@Orthophill тие две клетки со постојана, постојана делба, стануваат се повеќебројни и во тие 9 месеци се оформува тој организам. Да не раскажувам сеа мејози и не знам што. И плус како се развил еден организам, така ќе се развие и следниот по неговите гени. И не е само да се правдате дека секој мое да каже свое мислење.Јас можам да кажам дека Nickelback имаат добри песни, а некој друг да ми каже дека не му се свиѓаат песни што зависи од инвидуалниот став. Но кога се работи за научни факти веќе е друго. Веќе не се работи за нешто што самите сте си го креирале во главата, туку што е поопширно прифатено. Имам повеќе пати пишувано на теми за атеисти и религија и пак ќе повторам нешто: Науката всушност нема одговор на се, затоа што таа е пренатрупана со закони, докази, факти, што е премногу за на едно прашање да најдеш еден одговор. Полесно ми е да верувам во нешто што само признава дека не е совршено, затоа што тоа што тврди дека има одговор за се и не кажува дека има маани, секогаш е посомнитено. Пред повеќе од 400 години не се знаело што е клетка, пред 100 и нешто години не се знаело дека псотојат вируси, не се знаело како настанал живиот свет, не се знаела структурата на ДНК, но денес се ова е познато. И ако денес не знаеме некои работи, можеби ќе се дознаат за некои си 50 години или повеќе. Додека во религијата за сите прашања одговорот е Бог. Тука знаењето и напредокот тапка во место, што не се вклопува во ентузијазамот на некој заинтересиран во науката кој сака се повеќе и повеќе да истражува.
Универзумот содржи 4.9% (обична) материја, 26.8% темна материја и 68.3% темна енергија. А ако зборуваме за тежина, направена е пресметка за тежината на темната материја во нашата галаксија (Млечниот пат) и таа е приближно 800 000 000 000 пати поголема од масата на нашето Сонце. Уште нешто?
Јас сепак мислам дека џабе е се! Кога некој решил да не го користи мозокот со својот цел капацитет нема да можеш во ништо да го убедиш. Најлесно и наједноставно е да се живее со помислата дека Господ создал се. Процесот на освестување (awakening) е процес кој секој човек мора сам да го помине. Кај некои луѓе се случува порано, кај некои покасно, а кај некои никогаш. Мислам дека никој не треба да го убедува другиот во ништо. Сум сретнала неколку open minded религиозни луѓе и со нив може да имаш дискусија. Повеќето за жал не се такви. Јас не ја одбивам религијата без причина. Значи ме интересирало, сум читала, сум зборела со луѓе и сум донела заклучок. Она што религиозните луѓе го прават е одбивање на се што за нив е „несфатливо“, без да се едуцираат на таа тема повеќе. @Orthophill Јас како нерелигиозна, можам да кажам дека имам повеќе морални вредности од многу религиозни луѓе што ги знам. Сите ние знаеме што е правилно а што не е. Не е потребна религијата да ми го кажува тоа, иако за жал на многу луѓе им е потребен животен водич. И тоа е ОК. Не сум слепа, и те како сум свесна кога ќе погрешам. Но, најчесто сум свесна за своите дела, па така однапред знам како треба да постапам. Хмм, ослепена од богатство... не, не сум богата. И материјалното никогаш не ми претставувало извор на среќа. Имам многу повеќе од 4то одделение и не сум симната од планина. Жално е тоа што си полн со предрасуди. Јас нигде не видов тука некој од атеистите да те навредува. Само видов дека повеќето од нив се желни за добра дискусија, поткрепена со факти. Како и да е, секој си одлучува за себе и колку знаење и познавање сака да стекне во животот. А тука не спаѓа само тема Религија.
