Благо или солено за појадок?

Ве молам без рецепти само, ми се пријаде.
Јас немам контрола. Ако фатам сабајле да јадам, ќе го изедам и ручекот и вечерата и десертот се комплет.

Ама ми текна дека кога нема да ми е мака да си правам појадок, најчесто е некое овошно смути со додатоци како темна чоколада или путер од кикиритки. Кога екстра ме мрзи, си купувам пудинг или овошен јогурт, така да сепак благо.

 

Леле колку ми се допаѓа реченицава

 

Бласе си ви, мене ми се лоши од нешто толку благо наутро.

 

Еден ден јадам благо, следниот солено. Некогаш двете заедно.
Од благо овесни каши/чиа, ама зашто им ставам милион работи ме држат. Од солено сакам нешто намачкано хумус со зеленчук и сирење, па тортиљи, солен овес, некогаш тост. Обожавам кога ќе се почастам бурек или нешто такво за доручек ама после тоа се чувствувам ужасно, немам никаква сила.
Порано кога ќе ми текне какви глупости јадев за доручек сега ми се гади.

 

Секој ден различно, еден ден житарици, друг тост на пример си правам . Појадок ми е омилено нешто, кога што ми е ќејф така и јадам, немам правило некое. Не ми е тешко ни благо сабајле, ни солено.

Некогаш појадок знае да ми е само нескафе, па уствари се зависи од денот и како сум расположена, колку време имам и дали спремам доручек дома или јадам нешто купено кога не сум дома.

 

Леле темава.
Незнам што ми е поубаво, дали благо дали солено. Некогаш повеќе сакам солено, како на пример тост, јајца, лебче со малиџано. Ама некогаш од што брзам знам да сум на една банана или набрзина ќе каснам неколку цреши, кајсии, зависи што е во сезона.

Ама без нескафе неможам.
Некогаш знам и додека појадувам и нескафе заедно да пијам со тоа. Абе не дека неможиме без кафе ама навика пуста.

 

Не ми е битно дали е благо или солено.Што има дома, тоа јадам.

 

Благо јадам речиси секогаш, многу ретко правам солен појадок. Чиа пудинг и овесна каша со овошје, смути фор лајф

 

Do tell

 

Солено.
Благо ми е некако ту мач.

 

Дефинитивно овесна каша за појадок со чоколадо . Овесот ме држи сита до ручек и брзо се подготвува.

 

Јас од сабајле ич немам апетит и ми текнува да јадам кај 12/1 па дури и покасно. Во однос на дали солено или благо, кога како ќе ми дојде. Иако мислам дека почесто јадам благо за доручек, ама тоа не ме најадува како соленото.

Најчесто од благо јадам cereal, бевита интегрални бисквити со чоколадо, протеински шејк, некогаш ако не ме мрзи правам протеински палачинки или вафли. Или ако не јадам храна внесувам сок од морков, цвекло и јаболки посабајлечки.

Од солено за доручек не можам да јадам многу мрсни и тешки работи, пример јајца не јадам, буреци, симит и сл. Може препечено лепче на тост со малку путер, или тортиља со пилешко саламче, интегрални мафини, проја, варено ѓеврече, зависи колку сум инспирирана за готвење.

 

Солено дефинитивно, од благ доручек цел ден ми е тешко и ми се гади.
Најчесто јадам јајца или нешто намачкано (авокадо, хумус, сирни намаз) на тостирано лепче и чаша јогурт или зеленчук. Ич не можам да поднесам овесна каша и благи ствари од сабајле. Кога бев на програмата на Ана едаш се зафркнав синикерс смути да доручкувам, едвај преживеав мислам . А баш обожавам такви оброци ама ги јадам за вечера така ми одговараат највеќе

 

Леле иста јас, што е тоа појадок?
Jас и авион кога фаќам не јадам, малку така напнат ми е желудникот пред секој лет, е тек кога ќе се вивне горе ќе си каснам од менито што го нудат или ако сум понела од моите омилени bars си ги грицкам.
Е затоа без кафе не излагам од дома на раб. Поточно секое утро делник, празник или викенд со кафе ми започнува, некогаш и две знам да испијам пред да каснам некое овошје или нешто благичко, така да и јас сум за благо повеќе.

 

Јас сум голем љубител на благо, но дефинитивно преферирам солен појадок. Јајца, сувомеснато, сендвич, тост, кашкавал/сирење...
Некогаш кога сум во брзање како денес појадував благ кроасан и за два часа пак бев гладна.
Благо преферирам да јадам после ручек, како десерт.

 

Бурек, пржени лебчиња, баничка, сендвич за појадок. Па дури во средно сум јадела и плескавица за појадок. Сакам благо ама не можам пред да каснам некое самалче да јадам.

 

Солено.
Бурек, кифла со сирење, геврек...

 

Овесна каша за доручек. Со какао, мед, банана, малини.

 

БЛАГООО! Најчесто овесни каши, кроасан, француски тост, крем, џем, путер од кикирики, лешник...
Ако јадам солено после цел ден се осеќам прејадена и немам апетит.

 

Доручек прво благо па после солено за десерт