Апсолвентска екскурзија

Можиш да се пријавиш 15 дена пред тргнување а 10 дена пред тргнување целата сума треба да ти биде исплатена. И јас одам со таа тура на 12 мај, па се надевам дека убаво ќе биде

 

дали ќе одите или не на апсолвентска зависи од тоа што сакате и што очекувате дека ќе видите; според мене ако се има добро друштво и ако мислите дека нема да имате друга таква прилика вреди да одите, но ќе погрешите ако очекувате дека ќе видите многу... ако одите 20 дена 10 обавеазно ќе ги спиете во автобус, ќе се пресоблекувате по бензиски и толку многу ќе бидете исцрпени што кога ќе шетате низ версај верувајте воопшто нема да ви биде дојдено до него туку ќе сањате кревет... многу од работите што ги видите нема да ви се допаднат ама проблемот е во тоа што вие не знаете за што вреди да се плати карта а за што не,и кога ќе сумирате на крај ќе видите дека сте дале доста пари за работи што не ве интересираат или нема да ви бидат ништо посебно... друга работа е што нели се оди на туристички места а сите ги знаеме какви се тие што заработуваат од туризмот посебно кога ќе ве видат апсолвенти воопшто нема да ве жалат... како и да е никој што бил на таква екскурзија не се пожалил, но како што реков се зависи од тоа какви се вашите очекувања... нема да згрешите и ако не одите; ако сакате да ги видите рим, венеција, милано, ватикан ќе си платите за неколку дена во италија, барем на раат ќе го видите она што го сакате и никој нема да ве ограничува со време ќе гледате што сакате и колку сакате, ќе спиете на кревет, ќе се туширате со топла вода кога сакате, ќе бидете и ќе се чувствувате чисти(што е многу важно зошто колку и “цвеќиња“ да има покрај вас, ако вие смрдите т.е. сте испотени нема да ви биде ни приближно толку убаво како што гледате на сликите од тие што веќе биле ) итн. за неколку години можете да ги посетите сите места што ви се предизвик, а и ако размислите подобро само се залажувате ако мислите дека ќе ја видите “европа“ за 20 дена
а за тоа што е ефтино, ефтино е ама со тие 500 евра вие го плаќате само патот, ќе потрошите минимум уште 300 само за влезници и кога ќе видите на крај ве фатило 1000 евра, а имаме толку многу агенции и опции што ако си резервирате неколку месеци порано ќе си организирате прекрасно патување баш како што вие си сакате и ќе си поминете најубаво!!! Изборот е ваш

 

Што носите на една ваква екскурзија од храна доколку сте на диета??
Јас за велигден ќе одам низ европа на екскурзија-9 дена е а држам ун диета, сега знам дека нема да можам да ги држам деновите како што се по редослед но барем да не ги повратам изгуените килограми .
Сакам да понесам диетална храна но што да понесам, а да не биде калорично??

 

Феминки, како оди сместувањето по соби? По колку кревети има најчесто?
Ние сме 5, не знам како ќе се комбинираме. Немој да не бутнат таму со некои непознати.

Во двоспратен автобус, на вториот ли е подобро?
И сместувањето во автобус исто така ме интересира, од таму ли ни прават список кој каде е... И како е влегувањето, туркање кој побрзо да зафати место или...?

Многу прашања... Ама некако сум загрижена како ќе испадне се.

 

Во автобус кој кај зафати место е работата. Ние бевме со двокатен и си фативме место на вториот спрат најнапред. Имавме најкомотно место, а навечер воопшто немав проблем за спиење, како спална беше просторот (секако откако наместив торби, шишиња... ) исто и за панорамското разгледување е подобро затоа што можеш повеќе да видиш. За на другите места не знам како е.
За спиењето е различно во секој хотел, Имаше 2,3 и 4 креветни соби, ама најчесто беа 3, а најретки 2. Пред да се стигне во хотел ви кажуваат какви се собите (може да бидат пример неколку 2, неколку 3 и една 4) и потоа вие си се организирате. Ама не е страшно, се прават разни комбинации, никој не ве тера ништо со сила, не е како во школо, овде секој си има права . Само, понекогаш ќе треба да попуштите, на пример ако се сите трокреветни, да земете уште едно девојче со вас, или 4кр. уште две и сл. Јас бев со дечко ми па немаше никаков проблем, спиевме и во 2креветни, во трокреветни со плус другарка моја,а и со непознати - еднаш со едно девојче, еднаш машко, еднаш во трокреветна се сместивме со уште еден пар ( и тоа во Етап, кој бил знае ), иако да признаам имавме предност за во 2креветна, која посебно значеше во Шпанија каде бевме 4 дена.
Значи нема потреба да се секираш, верувај на крај воопшто нема да ти биде гајле кој имаш во собата, и така сите гледаат побрзо да го фатат креветот и да заспијат. Всушност многу малку време ќе поминувате во собите, освен спиење имате време да се истуширате и да се спремите за шеткање
Ако имаш друго прашање слободно повели
Поздрав и убав помин

 

И јас би ти го препорачала истото, да видиш да фатиш место на вториот спрат бидејќи е по-удобно. Во првиот некако е по загушливо, по тесно. Ние кога бевме на пример едни колешки сакаа да сменат место со некого горе ама никој не даваше Што се однесува на собите, како што и ти спомнаа не е некој голем проблем, сепак сте 5 и полесно ќе ви биде да се организирате пошто повеќе ги има тие 2, 3 креветни соби а + нема да ти бидат непознати и да има некој друг во соба - ќе бидат ваши колеги и колешки . Ти стојам на располагање ако имаш и други прашања ..Убав помин!

