Сите можни видеа ги имам изгледано бевме и на разговор со дресер ( иако кучето веќе беше дресирано за пристојно однесување) . Знам треба да се запознаат но најголем проблем е што кучево не сака деца уште од бебе е таков, како растеше почна да станува мрзач на деца едноставно му сметаат детски звуци. Ќе видиме летово што ќе се случи ќе биде интересна комедија
Можеби и има страв од деца. И моето куче исто така не сака други деца зашто кога беше мало му се силеа и го гибаа,ама со моето дете немам проблем кога одиме во дворот се си е во ред. Малку е љубоморна ако мм го крени детето во раце ,и затоа избегнуваме мм да го држи во раце,јас си го држам. Пробувајте не се откажувајте. Многу внимание треба да се посвети не е така едноставно.
Не би се откажала и од двајцата ма колку сака влакна нека пуштаат 8 години ги чувам им го имам спасено животот од улица и тие мојот од депресија ќе се најде начин за заеднички живот. Сигурно постои начин за соживот
Има. Мојава мачка не ја рецка ќеркава На ignore и е ставена. Општо не е дружељубиво милениче. Може понатаму ќе се дружат, сеа не и е интересна
Маж ми поодамна сака куче мала раса, но јас во стан не сакам да чувам. Сега сум бремена уште еден месец очекувам да се породам и тој баш сега повторно ја отвора таа тема. Веќе имаме едно дете, сега уште бебе јас после месеци пол од пораѓај ќе треба да одам на работа по неколку часа. Куче никогаш не сме чувале и јас мислам дека во моментот тоа ќе ми биде дополнителна обврска која јас не сакам да ја имам. Тој ќе оди на работа, претпоставувам кучињата стануваат рано наутро ќе ги буди децата не знам можеби и не е така. Но, и на кучето му треба адаптација на нова средина. Во ред е да го прошеташ и да поиграш со него, но мислам дека е секако обврска која маж ми мисли дека не е... Пошто секако тој не е дома поголем дел од денот. Знам дека секој ќе ме посоветува различно, но буквално ми е лут втор ден пошто јас секогаш сум си измислувала причини зошто да не земеме куче. Прашањето ми е дали и покрај тоа што не сме чувале куче и не знаеме како функционира секојдневниот живот со куче, баш сега треба да попуштам кога ми се ближи пораѓај, бебе, неспани ноќи и безброј работи што доаѓаат со нов член во семејството? Толку сум осетлива сега заради бременоста што не знам веќе ни што да мислам....
Jas imam kucence, preubavo e da se ima milenice. No mislam deka sega ne ti e vistinskoto vreme za kutre. Cekaj nekoj mesec barem da pomine od poragjajot. Obvrska e golema. Toa ti e uste eden clen sto bukvalno zavisi za se od tebe. I jas treba da se porodam za 1 mesec ama sum se organizirala. Maz mi e samo prva smena na rabota, dodeka e on na rabota zolvami I svekrva mi ce go setaat I ce se grizat za nego I za banjanje I se. Mazmi navecer ce go seta i za vikendi, sto znaci jas sum 100% oslobodena okolu obvrskite okolu nea. Jas vece 9 godini si ja imam I postojano se grizim za nea. Posle sekoe setanje I mijam noze. Ednas vo nedelata ili ednas vo dve nedeli ja banjam, sekoj vtor den ja ceslam itn....
Јас имам куче , ама кога се роди малиот кучето веќе 2год имаше со стекнати навики. На почеток мали дури се кутрињата е исто како со бебе да си. Ноќе ми се будеше, мочаше насегде на почеток шетај по 3 4 пати дури стекне навика, се разболуваше како мислиш дете во градинка... Плус убаво размислете кога ќе одите на одмор ако го праќаш во пансион 100еу треба мин за 10 дена да двоиш во годината, нели ако немате кој да го чува. А верувам со мало бебе, дете не би носеле и екстра куче. Односно, по мене треба ептен да е добро дресирано да не лае по плажи, да седи мирно до тебе, да не тегне на каиши, да слуша команди, да оди покрај тебе за да не "осеќаш" дека имаш куче со тебе на одмор. Деф би чекала бар 3 години да ти направи детето за да земам мало кутре.
