Битола

Оваа година има навистина богата програма на филмови, за манифестацијата Браќата Манаки.
Ве очекуваме во Битола
Ете линкче ако некој се интересира кои филмови ќе бидат во кој ден. Трето полувреме, конечно да го гледаме

http://www.manaki.com.mk/index-en.html

 

^ Можеш да ми кажеш од кога до кога е фестивалов, кога ќе се прикажува Трето полувреме и дали можат да се најдат карти за истиот?

Едит: смотана јас, си оставила линк, а прашувам.. Само за последново прашање ме интересира тогаш

 

^
Фестивалот е од 15-21 септември. Трето полувреме беше прикажуван вчера, првата премиера беше на главното отворање на фестивалот, но исто така имаше и втора премиера во 23 часот. За првата премиера немаше многу карти за слободна продажба, а сигурно биле скапи, бидејќи сепак имаше повеќе угледни личности, режисери, новинари, актери... За втората премиера на Трето полувреме во 23 часот картите се продаваа по цена од 150 денари.
Нема проблем иначе, ако сакаш нешто прашај и ако сум информирана ќе ти кажам

 

Дали знаете каде во Битола можам да најдам поефтини салонки (околу 500-600 ден.) ?

 

Дали во Битола има населба Карпош?

 

да

 

^ ^ ^ Ти да не ми си комшија што знаеш ?!
Има Сноу,имаме .

 

Не бе googlemaps ми е комшија па се консулитрав малце со него

 

Битола не ја заменувам со ниеден друг град! Си ја сакам!

 

Јас сум!

 

Не сум битолчанка ама Битола многу ја сакам.
Уште од мала редовно доаѓав таму со моите и искрено уживав кога ќе дојдев.
Потоа и учев и живеев таму 4 години и можам да кажам дека тие ми беа најубавите години.
Еве и сега, редовно одам во Битола, кога на шетање, кога по работа, кога на гости.
Едноставно го обожавам градов, има нешто во него што те привлекува и штом еднаш го засакаш - го сакаш засекогаш, барем јас .
Поздрав битолчани!

 

Јас сум Битолчанкаа и сум многу горда на то!! Поздрав до сите битолчани и битолчанки

 

4ти ноември- денот на ослободувањето на Битола!
Да ни е честит празникот, битолчани

http://www.time.mk/read/a7c5783028/fd78 ... index.html

 

Битола мој роден крај .... Многу ми фали, едвај чекам лето да дојди да си уживам 3 месеци во Битола .... Имам прошетано многу ама Битола не ја давам за ништо на светот

 

Не знам дали беше поради сонцето или едноставно таква си е, ама Битола денес беше прекрасна!
Жива и раздвижена, со полни кафиќи и дотеран народ.

Многу убав град и убави луѓе.
Среќа што немало земотрес, ама и убаво е одржувана, што е право.

 

Битола е секогаш прекрасно..

 

Порано не ја сакав Битола воопшто, луѓето ги замислував многу вообразени да им падне носот нема да си го кренат Ама ми се смени мислењето откако почнав да се дружам со Битолчани кога почнав на факс, гостопримливи, љубезни луѓе барем тие што ги познавам А да и љубовта ми е од таму
Широк сокак секогаш преполн со луѓе по кафичите затоа и на кружните поставија филџани со кафе

 

Во Битола бев лани на екскурзија.Градот е прекрасен,а шетањето по широк сокак незаменливо. Неможев целосно да ја разгледам бидејќи тоа беше посета на 2-3 часа,а требаше до вечерта да стигнеме во Охрид,но она што го видов во Битола беше преубаво.Битолчани мора да ги пофалам, искрено гостопримливи луѓе кој и да прашав за правец сите убаво ми кажаа и ми објаснија. Инаку баба ми има живеено во Битола и многу ми има раскажувано за градот.

 

Битола бабам Битола
Родена сум во Битола и мислам дека и покрај сите оние планој за напуштање на градот и евентуална преселба во странство, тоа никогаш нема да се случи. Има нешто интересно во овај град (не го велам то само јас, туку и многу луѓе кои не се родени во Битола), нешто магично кога ќе поминваш низ Широк Сокак и се чувствуваш како едно мало минијатурно суштество во споредба со старите куќи кои датираат од пред многу години. Го сакам моментот кога од Саат кулата (за која и ден денес не ми е сфатливо како можеле Турците да ја изградат толку цврста со лушпи од јајца) ќе почне да свири песната Битола мој роден крај, кога ги гледаш сите оние дотерани луѓе кои пијат кафе и на многу ладно време, надвор А, зимата е своја приказна... Посебно лани. Незнам како преживувавме на -26 степени. Но, то не било ништо, ми раскажват постарите дека во минатото температурите се спуштале и до -30 и нешто, па се' нормално функционирало. Го сакам градскиот парк, посебно на лето кога има толку многу млади луѓе кои трчат и спортуваат, се возат со точаци, ролери, брзат за на тренинг во Спортската сала Младост. A, да не заборајме дека ракометот започнал во Битола, тука во Пелистер играле многу звучни имиња и појќе познати ракометари. Го сакам дрворедот и кога се шетам и слушам музика по најубата улица- Партизанска, ја сакам старата чаршија и сите оние малечки продавничиња во кои можеш да пронајдиш многу интересни работи за не многу висока цена. Ја сакам Хераклеа и зоолошката градина, ја сакам Битола бидејќи има многу голема историја зад себе. Долга историја и со битолската касарна, која за жал денес не работи. Но, кој бил таму и ги видел сите оние куќарки во војската, тогаш знај за шо зборам. Бидејќи имало порано многу манастири, била нарекувана Монастири. А, како највпечатлива црква ќе ја спомнам Кркардаш или 40те маченици, која се наоѓа на блискиот рид над градот и од горе има преубав поглед. Ние битолчани знајме дека кога ќе дојде денот на црквата, како некој празник е во Битола, сите луѓе, стари и млади се качваме да ја посетиме црквата и да уживаме во ноќниот поглед кон нашата Битола...

Се изнапишав, мислам дека ништо не заборајв, се' кажав... А, и сакав да се надоврзам за битолскиот дијалект. Во погорните мислења прочитав дека ние сме ги тегнеле зборовите, ама не е баш така. Баш ние кратиме зборој и сме поекономични со буквите Можи продавачката зборала бавно, па зато така си помисли...
Толку од мене, се надевам успеав да опишам барем мал дел од Битола