Арогантни продавачки

Како случајно ми излезе темава, а вчера бав имав дешавка. Имено, со сестра ми влегуваме во една продавница за долна облека откако на нет си видов нешто што сакав да го купам. Влегуваме внатре, викаме добар ден, од другава страна (продавачката) штама. Океј си викам ништо ново. Тоа што го видов на нет не ми се допадна во живо и одлучив дека ништо нема да купам. За тоа време влегуваат две повозрасни жени. Сестра ми си наоѓа килоти и сака да земе од нејзиното бројче но тие се најгоре, и почнува да ја бара со поглед продавачката, бидејќи за жал и двете сме метро и желба за растење. Бидејќи не можеше да и го улови погледот, и се обрати со: Извинете, ќе може ли малку да дојдете, на што продавачката не изигнорира ноншалантно, како да не постоиме. Два пати и довикна - ништо. Крена поглед и забележа дека една од двете госпоѓи и е познаничка, се упати кај неа,бтв позади нас стоеа, и веднаш започна да и дава совети за бројки и кои парчиња биле добри за неа. Сестра ми трет пат и се обрати, ни на тоа не доби одговор. За жал, ваквите вработени ги грдат имињата на фирмите кај што се вработени и само создаваат лоша слика и за оние мал број на фини, воспитани и културни, а пред се услужливи продавачки

 

Работев во бутик,и одлуката да мора продавачот да го "демнее" купувачот е на газдите. И колку и да сум укажувала дека тоа не е во ред и дека на многу купувачи им смета,не сум наидувала на разбирање и секогаш се сведувало на тоа дека треба така да биде и дека подобра услуга ќе имале купувачите. Исто ни беше кажано да ги прашуваме што ги интересира,па да им нудиме,вадиме од закачалка,покажуваме,демек они сами не знаат да си разгледаат.
Ваквиот начин на работа никогаш не ми се допаѓаше. Секогаш сум била услужен и културен продавач,кој доколку бил прашан или повикан на помош,секогаш културно сум реагирала,ама да дишам на некого во врат,не. Ептен кога газдите ќе дојдеа,бидејќи не можеш да им противречиш,сум била во близина на муштериите,сум ги прашувала дали можам некако да им помогнам,ако кажат не,се повлекувам,стојам подалеку,ама сепак доволно блиску ако треба нешто да прашат или да побараат број. И сметам дека и на ваков начин треба да се работи. Да си тука,а сепак да не сметаш и да следиш купувачи како потенцијални крадци.
Има различни купувачи:

• Купувачи кои имаат свој стил,точно знаат што бараат и тоа си и купуваат ( тие и не сакаат совети од продавачки)
• Купувачи кои имаат пари,тргнале да ги потрошат,ама не знаат што ( најчесто и чекаат продавачот да им помогне во изборот и лесно можеш да го " натераш" да потроши повеќе пари.)
• Муштерии кои влегуваат секој ден,никогаш ништо не купуваат,ама секој ден чепкаат да не сме добиле нова роба,( чекаат деца да завршат со активности,па дури чекаат да се згреат или изгубат време,или дел од административците кои мора да ја искористат некако паузата)
• Или купувачи кои често разгледуваат,во моментот ништо не купуваат,ама по неколку дена дојдат и купат ппвеќе работи кои пратходно ги разгледувале ( тука спаѓа и др.дел од административците)