Секој може да верува во што сака и има право на тоа, без да биде осудуван. До пред некое време и јас бев повеќе на страна на науката, но длабоко во себе верував во нешто над неа. Потоа почнаа да ми се случуваат работи кои таа не можеше ни приближно да ги објасни. Па морав да се едуцирам на начин кој дотогаш го одбивав. Имам една пријателка, муслиманка, многу образована и успешна жена, разговаравме на тема религија, јас кажав дека сум научен тип, и тоа што останатите го тврдат е само заблуда, а она се насмеа и ми рече само, чекај ќе видиш, ќе веруваш. И да, не помина половина година, бум panta rei, нема да навлегувам во детели, несоодветни во тема Атеисти, почнав да ја "гледам" другата страна, која ми беше незамислива, неприфатлива, а тоа што ми се случи ме промени засекогаш. Таа верба што ја имав во мене, која ја одрекував, не ја изгубив. И знаете што? Ми го спаси животот.
Блазе си ви што верувате дека ДНК-та настанала туку така! (Се надевам сте прочитале дека ако секоја нуклеобаза се претстави како една буква, тогаш од човечката ДНК ќе се напиши цела една библиотека...) Блазе си ви што си верувате дека на две клетки им текнало ајде сега ќе си правиме мејоза, место митоза и ќе создадеме полови клетки. Блазе си ви што се верувате дека туку така и` текнало на материјата да си се групира и поврзува. Само јас прашував како преку митоза им текнува на одредени клетки да станат мозочни, а на други мускулни клетки... Ќе се сложите дека нервната и мускулната клетка не се еднакви. А потекнуваат од една иста клетка... Како клетките им текнува дека до денеска само просто ќе се размножуваме, ама од по два дена ќе почнеме да формираме органи... ПС: Зошто мислите дека јас не сум образован?
Да, уште нешто. Може случајно заборави да додадеш дека научниците веруваат дека околу 4-5% од Космосот е материја, а останатото е нешто кое го нарекле темна материја и енергија (читај „појма немаме што е ова, ама мора да веруваме дека постои зошто сите теории за Биг-бенгот ќе ни паднат во вода“), па оттука даваат претпоставки за тоа колку би тежеле овие хипотетички црни честички. А да не заборавиме и дека додека едни научници веруваат дека постои темна материја, други веруваат дека не постои, (таканаречената Бонска група научници), како што едни веруваат дека Космосот забрзано се шири, а други веруваат дека успорува, па дури и се стеснува! Е сега кој бил во право, ќе видиме... Така доаѓаме до заклучок дека верувањето е многу важна категорија во нашиот живот! Преку вера се доаѓа и до спознавање.
Само ова ќе го кажам - полесно ми е е да верувам во науката отколку во нешто што тврди дека е совршено и има одговор за се (Бог нели). Епа друг начин да настане тој организам и нема. И Бог да е одговорен за тоа - ај па ти објасни како тој го создава тој организам. Изгледа е чисто онака ќе удри со магично стапче и се оди како што тој сака. Познавам луѓе што се верници, и кои не трескаат глупости за основни ствари од биологија. не негираат дека ДНК ги содржи напите гени и дека клетките немаат својство на делба.
А кај реков дека клетката не е способна да се дели? Кај реков дека нашите гени не се содржат во ДНК-та? Тоа е факт. Но, јас прашувам кој ја научи клетката од еден вид да се дели во друг? Кој ја напиша ДНК-та? Како клетките научија да се пребројуваат и во зависност од тоа колку ги има во моментот да се делат на исти како нив или пак на клетки - зачетници на посебни ткива. Но, факт е и дека е просто невозможно сама од себе да се нанижи ДНК-та. Дека не е возможно туку така да им текни на молекулите и да се организираат во клетка... Или пак дека си била некоја клетка и и` текнало од утре јас ќе правам фотосинтеза... Во овие чудни и непостоечки веројатности не верувам. Јас знам дека животот настана во водата, кога имаше едно копно, кое и ми го тврди и книгата Битие (Прва Мојсеева). Но, сето тоа што го тврди науката (освен Дарвиновата теорија за еволуција на човекот) не настанало случајно, туку настанало по волјата и заповедта Божја. Еволуцијата на животните и растенијата, пак е само продолжеток на Божјата креативност. Јас не можам да верувам дека на почетокот немаше ништо, и одеднаш на тоа ништо му текна да се подели на материја и антиматерија... Не! Такво нешто е далечно од мојот ум и разум. Верувам и исповедам дека Бог го создаде светот, ни од што. Целта на науката е да се занимава со проучување на законите кои се од Бога создадени. И истовремено, сметам дека науката не треба да се занимава со Творецот, туку доволно е да се занимава со творението.
