Една од опциите за факултет ми е архитектура, ако има некој запишан на овој факултет ако може да ми каже нешто како се учи, што се учи и предлог предмети кои да ги одберам за полагање матура.
Здраво☺️ Јас сум оваа година матурантка и размислувам да се запишам на архитектонскиот факултет. Дали може да ми кажете што се треба за полагање на приемниот испит? Фала ви однапред.☺️
Здраво дечки, како студентка на Архитектонски факултет (4та година) решив да споделам едно искуство. Според мене, НИКАКО не се запишувајте на државниот Архитектонски факултет. За приватните не знам, така што за нив немам никаков коментар. Студирањето на почетокот беше напорно, но имав чувство дека трудот ќе ми биде вреднуван. Оценките ми беа солидни, но со многу неспиени ноќи (кога ќе видите некој meme за како тоа архитектите не спијат и пијат постојано кафе, може да изгледа смешно и интересно, ама во реалност студентите се на раб од одкажување, а освен тоа на телото му прават голем стрес). Сум поминала кај најразлични професори, и можам да кажам едно мислење што важи речиси за сите: материјалот ќе го предадат, ќе се појават на консултации, а надвор од тоа студентот го множат со нула. Сакам да кажам, од повеќето не се добива разбирање и помош. Можеби немаат избор поради големиот број на студенти, но ете искуството е такво. Најголем проблем е материјалот: преголем е. Не се споредува со средно, а ниту со други факултети (имам другари/ки на финки, медицина, пмф, правен итн). Ние учиме и цртаме постојано, додека тие само пред испити и немаат проблем. Рачното цртање разбирам дека треба да се совлада, но тука се учи цели две години и повеќе делува како тортура. За макетите да не спомнувам, мислам дека беше доволно тоа што го пишав. Не ме сфаќајте погрешно, јас ја обожавам архитектурата. Факултетот е тоа што ми прави голем стрес и влошено физичко здравје. Позз
Камо да знаев и јас за ова пред да се запишам. Јас сум втора година и не знам дали можам да разговарам за ова дека немам долго искуство, но едно нешто кое го забележав кога започнав е тоа колку е нормализиран тој hustle lifestyle во студирањето архитектура. Исто и ти спомена дека сите се „шегуваат“ за непреспани ноќи, дури и некои професори во прва година не тераа да се навикнеме на тој начин на живот. Тоа дека доколку седиш по цели ноќи и работиш цело време дека само така ќе имаш резултати или дека ако никогаш не ти се случило да се онесвестиш поради работа цела ноќ, не си студент на архитектура - зборови на еден професор. Кога ќе ги видам тие видеа на инстаграм каде студенти на студио изложби се восхитуваат за тоа дека некој не спиел цела ноќ претходно, ме иритира. Во прва година цела ноќ работев на една макета и утрото кога ми се смачи од се, додека го држев скалперот си добивав некои лоши идеи, морав да излезам за пауза, да се смирам и да купам фластери за секој случај, не знаев што би можела да си направам во тој момент и тоа ми беше како шамар, ме освести дека ова морам да го сменам некако.
Ако сакаш и имаш храброст, те советувам да се обидеш со некој курс за дизајн, или пак нешто слично и да направиш пауза од факултет. Ама знам од искуство дека нема да те убедам така што.. со лесно!
Здраво сакам да прашам кој факултет е подобар архитектонски или градежен??? И нешто околу приемниот на архитектонски дали е голема конкуренцијата или не се запишуваат многу???
Некој ако присуствуваше на подготвителната настава за приемниот испит ако може да сподели искуство? Бидејќи сакам да се запишам на Архитектура но немав можност да ја следам подготвителната настава.
Некој што студирал или студира архитектура ако може да ми каже каде можам да сечам бела лепенка на ласер? Ги распрашував колегите но никој не ми кажа каде ги сечат макетите, кријат како да ќе им го украдам местото... себични луѓе
Види дали уште постои Мамут. Со години немам праќано нешто, па не знам дали сè уште работат. Ги спремаш цртежите од деловите во пдф, им ги праќаш на мејл и ти пишуваат порака кога ќе ги исечат. Овој број го најдов во телефон, па јави се и види што ќе ти кажат. Спојлер 070/233 131