Самиот продавач треба да процени каков купувач влегол,па спрема тоа и да се однесува.
Многу муштерии доаѓат,разгледуваат со една рака,притоа им паѓа од закачалка,напудрени не внимаваат ги мачкаат маиците,фрлаат во гардероба,или не изнесуваат од неа или изнесат се извртено наопаку и тупнуваат на каса. И после истите се бунат ако блузата била измачкана или панталоните извлечени . Точно дека на продавачите им е работа да диплат,враќаат на закачлка,да редат,ама тоа не значи дела муштериите треба да се однесуваат како излезени од џунгла. Не е тешко да се завртат на лице алиштата,да се стават на закачалка и да се вратат на место ( од култура,не дека мора).
Од газдите ни е наредено,ние да ги однесеме алиштата во гардероба кои ќе треба да ги пробаат,ние да ги наместиме и да ги вратиме назад ( најчесто зошто безврска ги враќаат или и она што не е за изложување во дуќан,туку за во магацин го ставаат на закачалка).
Ама често се случува да е гужва,ние 2 продавачки,некој сака да му најдеш број,некој да му наплатиш,на некого да покажеш....Не можеш да постигнеш на сите страни,па не е лошо барем уредно да бидат предадени на продавачката,па кога ќе можам ќе ги средам и вратам на место. Не зборам за Скопје каде можеби за чистење на дуќаните плаќаат чстачки,ние тука и треба да бришеме излог,и прашини,и метење и џогирање,и секој ден пресоблекување кукли,и услужување,муштерии,и собирање по нив,и средување магацин и примање и изложување нова роба и повлекување стара роба и наплаќање и се. Не може да споредувате Ваикики,Зара,Њујоркер со други помали бутици кои не се во Мол.
Можеби изгледа дека е ептен лесна работа,дека само одмараме и ништо не работиме,ама не е така.
И во бутици работиме и со факултет и со средно,и паметни и помалку паметни,ама тоа не дава за право на некој кој се чувствува повреден од нас само затоа што зема поголема плата да не понижува и да не малтретира.
Често сме под притисок,ако услужуваш муштерии,зошто не е средено,ако средуваш,запоставени биле муштериите,и така на газдите ретко можеш да им угодиш. Па зошто немало промет,ние сме криви,а ако има не е наша заслуга туку робата била убава и така.....

 

Одлука на раководството е и да нема столици за касиерките и тие цело време да работат станати, за жал.

 

Мене ме има изнервирано продавачка од Мана.
Мајка ми гледа комплет и одлучува да го купи. Она не пробува, скоро секогаш си погодува.
И и вика ај ќе го земам ова, за наплата и го подава на продавачката, а во меѓуреме другарка на продавачката која пробувала ист таков комплет во гардеробер искача, вика еј ова мало ми е, тоа поголем број е? Ќе го земам тоа!
И продавачката и го дава на неа. А тоа последно било.
Ептен безобразно беше од нејзина страна

 

Кажи ми барем дека реагиравте, крајно безобразно е тоа кога веќе сте тргнале да го платите....

 

Реагиравме ама реално ништо од тоа. Си испаднаа безобразни онака до крај

 

Ауу вака има лом да ја направам!
Ова веќе е крајно безобразно!

А на темава, и јас сум била продавачка, уствари само последнава раб.не ми е тоа другото се продавачка, искрено секогаш сум љубезна иако некогаш така ми иделе на нерви, ама кога одиш на такво раб место егото под тепих.
Порано си преќутував, ама сега баш заради тоа што сум продавачка не дозволувам да ми се понаша арогантно,одма ќе ја пресечам, кога можам јас може секој, проблемите од дома на раб не се носат..
Друго најиритантно ми е кога си збори на телефон и јас треба да ја чекам, под ова не мислам на нешто околу работата или да порачува, да прашува за производ,туку кафе муабет да си праи со другарки.

 

Колку што има арогантни продавачки има и арогантни купувачи.. Посебно тие со подлабок џеб што мислат дека им се може се.

 

Мака им е бидејќи никој не им ја сака робата... Прво нека имат роба барем што има малку квалитет, па после нека отварат продавница. А не да се лутат кога луѓето не купуваат од нив.

 

Душо, газдите ги тераат со сила да им пикаат на купувачите. Продади толку и толку ако сакаш плата.

Не се виновни продавачките
Туку НИВНИТЕ ГАЗДИ.

