Не реков јас дека Бог е контрадикторен, реков омнипотентно суштество е контрадикторно само на себе, тоа е непобитна логичка вистина. Е сега, ако тврдиш дека твојот бог е омнипотентен, твој проблем е, нема љутиш.
Не те разбирам што збориш, ама забележувам дека насети дека атеистичката замисла за „создадениот бог“ е контрадикторна сама на себе, па сега пробуваш да ја завртиш дискусијата во сосема друга насока - дали бог можел да направи триаголник со четири страни Ова нема врска со омнипотентност. Не е омнипотентен некој што може да прави нелогични работи, бидејќи дури тогаш би бил нелогичен и контрадикторен на себе. А Бог не е таков. Тоа е исто како јас да побарам од математичар да ми напише на лист дека 2+2=5 и потоа да му се смеам на глупавоста.
Види го уште за создаден Бог збори. Остави го тоа. Фактот што нелогочни работи не можат да се направат докажува дека омнипотентност не постои. Тоа кажувам. Еве и ти сам си кажа: ,,Такви ствари" се омнипотентните битија бидејќи тие се исто толку контрадикторни како триаголен квадрат.
Не знам што ти подразбираш под „омнипотентни битија“, ама никаде ти не покажа дека Бог е контрадикторен на себе. А ја од друга страна јасно ти покажав дека атеистичката замисла за „создадениот бог“ е контрадикторна сама на себе.
Покажав дека омнипотентно битие е контрадикторно само на себе. Не може да направи камен што не може да го крене - не е омнипотентно. Не може да го крене направениот камен - пак не е омнипотентно. Значи не постои таква работа. Ако твојот бог е омнипотентен, тогаш жалам, ама не постои. Ако не е, терај, немам ништо против таков бог.
Епа како што атеистичкиот „создаден бог“ нема врска со христијанскиот концепт на Бог кој е вечен, на сличен начин и атеистичката замисла за омнипотентност (способност за создавање на контрадикторни оксиморони) нема врска со христијанскиот атрибут „семоќност“ кој го поседува Бог.
Абе нема замисли за омнипотентност. Или постои или не постои. Ти сега велиш христијанската замисла за триаголен квадрат е друга.
Не. Дефинирај ми како ја разбираш „омнипотентноста“ и ќе ти кажам јасно дали според таа дефиниција Бог е омнипотентен.
Само ова да искоментирам што ми боде очи... Не постои никаква атеистичка замисла за создаден Бог. Атеистите не го замислуваат Бог, тоа се само хипотези преку кои религијата се покажува како уште понелогична. Тие се многу добро свесни дека тоа е невозможно, а и дека Бог не постои - па затоа ги поврзуваат тие две работи. @EvAngelos, ако убаво прочиташ на претходната страница, твојата истомисленичка @worrieddd има пишано пост со поента дека сѐ е создадено од некого, па Танче ја праша кој го создал Бог тогаш. Пологично амин. П.С. Секоја чест и на тебе и на поголеми „научници“ од кои влечеш апологетски „факти“ како ова за Адам и Ева дека се мешавина од сите раси... Којзнае колку имагинација е потребно да го смислиш тоа.
Според таа дефиниција, христијанскиот концепт за Бог не е омнипотентен, бидејќи Бог не може да лаже, не може да умре, не може да си противречи сам на себе, не може да прави нелогични оксиморони, не може да направи самиот тој да има почеток, не може да направи ни да има крај. Но ова не се слабости или ограничувања на Бог, туку баш напротив - совршени атрибути на Бог.
Семоќност е нешто сосема друго. Се-моќност значи да имаш моќ над се што постои, а не да имаш моќ да правиш нелогични оксиморони. Бог може за една милисекунда да ја уништи целата галаксија, но не може да изговори ни најмала лага - бидејќи тоа е спротивно од Неговата совршена природа. Првото е семоќност, второто не е. ЕДИТ: Кога Бог би бил омнипотентен според твојата горна дефиниција, ни јас не би верувал во него, бидејќи на таков „бог“ и не може да му се верува. Ако тој може да лаже, ако тој може да биде неморален, ако тој може да биде лош, злобен, мазохист, тогаш кој разумен човек би имал доверба во таков Бог?
А тоа што не може да им помогне на куп болни луѓе и деца да се излечат, и екстремно сиромашни да се извлечат и дојдат до пристојни услови за живот - и покрај нивната верба и посветеност? И тоа ли е дел од совршенството? Mysterious ways, indeed... и посебна, мистериозна замисла за поимите сѐ=>семоќност.
Ех сега... Од кај ова? Семоќност значи да можеш сè. А сè е стварно сè. Почнувајќи од правење дупло салто наназад до триаголни квадрати. Не ги пишувам јас правилата. You can't have your cake and eat it too.
Кој рече дека не може? Може, ама ќе го направи тоа во Божјо време и на Божји начин. Бог не би бил семоќен и воопшто не би бил ни „Бог“, ако се води според умот на атеистите од планетата Земја кои сметаат дека Бог треба да го направи тоа во нивно време и на нивен замислен начин. Бог си има причини за своето време и својот начин, причини кои атеистите никогаш нема ни да ги ислушаат, а и да ги слушнат ќе се инаетат дека тие се попаметни од него.
Не. Зборот „семоќност“ е кованица од два збора: сè и моќност (што значи да имаш моќ над сè), а не „сè“ и „правење“. Зборот „правење“ не се ни содржи во зборот “семоќност“. Ни јас не ги пишувам правилата. Ама ако сакаш да го негираш христијанскиот Бог, ќе треба да го негираш христијанскиот Бог, а не некаква атеистичка или било каква друга замисла или дефиниција за Бог.
Читајќи го ова, Бог според твојава замисла го перципирам како некое инаетливо дете, или пак каприциозен шеф кој се изживува со своите вработени. Ама, ти си знаеш... Терај си.
Така ти одговара да го перцепираш, а не дека тоа има врска со реалноста. Потребни се 30 милијарди долари годишно за да се нахранат сите гладни луѓе во светот, а истата таа сума се троши секои ОСУМ ДЕНА на оружје и војска низ светот. Не е тука проблемот Бог, туку човекот. Но ако Бог денес одлучи да ги уништи сите зли луѓе, нема еден да остане да пишува на форумов. Но Божјата воља според објавата во Светото Писмо не е таква и затоа трпеливо чека, но не се секирај, нема вечно да чека. Работата е од која страна ќе се најдеме кога Бог ќе го казни злото, дали од страната на покајаните грешници или од непокајаните грешници кои се инаетат и надмудруваат со Бог?
Абе ај играчки ќе си играме сега. Тупење до немај каде. Признај дека не ви е речникот коректен и готово. Немам јас моја замисла за Бог. Верниците се единствените кои си замислуваат богови, и единствените кои им припишуваат контрадикторности како семоќен и all-loving и уште што не.