Науката има свои закони, и сепак и самите организми имаат многу несовршености. И ако ништо не може да настане само од себе, тогаш од каде пак интелигенција во тој некој си Бог? Него кој го создал? И ако веќе Бог контролира се, онда треба и медицина да негираме, која е најтесно сврзана со биологијата. Сител болни само у црква нека идат да се молат, да ги спаси Бог, ако веќе тој е семоќен.
@orevokrsacka, џабе си го напишала и болдирала зборот верува толку пати во последново мислење. Мешаш научна хипотеза со верување. Тоа верување кое велиш дека научиците го имаат во одредена работа, всушност е хипотеза, која е заснована на реални, емпириски опсервации на универзумот и природата. Тоа верување всушност е нивна интерпретација на доказите со кои располагаат, а во случаи кога нема доволно докази кои недвосмислено упатуваат на само една работа, нормално е да се јават повеќе различни хипотези за објаснување на истото. А ова е, ќе се сложиш, многу поразлично од верувањето во религијата, кое се заснова на некоја света книга стара 2000-3000 години, за која некој рекол дека е зборот Божји - а ниту за тоа, ниту за точноста и веродостојноста на нејзината содржина нема ниту еден единствен доказ. Ова инаку, не е точно - доказите за Big Bang-от постојат, пред се во вид на резидуалната космичка радијација и постоењето или непостоењето на темната материја и енергија ниту го докажува, ниту го оспорува. Претпоставките за тежината се засновани врз гравитационото дејство на црната материја врз обичната материја - нешто што е сосема реално и може да се забележи и измери. Далеку од тоа дека се работи за претпоставка заснована врз друга, исто така недокажана претпоставка. Генералниот консезус на научниците кои се занимаваат со оваа проблематика е дека постои - дебатата е околу тоа што всушност претставува таа. Истото важи и за ширењето на вселената - сите докази упатуваат на тоа дека се шири, и тоа забрзано. До спознавање на вистината се доаѓа само со непристрасно следење и анализирање на доказите, а верата, особено онаа од книги напишани пред илјадници години, не може да не научи апсолутно ништо за огромниот универзум во кој живееме и законите кои владеат со него. Ортофил, не се работи за тоа што тебе или мене лично ни се допаѓа или ни изгледа разумно - се работи за тоа што е вистина. Инаку, од мојот ум и разум е далечен Бог кој го испраќа својот син на земјата, за да биде страотно измачуван и убиен. И сето тоа само за да може да ни ги прости гревовите. Целата таа идеја ми е сурова и да не речам, благо перверзна и постојано се прашувам - зошто Бог, со својот неограничен ум и разум, не одбрал некој похуман начин за да ни ги прости гревовите, туку тоа морало да биде со човечка жртва? Јас би сакал да верувам дека не е џабе. Верувам во луѓето и во нивната интелигенција и убеден сум дека сите се способни да ги сфатат и разберат елементарните научни концепти – потребна е само малку добра волја, ништо повеќе. Инаку, мене не ми е целта да убедувам никој, ниту да па преобратам некој верник во атеист. И до некаде, се сложувам со тоа дека секој има право да одбере во што ќе верува – барем кога се работи за личната спиритуалност на секој човек. Но, не можам да го тврдам истото и кога се работи за научно докажани работи и факти. Тоа не е нешто во што може да се одбере дали ќе се верува или не. Фактите се факти и тие ќе бидат вистинити, а природните закони ќе важат секогаш, без разлика дали ние ги разбираме или веруваме во нив или не. Квантната механика, на пример, ретко кој навистина ја сфаќа и разбира; но, тоа не ја прави помалку реална или вистинита. Она што мене ми е целта во ваквите дискусии е да им објаснам на луѓето дека работите во кои тие се сомневаат или одбиваат да ги прифатат, поради религиозни причини или едноставно, поради незнаење, всушност се аргументирани и поддржани со докази од страна на