Да се потсетиме на правилата за добро однесување. Текстов ми е превземен од НЕТ. Понекогаш ради одржување интелектуална хигиена , не е одмет да се препрочитаат основните правила. За вербално поздравување, мажите се поздравуваат прво со жените, младите со постарите, а инфериорните ги поздравуваат супериорните Личноста на која странецот и е претставен е првиот кој ја пружа својата рака за ракување. Па така, жената ја пружа раката на мажот, постарата личност на помладата и шефот секогаш ја пружа неговата рака прва. Без разлика каков статус имате, кога влегувате во просторија, прво кажете „добар ден“ или „здраво“. Кога претставувате на некого некоја личност, дајте малку повеќе информации: „Ова е мојата пријателка Марија и таа е ветеринар.“ Така двете личности ќе имаат малку претстава еден за друг и ќе имаат за што да разговараат за почеток. Мажот треба да ја извади ракавицата (ако носи) пред да се ракува. Кога влегувате во такси, прво поздравете го возачот Ако личноста што влегува во просторија ја пружи својата рака на некој што седи, другата личност треба да стане – ракувањето додека седите не е културно. Ако вашиот придружник се поздрави со некого, и вие треба да се поздравите или барем да кажете „здраво“. Никогаш не пружајте рака на некого додека сте во тоалет или на излез од него. Севкупно, ако рацете ви се мокри, нечисти или носите нешто тешко, подобро е да се извините и да не се ракувате. Не пружајте рака преку маса.
Во кино или театар освен што телефонот треба на биде без звук, препорачливо е и да не се чепка, бидејќи светлината привлекува внимание во затемнета просторија.
За македончиња, бон-тон е квантна физика. Со сето должно извинување, тешко ќе се најде попрост народ. Кога ќе се сетам на последните неколку примери, каков џган е вработен во реномирани странски фирми во државата, што останува за манирите на останатите луѓе...
Колку убави манири и правила на однесување по Бон-Тон, штета што се’ помалку се знаат, почитуваат и применуваат.
Би било убаво да биде по активна темава со некои примери од секојднвниот живот. Многу ни фали бон тон во државава а со оглед на пандемијата мислам дека треба да претрпи и одредени измени. На пример ракувањето, кое од секогаш сум го одбегнувала би требало понатака да не се применува доволно културно е вербално да се поздравите. Сакам да споделам мислење и околу правила за добро однесување кога сме на гости или имаме гости. Сметате ли дека е културно гостите да менуваат нешто по своја воља кај домаќинот?
До некаде точно. Но треба да се потрудиме да промениме. Еве скоро една година затворени дома. Очекувам промени на подобро. Треба да работиме на самите себе, сега бар имаме повеќе време за тоа па очекувам резултати.
Еве нешто ми било оставено пред телевизор ми го преместиле на друго место. Нешто си чувам на копче он но исклучено од штекер така сум се навикнала. Тие го користеле и го ставиле на офф. Претпоставувам и дека ѕиркале позади кревет кој е припиен до ѕид за да видат дали таму сум пребришала.
Разговарај си со гостите јасно и гласно дека тоа не е во ред да се префаќаат работи во друг дом. По можност избркај ги и не ги викај повеќе.. Избегнувај ги.
Поентава меѓу другото ми е дека некои луѓе идат по гости а се чувстуваат како дома и за мене тоа е некултурно. А уште понекултурно е да шарам со очите кој кај не зачистил и да давам примедби за тоа. Јас кога идам на гости не приметувам такви работи. Сум отишла да ги видам луѓето и да си напраам моабет.
Културно е и да се стои на дистанца. За жал, и покрај вирусов и толку апели за дистанца тешко иде во нашава држава. Сеуште луѓево ќе речам си дишат во врат. Тешко ми е во нашава држава а се што треба да направиме е да се промениме и ќе ни биде подобро.
Фалат свест,совест и едукација,што друго да речам.Не само во времево на пандемијава,туку и општо. Почит е непознат поим за некои луѓе.
Страшна работа, која некултура. Ќе им кажеш на гостите дека не сакаш и не смеат да ти чепкаат работи во твојот дом. Дома кај нив нека си прередуваат.
Ми се случило ,и доколку не се некои ептен блиски ги одбегнувам . А пред блиски имам речено кој иде да види какво ми е ич нека не иди, уште еднаш немам добиено коментари ...зад мене сигурно ги имало ,ама барем директно не.
Кога се оди на гости, не треба да се чепка по предметите кај домаќините. Од тие предмети, некои им се драги спомени кои не можат да ги вратат. Исто така не е добро да одите ненајавени на гости. Не е добро многу да доцните, но и многу да подранувате. Додека јадете, не треба да мавтате со приборот затоа што можете да самите да се повредите, а и некој друг. Ако сакате да кажете нешто, оставете го приборот. И не зборувајте со полна уста. Кога јадете течна храна, на пример супа, не дувајте ја, туку почекајте да ви се олади. Кога зборувате со некого, тргнете ги очилата за сонце и слушалките. Чантата се става исклучиво на столот (ова важи ако сте во ресторан, кафуле или на гости). Ни на под, ни на маса. Кога патувате со автобус, тргнете го ранецот од рамо. Не треба да го прашувате соговорникот за неговата религија, плата, години, за неговиот личен живот итн. Шегата на страна, но луѓето на Балканот ништо не почитуваат. Пред 3 - 4 години прочитав дека пензионер си ручал сарми во 57. Не се срамат да ти постават лични прашања. Имам роднини што често ми доаѓаат ненајавени, а што е најлошо се погодуваат кога дома ми е несредено. Списокот со примери што ги набројав ми е долг, ама решив да скратам.