Блог поврзан со модата

moze..

 

Hvala ❤️ jana_mademoiselle imam roze kaput i bele naocare na profilna slika.

 

Многу си убава.

 

Jaoooj hvala puno ❤️ za 3 dana punim 38 godina.Daj mi savet sta da dodam,da promenim…

 

Па не личиш за 38 години

Треба да си малку покреативна, ти фали организација. Нека не се исти постовите, некогаш мода, некогаш шминка.
Биди своја, додавај бои. Сликите осветлувај ги. Батали наградни игри, глупости. Гледај рилс-вите да не се исти. Надвор си на кафе, долови го напиши мотивациона порака. Биди ведра, насмеана имај позитивна енергија.

 

Популарни/трендинг хаштагови и платена реклама да излегуваш на feed на таргет група.

 

Убави ти се сликите. Постирај често, континуирано, гледај кој дел од денот луѓето се најактивни и тогаш постирај, ставај ги новите постови на стори за сите да видат дека имаш нов пост, во caption ставај повеќе хаштази. Можеш и да пишуваш од каде ти е облеката, да бидеш активна и на тикток... Исто и од визуелен аспект кога ставаш reels нека не стои некој рандом кадар од видеото, туку крајната комбинација, нешто што ќе привлече внимание.

 

Mnogo vam hvala,poskusacu sve vase savete ❤️

 

Не можам да зборувам од моден аспект или околу дигитален маркетинг (што привлекува најмногу внимание итн), но би коментирала некои потехнички работи или нешто околу конципирањето на reels. Не ме сфаќај како да го кажувам со негативен тон, како да не ми се допаѓаш, туку се обидувам да ти прикажам како те доживувам.

Прво, на некои од reels, воведот, или да речеме насловот трае прекратко, некако блиц се појавува, не може ниту да се прочита. Гледам дека не ти е така на сите reels, ама на добар дел да. Обрни внимание на тоа текстот да не се менува пребрзо.

Второ, гледам дека се обидуваш да вметнеш малку по некој факт за тебе тука и таму, ама мора некако да си зададеш „тема“ на reel-от, која потоа ќе ја елаборираш малку повеќе, како еден вид storytelling. Моментално тие што ги имаш се како директен краток одговор на конкректно поставено прашање, одговорено на начин како да одговараш на анкета.

Пример: Reel-от со царски рез. Замисли еве ние првпат се среќаваме со тебе и немаме никаков контекст и позадина за тебе како личност, првпат се запознаваме со тебе. И ти од нигде-никаде ни велиш: „Зошто се породив со царски рез? - Затоа што син ми имаше 1 кг.“ Нема како да се поврземе со тебе, испаѓа како некоја непозната личност што првпат ја гледаме да ни го каже тоа. Не знам дали го направи тој reel како одговор на прашања од твојата публика или сама одлучи да го пишеш тоа, ама многу е рандом.

Како би било подобро да го направиш тоа? Замисли дека се претставуваш на некоја непозната личност или пак споделуваш нешто што ти се случило на твои роднини, пријатели. Конкретно за овој reel-от, си можела да напишеш нешто вака (карикирам и правам претпоставки за да ја проширам приказната, затоа што не знам повеќе детали, пишувам чисто колку за пример):

„Многумина ме прашуваат зошто сум го родила син ми со царски рез, дали беше моја желба или имаше медицинска потреба. Одговорот е: поради компликации во бременоста (можеш овде да елаборираш во зависност од тоа колку сакаш или не сакаш да споделиш), мораше да се породам предвремено. Поради тоа што син ми тогаш беше развиен до тежина од 1 кг и природен пораѓај во таква ситуација би бил невозможен (или опасен), мораше да се примени операција со царски рез. И покрај тешките моменти, стравот од неизвесноста на ситуацијата, син ми се избори и сега имам прекрасно 6-месечно бебе.“

Или не мора ни да велиш: „Многумина ме прашуваат“, туку: „Денес сакам да споделам нешто лично со вас“, па да зборуваш за чувствата што си имала, што си пребродила, каква лекција си научила, каде се чувствуваш сега во однос на ситуацијата, како еден вид на рефлексија на себе и на настаните што ти се случиле. Само давам примери вака прво што ми текнуваат, инаку има илјада и еден начин како може да споделиш нешто со публиката.

Запомни дека твојата содржина треба да даде вредност некому, односно читателот да може да земе со себе нешто што ќе му вреди. Ако јас сега напишам: „Дали знаеш дека јас знам 5 јазици? Македонски, англиски, француски, германски и шпански.“, што ќе ти значи тебе тоа? Ништо. Ама ако продолжам да раскажувам во стил: „еве како го постигнав тоа:....“, веќе споделувам нешто што тебе можеби ќе ти користи.

Не мора тоа секогаш да е нешто поврзано со кариера, правење пари и слично. Еве горе во твојот пример, да си напишела нешто во тој стил (без разлика дали пасусот во наводници или тој под него), јас сум добила информација дека утре кога ќе сум бремена (или некоја пријателка/роднина), може да ми се случи истото и дека покрај тоа има надеж дека сè ќе биде во ред, дека е нормално да се чувствуваш исплашено или пример (во зависност од тоа што си напишала) што можам да направам за да се справам со тоа итн.