 

Имам работено во маркет кај доста специфични сопственици и имам видено се. Колку пати муштериите се однесувале арогантно и во алкохолизирана состојба и сешто имам видено, ама никогаш не сум дозволила да не се однесувам културно и со насмевка. Ни мене не ми беше се сјајно ама не дозволив арогантно да се однесувам или да понижувам некој. Може има 5/6 години од оваа случка, ама ми се има врежано во мозокот од што се изнервирав. Во сара фашон во Битола на шеталиштето влеговме со ќерката да видиме дали има спортски градници. Таму едно безобразно створење (не заслужува да ја наречам човек) прво не сакаше да не услужи, а добар ден не постоеше од нејзина страна, потоа сами разгледувавме каде би можеле да се изложени спортските градници. Таа си седеше на касата и си разгледуваше некој каталог. Влезе друга жена во бутикот и оваа скокна да и покажува долна облека. Тогаш ја прашав по десетти пат пред жената дали има спортски градници и ми вика оди купи си од пазар. Ништо не и одговорив со ќерката си излегов надвор. Значи толку безобразлук не било. Јас на пазар немам одено од мало девојче а не па облека да купувам од таму... Премногу се изнервирав и да не беше детето ќе се расплачев. Добро сум ситуирана (можам и неа и продавницата да ја купам), ме навреди и пред муштерија и пред детето. Повеќе никогаш не сум стапнала таму, ни пак планирам, не сакав да бидам безобразна како неа да ја кажам на сопствениците, нека и остане неа тоа лошо однесување. Никогаш никаде такво нешто немам доживеано а скоро цела Европа ја имам прошетано. И не ми се допадна како се однесуваат продавачите во Нептун Прилеп. Може 3/4000 е имам оставено во Нептун и лани прв пат влегов во тој салон во Прилеп. Продавач не можев да најдам да прашам нешто. Идам на каса и таму ме игнорираат. Мажот ми изнервиран му вика може некој да не услужи или ќе се молиме уште? Едвај еден да не речам се довлечка. Како било, купивме што купивме а тие на каса се зафркаваат зашто прашав дали ќе го собери ТВ во колата ( со отворен багаж возевме). Следно од нив, татко ми отиде да купи клима од кај нив, понашање катастрофа, му зборувале и врескале како на 5год дете. Е кога ми кажа стварно ме налути многу. Човекот има и факултет и културен е и они со него да се зафркаваат?! Ми пукна филмот и им се јавив во ск во дирекција на Нептун. Остави што не добил од нив никаков одговор кога ќе му ја наместат климата, кога ќе ја добијат, они и си се смееле со него. Прв и последен пат се јавив во дирекција и се им кажав. Човекот на тел ме ислуша, ги провери сите податоци што им ги дадов и замислете следниот ден им ја носат климата и им ја монтираат (а претходно еден од монтерите им рекол на моите немаме таква клима и кој знае кога ќе дојде). Искрено бев изненадена од нивната постапка, мислев фирма како сите кој знае и дали ќе ме сфатат озбилно, ама не било така и презадоволна сум. Не доби извинување татко ми ама не е ни битно зашто мене на тел сто пати човекот ми се извинуваше. Извинете за долгиот пост

 

Од постот повеќе ми падна во очи фалењето колку сте богати, прошетани, добро ситуирани, еманципирани, паметни, учени, отколку колку биле арогантни продавачите .

 

Реално тоа е македонскиот синдром, ем прошетани (цела Европа) ем културата и скромноста во канта. Факултетот не е репер за свест ама ајде не е тоа важно, верувам дека имала проблем исто како сите ние останатите. Класичен проблем е тоа тука, во било кој град. Како и да е, не е срамота да купиш и од пазарче, ама ете, некои луѓе се добро ситуирани хаха

 

И јас истиот впечаток го добив, се испофали, испофали, на пазар не била од девојче, има многу пари, мислам чему се ова изнапишано, демек ако на некој неситуиран му се понашаат во ред е.

