Е јас изгледа сум единствена што не го сакам....мислам не дека не јадам воопшто...ама една до две тегли ни се доста со муж ми....ми се пријадува само во есен кога од секаде доаѓа мирис на тазе пржен....е тогаш ако не кснам, може и да ми се деси нешто зимава имаме изедено дури една тегла....
Сите си го сакаме ајварот особено ми фали летно време ме фаќа стрв ама мора да се чека до есен Не го јадам ептен често,ама најубаво ми е кога во лепче за тост си ставам ајвар и сиренце и си го потпечам на тостерот
хахаха ова како јас да сум го пишувала,,не си единствена... и јас така само на есен, а преку зимата еднаш или двапати имам каснато... не се ни сеќавам
Не можам да си ја замислам годината без ајвар. Особено есента и зимата зошто веќе за на пролет е потрошен
Ајвар. Ммм...ајвар! Сега правам со усните како онаа во Бушава азбука што објаснуваше како се изговара некоја буква и задолжително на крај кажуваше некои јадења. Ми е гајле за калориите, вкусен ми е! Па и не е само тоа, целата подготовка колку ми е прекрасна, полна со теткици, со трачање, со сеир, со мириси, со бои, онака баш - наша Со денови се прави, се подготвува. Цел комшилук ви е на гости. Цела зграда, или цела улица. Се сеќавам кога бев дете имаше групи од женички кои вадеа ќумбињата пред зграда и групно се подготвуваше ајварот во локалниот парк наречен „пред зграда“. Мислиш натпревар се спрема. Една пече, друга лупи, третата ја загледува згодната комшика која излегува да го пречека момчето да ја собере во екстремно кратка мини сукња. Загледувајќи се во неа заборава да го измие модриот патлиџан. Па и довикува - комшике, ладно да не ти е а?! Па таман си мислиш дека со зајдисонцето ќе прекинат овие фешти, ма јок бре! Се вадат продолжени кабли, се палат сијалици и се продолжува во маратонот. И после сево ова, како да не го јадеш? Се прашувам. Па нема во ајварот само пиперки и модар патлиџан. Во него има многу повеќе од тоа. Го јадете ајварот - го дегустирате цело маало, цела улица, цел комшилук, сонцето, есенското зајдисонце, првите есенски студени ноќи. А најслатка е последната тегла! И таа секогаш си ја третирам ко човек. Си ја галам и лажиче по лажиче, бавно и тажно, се збогувам со ајварот. Довидување до следниот септември. Кој ќе чека?!
Прееска бев кај мајка ми и ми извади една тегла ајварче, ми замрзнала, го чувала за постов Сум се прерадувала, како злато да ми дала
Многу сакам ајвар, посебно ако е лут мх, мх. Правиме многу, се собираме 4,5 жени и најубав го правиме. Како нема од 5 години се бафтам со ајвар правење Купуваме по 200 килограми пиперки и излегуваат многу тегли, делиме со тетка ми и одлично. Имаме од септември до март, април. Оваа година може и до мај ќе има, некако послабо ми го јадат. Ајварче, сиренце, маслинки мх, мх уште па ако има и прженка сланина, да си ги подзабришам лигиве
Ооо пинџур на кав'даречки . Си го сакам и си го јадам. Нема никакви витамини ама ајвар си е ајвар . Најсладок е додека се прави и на крајот откако ќе се наполнат теглите и ќе се наредат сите околу тава со векна леб и јадат! Вака стварно звучи селски, ама убавини се тоа .
Јадам...понекогаш! Но не можам за себе да кажам дека сум голем љубител на ајвар! Дури последните неколку години мајка ми го прави во ептен мали количини колку да ја зачува традицијата на подготвување зимници што како домакинка и те како сака да си ја зачува! Но една до две тегли на почетокот од сезоната на ајвар (есента) и другите си стојат без никому да му текне да јаде! Понекогаш кога нема што друго да јадам посегнувам по теглата ајвар но и тоа е ептен ретко! како традиција ми се допаѓа-но мразам да лупам чушки а и како вкус не ме воодушевува ептен!
Го сакам пикантен. Со топло лепче и масно сиренце, убајни Го сакам чист, само од пиперки. Со модар патлиџан и други додатоци - тоа веќе за пинџур го сметам, и за ајвар не го признавам Не го јадам ако го лупат комшивки и тетки Лупиме мајка ми, јас и една другарка од мајка ми (само нејзе и’ верувам). Порано баба ми ги збираше сите жени од маало, и колку и да беше пријатна и забавна атмосферата, не сакав да го јадам од сто раце чепкан Сакам ајвар. Одам да и’ кажам на мајка ми да ми извади една тегла за вечера.
аааа нашиот се изеде веќе, толку му беше векот прекрасно нешто без кое не можам да ги замислам есента и дел од зимата
Како мала ич не јадев, не можев да го смислам. Сега па скоро секој ден го јадам И така вчера ни заврши и последната тегла, па ако ми се пријаде некогаш, ќе си купам од продавница 2-3 тегли