Истата забелешка ја имам и за reel-от со другарката од Германија што се преселила. Поинаку би било да раскажеш нешто во стил:

„Денес се пресели (или: Денес се сеќавам на) мојата единствена другарка во Германија - Ајше. Како 30+ - годишна жена скоро преселена во Германија, морам да признаам дека склучувањето пријателства не ми е лесно. Големиот број на обврски, разликата во културата (и можеби недостатокот на знаење јазик) придонесоа до тоа да чувствувам изолирано и осамено. Одлучив да го подобрам тоа преку запишување курс по германски јазик, каде што ја запознав Ајше, која се наоѓаше во слична ситуација. Со тек на време, станавме неразделни и нејзиното друштво и поддршка ми беше зрак светлина во темните денови. По 2 години дружење, поради сплет на околности, Ајше мораше да се пресели, што навистина ме погоди. Сепак, тука не е крајот на нашето пријателство, туку само видоизменување на начинот на дружење. Ајше, те сакам каде и да одиш.“

Значи, сега веќе јас како читалел веќе некако можам да се поистоветам, да сочувствувам со тебе, да создадам некоја „врска“ со тебе, ако може така да се нарече. Не велам баш ова да го напишеш, можеби е и клише, онака нафрлав чисто за пример, само сакам да кажам, има контекст. Разбирам дека повеќето reels служат за кратко информирање и можеш сè ова креативно да го кондензираш некако во пократок текст на reel, без разлика дали целиот текст ќе го допишеш во description или не. Важно е да „создадеш филм“ за другите луѓе што ќе читаат. Должината, стилот и степенот до кој ќе споделиш интимност е твоја одлука, важно е само филмот да има смисла и поента.

Последен пример: blush-от. Кажуваш дека е еден од најдобрите и најскапите што си ги пробала и дека не ти мрда од лицето. Тоа што не ти мрда од лицето е корисна информација за нас како публика, ама мора да додадеш уште, не е доволно. Гледај како се прават reviews на шминки, бидејќи овој reel јас го доживувам како review на шминка. Колку време не ти мрда од лицето, што ако се потиш, каква е текстурата, дали свети многу или таман, дали е мат, па потоа твој личен печат можеш да оставиш преку тоа како го користиш ти, со што го комбинираш итн.

Не се претставувај пред другите од твоја гледна точка, како еве ќе кажам нешто, јас си знам зошто го кажувам, туку замисли се како некој друг, непознат може да се поврзе со тебе кога те чита. Обиди се да ја видиш твојата содржина низ призма на тоа како друг што не ги знае твоите мисли, твоите чувства ќе го восприеми тоа што си го пишала. Дали е доволно јасно и смисловно ако непозната личност што не знае ништо за мене го чита? Труди се како надворешен набљудувач да процениш каква ти е содржината, дали тој што те гледа, чита, има некоја „корист“ од тебе, без разлика како тоа звучи. Така се привлекува публика.

Знам дека е предолг пост, можеби би сакала краток и брз одговор, ама сакав да ти доловам точно на што мислам и во која насока мислам дека треба да размислуваш при правење содржина . Среќно .

 

@Janamasemoiselle одлични совети во однос на storytelling ти дала @pdb123.

Јас малце ќе ти дадам од аспект на дигитален маркетинг и она кое што моментално инстаграм го бара.
Пред неколку дена излегоа новитети за тоа кои профили ќе бидат повеќе пласирани:

• постирање секој ден на feed + 6 сториња на ден(2 наутро, 2 попладне и 2 навечер)
• едитирање на reels директно во нивната апликација, а не преку надворешни апликации како inshot/capcut итн
• користење на audio директно од инстаграм, оние кои им се trending
• користење на 3-5 релевантни hashtags
• користење на polls/поставување прашање и сл. на stories

Разиграј го малку feed-от, прво што ми падна во очи е дека имаш многу reels, и да тие се trending моментално ама обиди се да ставаш и некоја слика измеѓу.

 

Некој совет за кревање views на сторис и likes?
Често ставам poll и сл.ама многу ми се паднати views.
Исто и покрај зголемен број на следачи во последниве месеци, бројот на likes на објави не се зголеми, всушност се помалку споредено со пред 1-2 год.
Новите следачи дојдоа во глобала преку reels. Се мојата таргет група, ама како да не се мн активни

 

Kao prvo,moram da ti se zahvalim na svakom savetu,na svakom minutu koji si izdvojila za mene i da mi lepo sve objasnish.Mnogo ti hvala.Ti mozes mentor da mi budesh,a ne neka zena koju sam platila da mi daje savete,i ona mi je rekla to tako da snimim i da mi ne traju reelsovi duze od 10 sekundi.
Za carski rez mi je bash tako ona dala ideju,i nisi sigurno lepo procitala,sin mi je imao 4 kg.Razmishljam da obrisem taj reels pa da ga snimim ponovo za nekih mesec dana?
Za rumenilo si isto u pravu,ali opet ona me je savetovala da ne bude duze,jer ce bizi dosadno.Za slike isto mi je rekla da ne stavljam slike vec samo reelsove dok ne skupim pratioce.
Ako se setish josh neke ideje,pishi mi,sve sam te razumela i josh jednom ti hvala,poslusacu te.
Hvala svakoj od vas ❤️