науката. Науката не се труди да го оспори постоењето на Бог, ниту може да го направи тоа. Но, науката успеала да докаже дека за некои од тврдењата кои порано му се припишувале на Бог постојат природни, односно научни објаснувања. Денес, појавите како настанокот на универзумот, хемиските елементи, небесните тела, нашиот Сончев систем, Земјата, елементарните непогоди, човекот како организам и многу други, имаат научно аргументирани и докажани објаснувања; објаснувања за кои не е потребно да се повикуваме на Бог. Но, нормално – ниту едно од нив не го исклучува целосно неговото постоење, туку само ја исклучува или ограничува неговата можност за интервенција во овие појави. Јас само сакам луѓето да бидат доволно информирани за светот во кој живеат и елементарните природни законитости според кои универзумот функционира. Ако научните докази за природниот поредок на нештата предизвикаат некој да ги офрли тврдењата на релгигијата и да стане атеист – океј. Ако некој успее овие научни докази да ги прифати, но сепак да ја задржи сопствената религиозност – повторно океј – немам никаков проблем со тоа. Но, отфрлањето на научните докази и вистини за универзумот и природата само затоа што се во спротивност со приказните напишани во некоја света книга е погрешно и ова е она што лично на мене ми пречи. Ми пречи искривувањето на фактите и обидите да се прилагодат научните тези на она што религијата го налага. Ми пречат тврдењата дека некои работи не можеме и не треба да ги осознаеме и ми пречи одговарањето на сите прашања на кои науката сеуште не дала одговор со „Бог“. Свесниот избор да се живее во незнаење или да се отфрлаат работи за кои науката докажала дека се точни е нешто што не може да биде добро, во ниеден случај; ова не води кон напредок, туку кон регресија на човештвото. Главната одлика на човекот како суштество се неговата свест и разум – работи кои многумина верници одбираат да ги отфрлат, и тоа токму поради религијата.
Кога сме веќе на тема на темната материја, да ви посочам еден интересен факт и за „темната енергија“. Космичката константа е воведена од Ајнштајн и ја претставува густината на енергијата во вакумот или позната како „темна енергија“. Таа глобално делува на оддалечувањето на галаксиите. Нејзината вредност е многу мала, околу Λ = 2.036 × 10^(−35) или 0.00000000000000000000000000000000002 Физичарот Стивен Вајнберг (нобеловец), иако не е верник (заради предрасуди кон организираните религии), сепак бил зачуден колку оваа константа е добро нагодена во наша полза. Тој напишал (цитирам): „Ако е голема и позитивна, космичката константа ќе делува како одбивна сила која ќе се зголемува со растојанието. Таквата сила во раниот универзум би ја спречила материјата да се состави, а тоа е процес којшто е првиот чекор во формирањето на галаксиите, ѕвездите, планетите, луѓето. Ако е голема и негативна, таа би делувала како привлечна сила што се зголемува со растојанието, сила која речиси моментално би го свртела назад ширењето на Универзумот и би предизвикала да се збие како на почетокот.“ Вернер бил зачуден како ова случајно се случило. Но за христијаните нема никакво чудење, бидејќи знаат дека Бог е тој што ги наштимал работите за Универзумот да функционира.
Па, искрено да кажам ни јас не знам во која група сум. Верувам дека постоел таков добар човек шо му помагал на сите и затоа го нарекле Бог, но не верувам дека правел чуда. Па според човечки мубети до ден денска се спомнува господ. . Покреј тоа си славам Божик, Велигден и такви денови.
Да не беа шестте бездимензионални физички константи точно такви какви што се, нашиот универзум, а и ние со него, немаше да постоиме и немаше да има кој да го постави прашањето - „Зошто нивните вреднсти се баш тие?“ Дали нивната вредност се должи на случајност или на Бог, никој не може да знае и да тврди со сигурност - дури ни христијаните.
