Книгата ја читав пред една недела. Не е нешто баш нај, нај ама интересна е. Книгава е всушност вистинска приказна за нејзиниот живот. Во овој роман Корин Хофман ја раскажува својата животна приказна. Таа заминува на одмор во Кенија и таму се вљубува во еден Африкански воин од племето Масаи. Таа поради љубовта ја напушта цивилизацијата и оди да живее во сосема поинакви услови - во племето на својата љубов во неговата мала африканска колиба, каде што поминува четири години заедно со него и со неговите родители. Но таму открива дека не е сè баш како што замислувала и тука започнуваат нејзините авантури, но и проблеми.Приказна за растргнатоста, промените и огромната љубов, "Белата Масаи" е роман и за романтичарите и за авантуристите.
одамна ја имам читано и кај мене остави некоја трага ептен ми се допадна книгата ја препорачувам да се прочита има и втор дел од неа ама не е толку интересна
Да не беше пишувана според вистинска случка, ќе ми се допаднеше многу повеќе. Додека ја читав книгата бев запрепастена, цело време ми се моташе една иста мисла- како можеше авторката од едно обично патување во Африка да се "заљуби" во човек кој не го ни познава, ниту се разбираа ради јазичната бариера, а за условите пак, обичаите и племињата кои се опишани ....незамисливо ми беше, не ми се допаднаа книгите воопшто.
Додека ја читав книгава останував занемена од љубовта и истрајноста на Корин. Ми се допаѓа тоа што многу детално го опишува секојдневието, животот со и после Нкатинга (така мислам дека се викаше маж и ако добро се сеќавам). Ги прочитав и двата дела, третиот ми го украдоа во хотел, па немав можност да дознаам за што се работи..
Останав будна цела ноќ за да ја прочитам. Ми се допадна, многу. Го прочитав и вториот дел. Сега го барам третиот дел но не можам да го најдам.
Ги има една другарка, таа ми ги даде да ги читам. Третиот дел го немам читано, не можам да го најдам.
