Ако си го правиш како хоби, океј е што и да ставаш. Ако сакаш да заработуваш, ќе треба да инвестираш повеќе. За локации до некаде разбирам, зашто измачување е да се најде низ Скопје. Пози се вежбаат, единствено за некреативноста нема помош.
И јас неколку пати имам пишано дека многу ликови на кои во модни критики ниту пролазна не би им дала отвориле блогови, ама не е забрането. Важно оној кој го прави си се весели...и се додека има цел група, односно таргет категорија кои го делат неговото мислење/стил/желби е ``успешен``. Можно е да се скрати од квалитетот на парчињата поради креативноста на девојката, ама стварно за око е подеднакво важно квалитетна фотографија, локација, среден текст... Оти тука скрати, таму скрати и на крај делува ``лито`` . Треба да е спремен за критика оти блогот му е јавен, не е само за тесна фамилија. Едит: Мислам дека непотребно отиде дискусијата предалеку, недоразбирање или шала...не е важно. За мене е Марама една од првите девојки, пионери кои започнаа да се занимаваат со блогерството и сосема успешно опстојува и го одржува првичниот концепт и замисла. Секогаш е креативна и уникатна. Така да оние неколку поактивни што ни останаа на темава и општо кои одвојуваат слободно време за оваа ктивност се надевам дека нема да се обесхрабрат бидејќи стварно многу девојки ги следат.
Ама блогер значи и по нешто да се издојуваш, стварно да се има нешто посебно со кое ќе се привлекува внимание, a и пред се чувството за мода, а не секој втор блогер ми се прави. Исто како на улица да има штанд со апарати и ајде сликајте се кој стигне. A може и има, what do I know?
Ги следам скоро сите македонски блогерки, оние кои знам дека постојат. Според мене две блогерки се издвојуваат од останатите, што според тоа што презентираат и по некое дизајнерско парче, што според тоа што имаат квалитетни фотографии, квалитетен мејк ап, значи комплетен стајлинг. Јована Зука и Фросина Дамјановска. И на првата и' давам предност! Ама тоа не значи дека другите блогерки не треба да постојат! Мислам дека крајно време е да престанеме да плукаме по нашето! Ако некој се осмелил нешто да прави ако не го фалете барем не го обесхрабрувајте! Ги поздравувам и девојките од форумов кои имаат свои блогови, тоа што го правите е за почит!
Во главно се согласувам со Кримсон дека најчесто е до апаратот и дека само за креативноста нема лек. А овде никој не носи висока мода, сите купуваме Бершки, Страдивариуси што не се ни некои марки, само што некогаш за џабе имаат надуена цена. Кажувам, зашто и јас купувам од нив, тоа е. Е сега, во пренатрупаноста од блогерки, многу малку ми е важна облеката туку начинот на кој ја носат односно дали ми се интересни како личности. Девојки има преубави, мене сите девојки ми се убави (скоро де), облеки исто има убави, комбинации тие се, се повторуваат, ама битно е дали ти ја правиш облеката или таа тебе. Ко љубител на минимализмот и земјените тонови и асиметричноста дај препорачајте ми некој блог Иако не сум во недостаток на инспирација, за мене модата е уметност. И си ја сакам.
на https://www.pinterest.com/joselinerose/outfits/ имате купишта блогерки за мода со супер комбинации
Не е тајна, таман работа. Пишува и на блогот дека се од Страдивариус Ги земав пред 2 години, 20 евра, но не од МК. Мислам дека од тогаш па навака овој модел стана многу актуелен, па сите брендови си го копираа. Ако си од Скопје, помини во продавничката Janni&Janni на Бит Пазар - таму има огромен избор на модели, во сите бои, токму вака со благ шпиц, а сите се од 1000-1200 ден.
Погледнете со што се подновив од @dm drogerie markt : http://sanjaburgundy.blogspot.com/2015/05/dm-haul-balea-addiction.html
Не сум многу по модата ниту по модните блогови, ама наминав тука за да си го кажам моето мислење, бидејќи и покрај се', редовно ја следам темава подолго време. Нема да критикувам, затоа што и не сум „стручна“ во овие води, ама би сакала како лаик да дадам пофалби на @Rose96, @sanja.burgundy, @marama и @crimson. Од моите скромни познавања за модни блогови (кои од љубопитност за некое парче облека сум ги посетила или случајно сум наишла на нив) морам да кажам дека најблизу до концептот за моден блог се Rose96 и sanja. burgundy. Rose96 оддава впечаток на професионалец, со пози, со облека, со места за фотографирање, а да не зборувам што има светска убавина. Слободно може рамо до рамо со најпознати манекенки да застане. Единствено, мала замерка имам само за несреденоста на нејзиниот текст, ама е доста подобрена во однос на порано. sanja.burgundy е вешта со комбинациите и понекогаш можеби необична како за наши услови, ама верувам дека во странство исто така би доживеала голем успех. Секогаш среден текст и добра содржина. Делува зрело и многу шармантно и позитивно. crimson ги поседува сите атрибути за да се вброи меѓу првиве две, ама од авион се гледа дека е срамежлива. Затоа би рекла дека заедно со marama се создадени да успеат на ова поле кај нас и во регионов. Кај crimson ми се допаѓа невиноста, искреноста и она нешто детско во себе што го оддава на сликите, а сето тоа ја прави уникатна. Текстовите се добри и воопшто не ми пречи што често се и долги. На крајот на краиштата, се' што мислиш и чувствуваш е дозволено да се изнесе во тој лично ваш виртуелен простор. Мислам дека тоа се работи што повеќе се ценат и се забележуваат на нашиве простори. За marama не знам веќе дали има потреба да зборувам. Таа е олицетворение на нашето секојдневие (дневен изглед, ноќен живот, разни свечености и слично). Толку непосредна, достапна, реална и приземна - како за наши услови (и не, тоа не е навреда, туку комплимент). Ми се допаѓа затоа што истражува и успева со мал буџет да изгледа сосем пристојно, интересно, обично - никако, а често и скапо. Многу ми се допаѓа што наоѓа ефтини алтернативи за скапите работи (пример, јас ретко одам по свечености, а речиси никогаш по места каде треба да се дотерувам, па не ми се исплати скапа облека и шминки да поседувам и користам, а верувам дека има многу други како мене). За текстот воопшто немам замерки, фино објаснето и најчесто завршува со прашање кон публиката, што оддава впечаток на заинтересираност и несебичност. П.С. Не смеам да ја заборавам @MandyLane. Уникатна, интересна, необична, одлични слики, комбинации и текстови. Во моментов не можам да се сетам дали блогот и' беше исклучиво за мода или што би рекла јас „сештологија“, ама како и да е постовите и' се светски. Ми се допаѓа онаа мрачна нота што провејува кај неа. Не се чувствувајте лошо ако некој ви рече дека сте успешни во нашава земја. Сепак, од тука потекнувате, од тука сигурно ви се првите следбеници и фанови и од тука се производите кои ги купувате (генерално). Но исто така во ред е и да целите повисоко, да се пробивате и еден ден да стекнете и светска слава. Со среќа понатаму, продолжете да работите како и до сега и уживајте. (Се извинувам за долгиот пост )
