Боровец (Бугарија)

Сакав да има една ваква тема,ако нема

Во Боровец сум била два пати и сакаме пак да одиме оваа година.Преубаво е.Борова шума,снег,скијање...Иако не е толку познато како Банско,многу е убаво

 

Стварно е преубаво, мирно. Да си одмориш душа

 

Јас можам да бидам туристички водич во Боровец.
На кој што му треба, кај мене правец.

Како мала не знаев да отидам до училиште, а во Боровец можев и со преврзани очи да отидам од нов во стар дел и така натаму.
Па приказните за легендите во стариот дел, или тој луксузниот хотел на кој му го убија шефот зашто бил мафијаш...Се знам!
Сите одмори, добро не сите, но повеќето од нив, и зимувањата ги поминувавме тука. А ако не отидевме таму на летување, тогаш навраќавме на неколку дена.
Беше прекрасен. Мирен, зеленило од сите страни, коњи, кафанчиња...

Немав отидено 6-7 години, и кога минатата година го посетив пак, ми се стемни.
Родителите редовно поминуваат викенди и ми кажаа дека е драстично сменет, ама до толку?
Порано беше мало планинско местенце со меанчиња уредени во фолклорен стил, ракотворби на сите страни, викендички од дрво и 2-3 хотела кои скоро џабе и да функционираа, Рила е на врвот. Сега бе? Нека градат нагоре што им душа сака, ама дај барем во центарот нека нема станови, апартмани и слично.

Каде што се наоѓаше порано Бороспорт (супермаркетот или не знам што беше точно) се наоѓа најдоброто ресторанче со исклучително вкусна храна. Се вика Joy. Сопственикот е најуслужлив човек на свет. Првиот пат кога сме отишле автобусот не оставил во 3 наутро и од немај каде сме седнале на клупите надвор. Од галамата, дека 4 деца, се разбудил газдата и не прибрал внатре, ни рекол кој што сака да си земе и не мора да плати ако нејќе. Тој како и да е нема да примети, тука е до нас, па си се качил горе да спие. Од тогаш најмногу таму јадеме.
Сега по тоа што гледам Черниот тигар е пропаднат, барем не е толку актуелен, но претходно беше центар на сите случувања. Имаше верверички внатре.
The Blue (само во Бугарија има вакви имиња) беше многу интересно местенце, но сега веќе е запуштено мислам дека.

Одлична храна во принцип има секаде. Многу е вкусна и со мерак зготвена.
Кој ќе го посети ако сака да проба прекрасна торта нека повели на Гараш во холот на хотел Рила. Доручек, ручек и вечера ми било.

Го сакам тоа што Рила е секогаш полн. Кој скија, кој си пие чајче во хол и ги гледа скијачите од карши, кој шета по продавници. Душата на Боровец си ја носи. Џабе има полуксузни хотели изградено кога е незаменлив.
Ја обожавам шведската маса. Да отиде човек, да се здебели и да нејќе да се врати дома е.
Ми се допаѓа чувството кога си пливкаш во базен, во топличко и си ги гледаш скијачите на стазите.
Уф, ама ми се оди.

Заклучок, кој не бил, нека оди!
Посетете го дворецот на царот и Мусала. Таму едно чајче.

А за мене колку и да е сега сменет, колку и да не владее таа атмосфера која беше претходно, уште ми е сто пати подобар од Банско. Таму скоро и да пораснав и ќе си го сакам постојано.

 

Сефора,и мене ми е едно сто пати поубав од Банско.Еве,за недела ипол пак ќе одиме.Неколку пати имам одено,нажалост само во зима на скијање,би сакала и на пролет.Дворецот е прекрасен,колку што се сеќавам имаше и една галерија таму,многу беа добри сликите.Дворецот...А и самиот двор се Дворот мирен,тивок,сиот покриен со снег,езерцето со малото водопадче...Секогаш би се навраќала таму,затоа што во Боровец ги имам поминато едни од најубавите моменти во мојот живот Приказната со базенот ја доживеав претходната година.Само не во Рила,во феста чамкорија.Базенот затворен,со стакло,ти на топличко си пливаш,надвор снег вее.Мх,одма сакам да одам.Храната е навистина како што викаш со мерак зготвена.Во Боровец мислам дека те услужуваат најуслужливите и најнасмеаните луѓе.Дури во Бороспорт,кога доаѓавме да си ги земе скиите тие не познаа и убав муабет си напраивме.Не зезаа дека ако сме биле добри,ќе ни пуштеле две бугарки,а на мене и на братучетка ми ќе ни ги прателе најзгодните и најубави бугари Колку убави спомени еј...
И да,кој не бил,дефинитивно нека оди.Не се залетувајте за Банско дека е популарно,Боровец е тоаа вистинското.

