Ќе си го направиш банерот во Photoshop со посакуваните пропорции, обично 3000 x 1500 е најдобро за банер. Ама, добро, зависи и колку е дозволена големина и дали ќе се вклопува во темата што ја користиш. Блогспот е малку зезнат за вакви работи, многу е напорен и досаден за вметнување банери и одзема многу време и нерви додека го средиш целосно. Главната причина поради која се откажав од Блогспот беше оваа, едноставно нема место за креативност, особено при уредување на банери и теми. Ако не знаеш како се прави, јас можам да ти направам еден за 5 минути. Со тоа се занимавам, дизајн, па, баш би сакала да помогнам.
^ грешка имам, не можев да редактирам. Мислев на HEADER, не банер - два различни поими. Ми се спиеше сношти кога го пишував ова, извинете.
Нов пост. И големо благодарам до malechkata , ти пишав и по ЛП, ама морам и тука! Преубаво ми го направи header-от, го обожавам! И направив мали промени на блогот, да ми одговара со новиот header http://shybutsecretlyfab.blogspot.com/2013/01/no-apologies.html
Од фемина администраторите нека направат статија македонски блогери така ке има многу поголема посетеност. П.С. многу барам ха?
^ Всушност, не, не бараш многу. Мене ми се допаѓа идејата, ама никогаш не би објавиле таква статија на Фемина. Форумот ми се допаѓа, особено оваа категорија, а најмногу оваа тема и таа за Омилени Блогерки, но на сајтот никогаш не би поставиле статија каде би промовирале некого, бидејќи во последно време личи на трач сајт отколку на сајт за занимливости и квалитетни вести. Повеќе можам статија за блогерството во Македонија да замислам на Divan Arts, бидејќи страната е преполна со креативност, а и интересни луѓе редовно пишуваат креативни статии. И во случај да објават нешто слично, сигурна сум дека ќе биде пропратено со досетлив и оригинален текст. Инаку, малку насмевка. Принцезите на Дизни како блогерки: За повеќе цртежи, кликнете тука: http://jerroncouture.tumblr.com/tagged/urbancouture Воодушевена сум од талентот на девојкава.
Затоа што во последно пишуваат само трачеви, ништо корисно, интересно или поврзано со било каква креативност.
Би сакала да ја пофалам Valenteen бидејќи е многу слатка и има одличен стил. Иако со една комбинација на повидок гледам уште многу одлични и покреативни комбинации. Ете сум јас. Ова е најдоброто од фотографиите што можев да го извлечам. http://makedonskimodenblogspot.wordpres ... iversaire/
Ти благодарам Sephora , многу ме израдува Се обидов повеќе пати да ти оставам коментар , но не сакаше... можеби затоа што мојот блог е преку blogger а твојот преку wordpress
^ Овде ќе ти објаснам, бидејќи може и некој друг да сака да си отвори, па да не мора да се повторуваме. Значи вака, да почнеме од почеток. Постојат сајтови кои се наречени блогерски платформи кои функционираат на тој начин што им овозможуваат на своите корисници да пишуваат постови, поставуваат слики, видеа и други видови на медиа, да коментираат, да следат други блогови, итн. Ова се намерно направени платформи, различни од другите социјални мрежи, поради тоа што овозможуваат поинаков и подобар начин на изразување, било стилски или креативно. Spoiler Многумина имаат блог чисто заради релаксација и бегство од реалноста, други бидејќи имаат некаков талент (музички, уметнички, итн.) и се обидуваат да бидат забележани од светот, бидејќи во денешно време тоа стана најлесно преку покажување на своите умешности преку блогирање, и тука се третите, тие како нас, модните блогери. Откако Bryan Boy направи револуција во светот на модата и постави нови граници, модните блогери се повеќе и повеќе заземаат замав во светот. Најлесна платформа за започнување блог е http://tumblr.com, бидејќи е организирана и нуди голем број на едноставни опции. Ќе видиш на сликата како тоа изгледа. Потоа ги имаш http://blogger.com и http://wordpress.com. Има и мноооогу други платформи, да не се разбереме погрешно, но овие три се најпопуларните. Blogger не ти го препорачувам во никој случај. Премногу е досаден, некреативен, сложен и не дава ама баш никакви опции за подобрување на изгледот на блогот - ќе се убиеш додека наместиш се како што сакаш да ти е. Башка и темите им се за никаде, а за да си направиш customized theme треба да знаеш HTML и CSS тата-мата. Особено CSS во случајот на Blogger. За на tumblr доволно ти е basic познавање на HTML и Java за да си ја средиш темата. Мене ме мрзеше да си го пишувам кодот, доволно се среќавам со тоа на факс. Исто така имаш и многу помошни копчиња, за праќање порака, за нагодувања, за помош и нормално за logout. На tumblr има многу македонци, така да ќе може да следиш многу од нив. И морам да кажам дека има и многу македонски креативци кои вреди да се следат. Wordpress е одлична платформа. За неколку нијанси поедноставна од Blogger и тука има од мене огормен плус. Плус, делува свежо, исто како tumblr, значи не е непријателски настроена. Кога ќе се зачленуваш најпрво треба да си отвориш account, исто како да си отвораш e-mail account или Facebook account. Потоа си ги внесуваш сите податоци кои сакаш да ти се видливи, си одбираш корисничко име и име на блогот за да можат луѓето да те најдат на нет, си ставаш слика на профил, си одбираш или си правиш тема (за да не ти е блогот досаден мора да има позадина), et voila, може да почнеш да постираш. Што се однесува до изборот на позадина, не само тебе, туку на сите, ви препорачувам да одбирате поедноставни и чисти позадини, бидејќи се почитливи и изгледаат посредено. Мешање на различни фонтови и ужасни, темни и светкави бои делуваат премногу нападно и несредено. Никој не сака да гледа страни со лош дизајн, бидејќи делуваат непријателски и лошо за очите. Без разлика колку е добра содржината која ја постирате, ако немате добар и пријатен дизајн, немате ништо! Белата позадина е најдобра, бидејќи означува simplicity, minimalism, elitism, class, комбинирана со некоја убава јака боја за highlighting на линковите при кликање на нив. Исто така, добар header е клучен за еден блог. Се надевам помогнав на сите кои ги интересира. Ако не ви е нешто јасно или ако лошо се изразив, пишете ми ЛП.
Да доучам за колоквиум и си правам блог, дефинитивно и конечно! Туку, дајте ми предлози како да си го "крстам"? Тапа сум со вакви работи!
Kako da napravam jas da mozam da odobram komentar pred da se postira vo javnost? Za blogger.com prasvam konkretno
ke bide li nekoj human i da mi napravi zatoa shto ne mozham da se snajdam ? izvinete za latinicava od mobilen sum
Ајде, ќе ти направиме, ама ако не можеш да се снајдеш на почеток, како ќе го уредуваш блогот подоцна? Не е ништо тешко, само оди на sign up. Плус, илјада пати е послатко ако нешто направиш сама. Поинтересно е ако се помачиш, повеќе ќе научиш. Лепа, добредојде. Ќе те следам.
