@Mishela дали ја проба оваа тонирана крема на Алверде? Дали одговара за комбинирана кожа? И @Annath да каже збор два повеќе нешто за оваа крема?
Не за жал. Не успеав да ја најдам тука во „маалскиот“ ДМ, па на крај купив пудра од Алверде. Ако ја пробаш сподели импресии, ме интересира каква е. Да ја „опремам“ мајка ми со време.
@LollySky Искрено немам мн долго време користено пудра. Последно што купив е Healthy Mix на Bourjois која патем ич не ја сакам, го имам бр.51, барав нешто светло и продавачката ова ми го препорача па види сеа споредба Лево на жолто е пудрата, десно е бб кремата. На лице не е волку бледа, некако се утопува во мојата боја на кожа. И да, рацете ми се како модри зашто е ладно
Имам пробано многу BB кремови но или не ми се погодила нијанса поради мал избор на нијанси или не ми одговара на кожата, ова е BB кремот кој го користам долго време. Изгледа нежно на лицето и дава голема покривност, цената му е 600 денари и има 4 нијанси.
Ја користев одамна, само што отворија ДМ кај нас, беше еден од првите кремови што го купив. Мислам дека имав пишано рецензија во соодветната тема, во категоријата за ДМ, ама ја нема веќе. Како и да е, кремата е во ред, одговара за сите типови кожа, можеби за сува би требало нешто плус, ама во глобала е ок. Изедначува тен, за тоа и ја зедов, ама не покрива поизразени промени и флеки на лицето. Мене ми одговараше, дека имам релативно чисто лице и непроблематична кожа, комбинирана, на места изразени црвенила, и по некоја флекичка кои ги покриваше. Има убав мирис колку што паметам.
Ти благодарам, многу ми помогна Ептен си беличка Јас од Healthy Mix сум помеѓу 52 и 53, така да од Missha ќе ја нарачам 23, веројатно ќе ми одговара.
девојки, дајте ми предлог за ББ крем за сува кожа сакав таа на Евелине бб кремата за сува кожа што е но не знам , некок искуство со овој производ?
Можеш да ја пробаш ББ-кремата на Зиаја. Моментално е на акција во Космо, до крајот на месецот. Фина е, пишував претходно за овие ББ-креми.
Неутрална е, не е баш она скроз жолто. Барем светлата нијанса е така. Потемните се малку жолто-портокалови.
Не знам постов дали ќе биде соодветен за тука ако треба преместете го... Пред неколку дена си ја купив ЦЦ кремата на Евелин ( така мислам дека се чита ) и сакам да ја пофалам, не очекував многу а сакав да пробам дали ќе можам да поминам со некоја полесна варијанта на шминка на лицево, за натаму-наваму да не морам да се шлапам со пудра. Tука е и интересниот момент како потемнува и добива „боја на пудра“ додека ја размачкуваш, магија Не сум некој експерт за козметика и што се можеш да користиш за различни делови на лицето ама читајќи ве сфаќам дека може и тоа како да си ја олесниш живеачката по прашање на лице, и притоа да си среден, со природен изглед. Ќе видиме како ќе се однесува и понатаму, ама ако остане вака добра влегува во основа за летово, денско кафенце и опуштена прошетка- ЦЦ кремава, маскара, nude или црвено карминче и чао!
Откако ќе ја нанесам лицето ми е како штотуку да сум го намачкала со крема. Мене ми се свиѓа тоа природно ми е, не ми свети што викаш. По поласаат-саат дури добивам убав мат изглед. Немам сува кожа, комбинирана со малку мрсна Т зона.
ББ крема користам секојдневно. И стално си ја користам од Garnier. Супер е, и презадоволна сум. Не е тешка а сепак доволна за да убаво ми го истонира лицето и прекрие некои ситници.
Ми треба Бб крема со жолт подтон, по можност мат финиш за да не светам, што ќе покрива помалце од Гарниерот бб?
Јас ја користев некој период ЦЦ кремата на Eveline, ама некако не ми одговараше. Има убава структура и убаво мириса, на некои бонбони ми мирисаше. Се прилагодува супер на тенот, точно додека ја нанесуваш добива боја. Но по некое време ми светнуваше т-зоната, плус некако брзо ми ,,испаруваше,, од лицето. Мислам дека на нормална/сува кожа би била соодветна.
До крајот на месецот се намалени во Космо, чинат 228 денари. Има и тестери, па можеш слободно да си видиш која нијанса ќе ти одговара.
како што се сеќавам, ја имаш користено и Eveline бб кремата, па што мислиш која да ја земам?немам толку сува кожа вака на изглед но скоро сите пудри што ги ставам прават да изгледа суво, по одреден период светнува но на почеток изгледа сува кожата
Од Евелин ја користев матирачката ББ-крема, за комбинирана и масна кожа. Со другата (која е наменета за сува до нормална кожа) немам искуство. Исто и со оваа од Зиаја - ја имам плавата за комбинирана кожа. Можеби кај тебе подлогата го прави проблемот, па затоа лицето изгледа суво. Си пробала да експериментираш со кремите за лице? Да не случајно не ти ја хидрираат кожата доволно, не знам. Инаку, Евелин е попокривна, а Зиаја дава некој ефект на your skin but better, со тоа што не покрива некои ептен очигледни проблеми со црвенила и некои критични акни. Евелин има некоја повисока покривна моќ. Ако ти е битна покривноста, земи ја Евелин. Нијансите се фини, цената исто така, а и самата крема не е воопшто за потценување. Предноста на Зиаја е тоа што има дури 50мл производ за таа цена. Мајка ми ја користи таа за сува кожа и приметувам дека ретко се случува да и' сјае на лице, многу фино изгледа. Не знам дали и колку ти беше од помош ова, ама мислам дека дури не пробаш нема да одлучиш која да ја земеш.