Точно така и на секој од нас останува дали ќе верува во екстремно малата веројатност дека се е случајно настанато или пак во големата веројатност дека се е плански создадено од еден интелигентен Создател. Јас немам толкава вера за да бидам атеист и им завидувам на верата на оние искрени и убедени атеисти кои веруваат во таа екстрмно екстремно мала веројатност дека Универзумот и животот настанале случајно, без присуство на никава интелигенција или акт на создавање.
Проблемот, за мене - лично е поскоро во самиот концепт на бог, каков христијанството или било која религија го праповеда... концептот за пекол и рај, гревови и казни и сл. За мене, светото писмо е ништо повеќе од лоша преработка на антички текстови (поезија), на стари верувања во кои централно место имале природата и животните и кои (според мене), биле далеку подобра подлога за да се изгради некакво си... демек „здраво општество“ засновано на морал и етика. Онаа стравопочит која се праповеда од религиските водачи и библијата кон некаков си бог кој не е човек, ама ..тој е „личност?“ (Orthophill, на другата страна го напиша) т.е не, тој е три личности, пак еден е и со човечки лик и тело? е... утната. Да го гледаш бог како личност е еднакво да кажеш дека тој е еднаков на нас, суштество кое има интелегенција - мозок и размислува и кое има емоции..и одма фалинка ете му! Пошто, и кај нас е тоа фалинка. Како е тој најправеден? Кој ќе потврди дека е тој најправеден и дека тоа што дозволува да им се случува на луѓето во нивниот животен век е праведно? Пак и да ги суди по тоа, кога тој самиот ги создал со таа фалинка? Зашто не ги создал чисто без емоции, без потреби ...а, роботи кои, нема да помислат на мрсно до велигден, кои нема дури и да се бакнат со некој, недај си боже да имаат секс со некој до велигден (другарка моја имаше дечко кој кога постеше и не ја бакнуваше дури) итн. Да не зборуваме за потешки „гревови“ кон кои сме склони,некои повеќе некои помалку. Од коменентарот на Orthophill, т.е. коментари со Bulgarian во темата Пост, чинам... /ги читав вчера/ .. за тоа, како само ако си во некоја пештера,ли како беше напишал Orthophill, затворен, само тогаш нема да направиш никаков грев, инаку, во најмала рака ќе помислиш нешто грешно..а камче по камче ќе натежне повеќе и од карпа (карпа демек, поголем, пострашен грев) Зошто еден совршен, сезнаен бог би не создал нас, толку несовршени суштества? Та од старт не осудил на „пропаст“, на вечни казни. Само живот во изолација ли е спасот? Ако останеме отворени кон идејата дека некое интелегентно суштество го создало универзумот, тогаш и најналудничавите концепти на некои (како што и беа спомнати во темава) дека вонземјани не создале се возможни. Такви како, Рајската градина е всушност.. друга некоја планета на која живееле луѓето кои генетски биле креирани во лабараторија,од страна на вонземјаните, се разбира...пак, мажите работеле - копале, жените-луѓе не смееле да имаат секс со мажите, за да не се размножуваат... ама, затоа со вонземјаните смееле да имаат секс. Па, кога се случил тој прв секс меѓу мажите и жените... вонземјаните ги исфрлиле луѓето тука, на земјата. Јас, од сите такви приказки, какви се и во библијата,митологијата... повеќе го сакам она на Ниче..за 7те анѓели и 7те демони..дека се тоа 7 човечки страсти со кои човекот треба да се избори.. во момент кога ќе се прифати себе си' сосе тие свои страсти и ќе ги надмине сите наметнати, па присвоени од самиот себе „сита и решета“ со кои се себе-осудува и срами од самиот себе, заради тоа: „грев“, „казна“, тогаш ќе престане да живее во пекол и ќе му е рај. Е, и тука, во има фалинка де...ако ја земеш во предвид човечката природа. Се разбира, Ниче поинаку го пишува и објаснува... ама, нели.. толкувањата се... ретко објективни? Или, она на Вилијам Блејк: „без спротивности нема прогрес. Привлечност и гадење/гнасење. Разум и енергија. Љубов и омраза се неопходни за човековата егзистенција. Од овие спротивности никнува она што религиозните го нарекуваат Добро и Зло. Добро е пасивното, кое му се покорува на разумот. Зло е активното кое се раѓа од енергијата. Доброто е рај. Злото е пекол.“ Тоа сме ние и никој друг. Или, она на Каку... бог е математичар. Јас пак си велам, бог е само формула. Да беше личност..срце ќе му се искинеше за она што им го прави на некои Ќе попуштеше, ќе не усовршеше...ќе еволуиравме, до сега, во нешто подобро, похумано, поразумно.
