.
Богами импресивно и креативно за разлика од вевчанскиот.
Авијатичарите од Арачиново
https://www.fakulteti.mk/mobile/new...ji-babe-poglednete-gi-nivnite-kreativni-maski