 

Ви благодарам многу

А тоа за двокреветни соби во тој каталог со понуди што е, пишува дека се доплаќало.
Ама можеби тоа не важи за секој хотел.

 

Не, не нема врска тоа, не се доплаќа ништо. Иако знам за што ми збориш тоа може да е нешто поврзано со кабините во бродот. Таму се 4-креветни (колку што јас знам) па за таму да не се мисли да се доплати за 2-кревтни, не знам.

 

Колегиум има список за сместување по автобуси или кој во кој автобус сака?

 

Има список кој во кој автобус е, ама нема кој кај да седи

 

Епа, после сите перипетии редно е и јас да пишам во темава за тоа како си поминав на екскурзијата.

Тоа беа најубавите 19 денови во мојот живот досега! Навистина, прекрасно беше се, од почеток до крај, никогаш нема да го заборавам ова искуство. Треба само да се доживее, малку се сите зборови на светот за да се опише. Туку да си почнам со ред.
Ние бевме со Хисар. Автобусите беа солидни, шоферите забавни, водичите најдобри од цела екипа. Обезбедувањето ни го направи патувањето уште позабавно. Имавме и докторка со нас цело време. Организацијата, точноста, факултативните излети, хотелите, храната во истите, се си беше на место! Не можам да се пожалам од ништо.

Вреди секој момент на умор, секое отекување на нозете, секоја непреспиена ноќ, секое здрвување на седиштето во автобус. Затоа што тоа што ќе го посетите и видите едноставно нема цена! Од прошетките низ Виена и Прага, преку традиционалните селца околу Амстердам и најубавиот Париз, па се до оригиналното Фламенко во Шпанија, плажите во Ница и Италија...
За сите што се мислите и двоумите дали да одите на патувањево, ако се решите за потврден одговор, верувајте дека нема да зажалите! Доколку имате средтства, вакво искуство не се испушта.
Можеби ви звучам ко некоја реклама, ама навистина уште не можам да си ги соберам впечатоците, сите фотографии, воздишки.

И не е вистина дека се е на брзање, баш напротив. Скоро во секој град имавме по 9 саати слободни, дали за факултативните излети или за самостојни прошетки. Исто така, од 19 дена, имавме 11 ноќевања во хотели и на брод.

Се испофалив јас, ама среќна сум што се прошетав секаде и што ги видов сите тие светски убавини.

 

Jas minatata godina bev apsolvent i ne otidov na apsolventska ekskurzija ... iskreno ne znam zosto
Sega veke sum diplomirana, pa sakav da prasam dali moze da se otide na takva ekskurzija dokolku ne si student?

 

Може слободно

 

Happygirl како си задоволна од организацијата, од агенцијата? Да споделиш твое мислење

 

Здраво феминки, сакам да ве прашам дали некој има искуство со Нехар за да сподели, каква е организацијата? Конкретно како се цените за факултативите и кои од нив се "задолжителни". Ме интересира за да знам колку пари од прилика требаат за тие активности.
Фала

 

За Нехар конкретно не можам да ти кажам, не сум патувала со нив. Факултативите сите се факултативни, нема ниту една задолжителна. На кои сакаш на тие ќе си одиш Јас бев со Хисар, факултативите чинеа 270 евра вкупно, ама јас не бев на неколку, па ми се фатија 240 евра за влезници.

 

Здраво феминки
Јас сум од Економски факултет, апсолвентка оваа година. На факултет ни пристигна понуда за апсолвентски екскурзии од Rapsody & Collegium. Со другарките планираме да одиме, а меѓутоа не се малце пари, не сакам да погрешам при изборот на агенцијата...
Минатата година мои другарки биле и се премногу задоволни од организација, журки, водичи, факултативни излети и сл...

Имате ли некое искуство со нив? Да споделите ваше мислење http://issuu.com/collegiummkd/docs/apsolventi_2015_katalog_mk_preview

 

Со било која агенција да одиш, парите се тие. Collegium и Hisar се водечки агенции во овој момент. Види со останатите колеги со кој ќе одат да не се делите.

 

Веспа, јас бев минатата година со Рапсоди 19 дена.
Од Хисар исто имаат таква тура, со истите градови, само имаат ми се чини може два града плус, не сум сигурна, не ме држи за збор.

Јас лично сум презадоволна, не можам ни да ти опишам како си поминав, уште си ги прегледувам сликите.
Преубаво искуство, не само од аспект на тоа колку земји, градови и места ќе посетиш, туку и поради дружењето, ноќите преспиени во автобус, забавата....

 

Бев лани со Рапсоди, прекрасно искуство, дружење, шетање, се беше супер.