Јас мислам дека веројатноста е подеднакво мала или голема и за двете работи. Но, ваквиот теистички Бог, кој ги создал законите на универзумот и потоа оставил се да одвива по природниот тек на работите е многу поразличен од Богот од Библијата, на пример, кој се вмешува во природниот тек на работите, одговара на молитви, не гледа попреку додека мастурбираме и не праќа во пеколот ако имаме геј-секс. Деистичката верзија на Бог, како Јахве на пример, мене ми е многу поневеројатна од тоа унверзумот да настанал случајно. Кажи ми, дали мислиш дека ние сме единствената планета со живот во универзумот? Затоа што ако Бог го направил универзумот само за нас, не морал толку да се мачи - доволно било да го создаде Сонцето, Земјата и евентуално Месечината. Дури и останатите планети во нашиот Сончев систем се вишок. А ако ги земеме во предвид сите останати галаксии, ѕвезди и планети, тоа ми делува многу расипнички од негова страна. Да веруваме дека универзумот, со се што содржи во него, е создаден само за нас мене ми изгледа неверојатно егоцентрично - или подобро речено, антропоцентрично.
Јас разбрав дека е модерно да си атеист, па затоа. Гучи и Прада бичес! Може пак и не сум атеист, оти се крстам кога некој ќе тресне некоја таква зелена. И паганска мислам дека имам во мене, ако тоа е тоа, викам пу пу пу, фрлам сол преку рамо, се враќам три чекори назад кога црна мачка ми пресретне пат. Кој нема повикувано духови со уиџи плоча? Ај да ве видам. Да не ми текне да измислам некоја топла вода, ај сиди си мирна, нема да знаат во која графа да ме ставаат идните генерации при вакви теми. Си имаше некаков ред порано, ред, се знае, влечи за коса и пали на плоштад, та не вака! На што личи ова денес?! Па после Армагедон. Епа не!
Мислам дека секој има право да верува или не верува во што сака. Никој нема право на другите да им наметнува да веруваат или не веруваат во нешто. Не сум атеист. Но не сум ниту верник во црковна смисла на зборот. За мене црковната теологија и институционализираната религија ги оддалечува луѓето од Бога - слободниот Дух. Верувам дека Бог се обраќал и се обраќа до човештвото преку пророци - Негови духовни медиуми, а не преку свештеници и традиции кои честопати ја извитоперувале Божјата порака. Вината за појавата на атеизмот каков го познаваме денес, но и вината за денешната катастрофална ситуација во која се наоѓаат бројни општества и планетата ја имаат токму црковните достоинственици. Како што рекол еден германски филозоф пред неколку века: „Теолозите беа токму оние кои во Германија го убија драгиот Бог!„ Не ретко атеистите се токму оние кои имаат позитивни морални вредности. Токму тие како да се вистинските „верници„ кои позитивните карактеристики на религиите ги спроведуваат во дело и допринесуваат кон подобро и понапредно општество, за разлика од многумина верници кои мислат дека со самото тоа што имаат цврста верба, слават и следат традиции и редовно или повремено одат во храмови и ги читаат тнр. свети списи се автоматски подобри од другите луѓе. Не ми се познати статистички истражувања но мислам дека меѓу верниците бројот на злобни луѓе можеби е поголем, поради заблудата дека Бог ионака ќе им прости или на некој друг начин спаси и без тие да се променат. Атеистите се понекогаш чувари на здравото