 

Wow браво, баш ми е мило што после мојот коментар темава стана активна. Не планирам да ви објаснувам, вие гледам се си знаете. Тоа што имав во врска со темата напишав

 

Не знам, дали така им наредуваат газдите или кој и да е, нема да именувам продавница т.е. се работи за бутик за облека. Влегувам да видам фустани, немаше мој број, па малце понатака беше продавачката и ме гледаше цело време и убаво прашав, дали случајно имаат број и дали ќе може да пробам, продавачката буквално се направи дека не ме виде и на телефон почна да си збори, ок јас си чекам, доаѓа другата продавачка ме услужи и ми рече, еве иди во оваа гардероба и фустанот убаво да го вратиш ако не го земаш, ќе пазиш и да не го изгужваш и ако не ти е точен, немој да го обчекуваш да го тегнеш, уште малце мислам дека ќе ми влезеше во гардеробата од што толку се засекира да не му се случи нешто на фустанот, мислиш се јадат фустани па јас ќе го изедам и ќе го снема, влегов во гардероба ниту го пробав се задржав демек сум го пробала и и го давам еве викам ќе размислам, ми вика остави го на масата треба да го дезинфицираме, ок доволно беше повеќе никогаш да не влезам.

 

Пак ќе кажам.
Може да е до газдите и им е така наредено, и си нашле газдите таман некои продавачки со таков однос или па на продавачките им е преку глава да прават така, и се исфрустрирани, некои мораат да работат нешто што не сакаат ради пари.

Друга опција, може некоја од нив е газдарица па изведува глупости.

Продавачките се такви, газдите немаат поим што им се дешава.

Како и да е, неубав однос.

 

Без разлика дали е наредено, девојките биле безобразни.
За се има начин и убав пристап. Не е за секого да работи во продажба како и за секоја друга работа

 

A tie sto se idnesuvaat ubavo kako prodavacki, sto? Na niv gazdite da ne im se nekoi povleceni? Nikoj gazda ne saka da vrabiti arogantni prodavacki, bidejki taka ke snema musterii. Tocno e toa sto gazdite im velat da prodadat sto poveke roba, no gazdite sigurno um velat da ne izgubile nitu eden musterija.
Da mi se sluci uste eden vakov slucaj so arogantni prodavacki, nema da im izmolcam. Eeee preku glavami dojde od niv. So takvi facicki i odnosi neka si sedat doma. A ne da rabotat megu luge.

 

Da se priklucam na temava za prodavackite.
Vie sto velite deka bile arogantni, ne lubezni , a da se zaprasate so kakvi musteri si imaat rabota po cel den ?
Kako gospodzata pogore so se ispofali kojznaa kako i im se obrakala ,posto tie od visoka noga na nas prodavackite gledaat kako na najdolnoto nesto .
Ja rabotam taa rabota veke 8godini.
Se zavisi i musterijata kako ke se isponasa spremea prodavackata , neli gazdite ni velata sekogas musterijata e vo pravo , no ne e taka.
Musterijata ako mi se obrati na kulturen nacin tuka nema logika da bides arogatna.
A ima luge sto ke te izvadat od koza.
I ke te navredat , i ke se ispokarat so tebe ,i na kraj ke ti kaze a so neli ti e taa rabotata na tebe ? Zosto ti rabotis vo market ?
Epa izvini ovaa e SAMOPOSLUGA
Ne sum jas vrabotena da pazaruvam mesto tebe , da ti naplakam , da ti stavam vo torba i da ti odnesam do kola .
Ne se sekogas krivi prodavackite ,i musterite ne se kitka za mirisanje.
Dobar den , dobro utro , blagodaram i prijatno doagata od domasno vospitanie .
Toa na covek nikoj nemoze da mu go dade ako go nema .