Сум имала кучиња и како дете, имам и сега. Мала раса во стан, сега веќе со 2 деца. Го имам 3 години пред првото дете, уште пред да се омажам. И ти посакувам еден ден да си земете кутре, да расте заедно со децата. Ама со бебе новородено не. Особено ако знаеш дека обврската ќе остане речиси комплетно на тебе. Кога децата ќе јадат сами, сами ќе одат во вц, кога ќе знаат да кажат ми се јаде/ми се спие. Тогаш може мало кутре. Зошто и кучето треба една година додека комплетно се научи да не моча дома. Верувај на тодлер во пелени и бебе новородено, најмалку ти фали и позади куче да чистиш. Значи мој совет е во овој момент не. Ако го земете, нема шанси дека ќе му посветите доволно внимание, и за година две ќе имате милениче со многу лошо однесување, и голема е веројатноста да не сакате да го задржите. За сечие добро, почекајте за сега.
Сум за миленици во стан, сум за деца и миленици да живеат заедно, ама вас тајмингот не ви е ОК сега. Рачунај на тоа дека три деца ќе имаш. Се е исто комплет, треба да јаде, да шета, да научи каде да моча кака, чистење по сите, средување, учење што смее што не смее да прави. И миленици се разболуваат, па трчај по ветеринари, па секогаш марфи сабота вечер нешто им се дешав. Треба ептен организација за да постигнеш се. Нека пораснат малку децата па после куче. Јас имам 8 годишен мачор и 4 години дете. Сметај на тоа кога се роди детево мачорот веќе се знае и има некаков ред, ама пак имаш обврски околу него, па и за одмор или викенд едно чудо организација ми треба. Мачка одма учи каде и како за нужда еден ден треба, ама куче најмалку 6 месеци му треба. Првата година трчање по вакцини , па карантин 2 месеци, нема шетање, го учиш дома на пелена, после го учиш надвор... Не е лесно. Не е убаво да го земете па по 3 месеци во најдобар случај да му барате нов дом затоа што вие не сте му посветиле внимание. Треба да имаш време и многу љубов да научи се, да биде среќно и задоволно а со тоа и вие.
Се согласувам со другите дека не ви е време за куче сега Си иде одговорност голема, не е само земи го. А со бебе плус, не не.
Куче е преубава работа( според мене), ама сега не е време за кај вас. Куче е мало дете, особено на почеток. Бара внимание и грижа, додека се стекнат хигиенски навики, после шетање и слично. Имаме три, ама ни се во двор и ги имаме скоро па 4 ри години. А дома куче, на почеток ќе моча кај стигне, па ќе стекне хигиенски навики, ама ќе треба шетање, за да се измочка. За некои 3 години, би ви било супер. И деца ќе разбираат, ќе биде многу подруго.
Маж то не е во право, и посебно мало куче на почеток е исто како мало бебе, дури и многу потешко оти моча насекаде, бебе барем памперс носи. Сум имала и мали кучиња и имав мало бебе и дефинитивно тајмингот сега не е за куче. Биди цврста на ставот, дефинитивно едем месец пред пораѓај е најголема грешка да вдомуваш животно.
Не. Додека е мало бебето, не и кучето според мене. Неможеш да му посветиш многу внимание, шетање итн.и може да ти прави поголем притисок, нервози и кавги. Обврска е куче да не се лажеме. Бара шетање 3 пати најмалку, ранење, одржување хигиена, учење хигиенски навики итн. Си бара труд и посветеност.
сум чувала кучиња дома, бишонот го дадов кај свекрва ми, кога се роди ќерка ми затоа што не можев да постигнам сама дома со бебе. искрено преубаво е да имаш куче, ама не знаеш која обврска се, па со мали деца и новороденче не, ќе згрешиш