секуларно општество хуманоста и толеранцијата, наспроти зачмаено нетолерантно традиционалистичко-верско општество. Понекогаш атеистите се поголеми пријатели и симпатизери на божјите пророци отколку тнр. ревносни верници - како што то беше убаво прикажано во текстот „Атеистот и Пророкот„ (Лист на вистината - Пророк - бр.14). Спротивно од тоа свештениците низ историјата, како пишува швајцарскиот теолог Валтер Ниг во своите книги Пророчки мислители и Книга на еретиците, иако „големи„ верници, се покажувале непријателски настроени кон Божјите пророци и Неговата порака. Но од друга страна, атеистите не сфаќајќи и не прифаќајќи дека постојат работи и од „онаа„ страна на материјата (душа, закон на акција и реакција, можнст за повторно отелотворување т.е. реинкарнација) ризикуваат морално да се лизнат и во своето незнаење да предизвикаат одобрат или подржат лоши работи чија штетност понекогаш доаѓа до израз подоцна а го засега човештвото и планетата, па и пошироко. На пр. генетскиот инжинеринг, пресадувањето органи, експерименти со животни, војни, одгледување животни поради храна и забава (лов, риболов, циркуси со животни и тн.) - сето тоа во име на науката и „напредокот„ на човештвото. За волја на вистината треба да се спомене дека овие работи и религиозните луѓе повеќе или помалце ги подржуваат или прават и на тој начин учествуваат во пропаста на овој свет. Атеисти кои ги ценам: Стево Жигон, Кристофер Хиченс, Мирослав Крлежа, и др.
Od prorocite koi gi spomnuvash vo staro vreme ima golem broj tokmu carevi i sveshtenici kako shto bile Mojsej,David,Solomon,Ezdra....I za niv mozesh da gledash so isto oko kako "institucionalizirana religija" ako sakash. Religijata kako shto ti sakash da ja zamislish ne institucionalizirana e poradi toa shto ziveeme vo sekularna drzava.Pa nekako sekularizmot ti go nametnuva toa mislenje.Koe e pogreshno.Verata e za sekogo.Vo Hrista nema ni Judeec ,ni Elen,ni sloboden,ni rob,ni car,ni rabotnik...site se hristijani. Spored tebe car nikako nemoze da bide hristijanin.Golema greshka. A pod "institucionalizirana religija" kako ti shto gledash,a smetash ja nemalo vo staro vreme,tuku e novotarija, ima i vo stariot zavet.Kade David kako prorok istovremeno e i car na evreite isto i Solomon i religijata ja vospostavuva so pozicii vo hramovite i koj kakva sluzba da ima.I posle Solomon ima mnogu proroci koi ne bile carevi tuku obichni luge i zboruvale i za David i za Solomon kako za bozji luge. Tebe chovek voopshto da ne te chita najdobro,se ti e kasha popara i nishto ne sfakash.
И упoрнo не сфaќaш декa црквaтa изменилa мнoгу рaбoти вo Библијaтa сaмo зa дa гo кoнтрoлирa нaрoдoт. Зoштo aкo Бoг е тoлку дoбaр и гoлем, чим не гo "сaкaш" те нoси вo пекoлoт? "Верниците" вo Вaтикaн штo силувaaт децa, прaвилнo е тoa? Нели тие требaше дa бидaт безгрешни или бaрем дa се кaaт пoрaди нивните гревoви (нo ни тoa не се случувa)? Акo се, знaчи декa сите требa тaкa дa прaвaт. Црквите пoвеќе пaри зaрaбoтувaaт, зaтoa пoпoвите се вoзaт вo луксузни кoли. Нa местo дa се дoнирaaт пaрите зa дете чие здрaвје е нa кoнец, се грaдaт крстoви кoи претстaвувaaт сaмo трoшoк. Нo спoред лoгикaвa пoгoлем трoшoк им е дa спaсaт нечиј живoт oткoлку дaвaње пaри зa бескoриснo железo. Ете ти гo мoрaлoт кoј гo имaaт "нaјгoлемите верници".
