Остров Амуљани e единствен населен остров на Халкидики, со површина од 4,5 km 2. До островот се доаѓа со траект од пристаништето Трипити за околу 15 мин. возење. Цената е околу 2 евра по лице и 10 евра за автомобил. Во летните месеци траекти поаѓаат на секој пола саат. Со своите 600 жители кои, воглавно се занимаваат со рибарење и туризам, припаѓа на општината Стагира Акантус. На островот има неколку таверни,, рибни ресторани, барови, мини-маркети и продавници. Плажи: Амуљани е познато по преубави песочни плажи и добрите временски услови без ветер. Иако населено, го карактеризира недопрена природа. Самото село нема градска плажа, освен мали ували, но сите останати се во близина. Секоја од нив убава на свој начин, а до сите можете да стигнете пеш или со локално „такси„, приколка која ја влече магарец, со цена од 2 евра по правец. Со бротчиња можат да се посетат околните острови Дрениа, Тигани и Понтики, каде што можете да уживате на нивните плажи и да ручате во некоја од таверните. Убавините на островот, беспрекорно чисто море и рајските плажи, фантастичните рибни специјалитети и љубезните жители се причина за зголемен број на посетители. (преземено од интернет) Гледам во последниот период доста се нуди местово и доста го работат нашите агенции. Ми делува баш убаво за фамилијарен одмор, убава чиста вода и мирно место. Па ме интересира какви искуства имате, дали водата е навистина чиста како што изгледа, топла ли е, што има да се посети итн.
За мене повеќе од 1 ноќ на островот би било измачување.. Мало, брдовито, нема многу избор ни за јадење ни за шетање.. Водата е убава ама и аутанот е слаб..
Исто ко Даст. Ден -два на плажа може. Ама одмор таму Не. Како пуст остров ми се виде. И многу "сув" некако. Нит зеленило,нит убава природа нешто. Плажата стварно убава,ама сум видела и поубави плажи , и тоа поблискичку
Јас имам позитивно искуство од таму. За со деца е измислено. Плитка и чиста вода, има паркче со лулашки, мало луна луна паркче, аптека и неколку маркети. Нема многу за шетање, ама па и со деца што не седат на едно место освен парк да се истрчаат и не ти треба друго.
И јас ќе кажам дека е стварно преубаво и се согласувам со останатите феминки,не ми е баш за одмор,цело време да се биде таму,пошто е мало местото.На еден ден бевме таму и беше рајско,водата е кристална, и така некако беше мирно иако имаше многу луѓе.Вреди да се посети
Јас бев пред 2 години таму и не ми се допадна. Во споредба со другите места во Грција ова некако ептен пусто ми се виде. Плажата е убава, а се друго Сепак индивидуално си е тоа, има некои и што сакат да одмараат на такви места. Ама мене ќе ми се здосади уште третиот ден.