 

Не сум била до сега а авантуриста сум по природа и сакам нови места да запознаам-до сега сум била у Банско и Сандански,еве сега за Божик ќе одам у Сандански
Ај повеке детали кажете за цените у Боровец,каде престојувате во кои хотели.....сами си правите аранжмани или преку агенција,букинг.....
фала однапред

 

Ние престојуваме стандард во хотел Рила, освен претходната година во Јанакиев кој не го препорачувам зашто нема да се доживее тоа искуство.
Од мене добиваш палче нагоре за Рила затоа што е секогаш полн со туристи, има одлична храна, услуга, продавнички и така натаму.
Таму се сите случки, одма е на планината, а малку подолу кон патот се наоѓа Iceberg. Таму би престојувала следен пат.

Ако си попарајлика на Мусала се наоѓа еден хотел. Хотелиште! Само опкружен е со шума, без продавници и кафанчиња.

 

Немам појдено... Но, имам гледано слики и мислам дека е преубаво... Ако одите убаво да си помините...

 

Јас сега бев прв пат и воодушевена сум!
Многу сакам иглолисни шуми со високи дрвја, па можете да замислите колку уживав во Боровец!

Ми се допаѓа тоа што е многу порелаксирано од Банско, се ти е тука, и има доволно простор за сите. Седиш и пиеш кафе на самата ски патека. Децата до тебе се занимаваат со сонег, прават снешко или се снакаат. Има градинка за деца каде што можат да застанат на скии, а има и многу благи патеки за почетници. Храната е многу вкусна и имаат прилично топол однос.

 

Јас минатата година бев во Боровец,во хотелот Iceberg
Боровец е преубав,право зимско место-планина.Многу повеќе го сакам отколку Банско,Банско е модернизирано и немам чувтсво дека сум на планина,додека Боровец е сон.
Се надевам дека и сега ке одам таму.
Хотелот е преубав.Јас без воодушевена од него.Храната е одлична.Бев сместена во горните соби и ги рачунаат како вип,ма да нема нешто воодушевувачко во собата па да ја наречат вип,обично е ,само што има убав поглед - се гледаат стазите.
Ми се допаѓа и што има дискотека,која е огромна и препредобра.Доаѓаат и од страна луѓе,не само гости на хотелот.Бев зачудена што женските па и машките се качуваат на подиум и играат.(барем кај нас тоа го нема и ке те направат луда ако се качиш да играш и сите ке те гледаат )
јас не се качив да знаете,ама следниот пат обавезно
мислев слика да прикачам од хотелот ,ама ги немам на овој пц
Боровец :up:

 

И ние бевме годинава.Многу е убаво,преубаво.Од се сум задоволна.И од хотелот,храната,цените,услугата.Поубаво од Банско,не е толку пренатрупано.Природата е преубава,можам само да замислам како е на пролет или лето.
И ски терените се убави.Ги има секакви ,и за почетници и напредни скијачи.Како што немав скијано неколку години,сега се изнаскијав.А уште помило е и што децата научија да скијаат.Син ми возбудено ми кажува како скијале со сетра му и инструкторот неколку км,по благите почетнички стази.После и со мама се пуштија .И за маж ми беше уживање.Имавме и големо друштво,така да забава со скијање-одлична комбинација.
Ми беше криво што не се качив на Мусала,ми кажаа дека и таму терените биле убави.
Здравје ,Пак би сакала да одиме.

 

Минатата година бев во Боровец и преубаво беше.
Ама, очигледно јас сум единствената на која повеќе и се допаѓа Банско отколку Боровец.
Убаво е и таму и таму, ама Банско повеќе ме привлекува.
Ама како што кажав Банско повеќе ме привлекува, можам да кажам и дека многу ме нервира што немаш во бачило каде да седнеш и дека со цени се занесуваат малку.

Но планираме пак да одиме во Боровец на зимовање.

 

Некој да знае во моментот дали има снег? кој хотел ми го препорачувате?

 

Еве провери на линков за вреенска прогноза,се надевам нема да кочи

http://www.bulgariaski.com/borovets/webcams/index.shtml


За хотел ти го препорачувам Флора оддалечен е некои 150 м од гондолата.
http://www.booking.com/searchresult...ource=hotel&gclid=COO1iMj3vckCFRQTGwodZUYNJA&

 

дечки разгледувам хотели за во боровец и сум во конфузија тотално не знам сто да одберам да биде со појадок и вецера и да биде поблиску до гондолата ...некоја препорака??

 

Не мора да е блиску до гондолата,сите хотели имаат сопствен превоз до таму.Ве носат со комбиња на секои 15 мин.Нема гужва ни застој.
Јави се во агенција и прашај си,ќе ти понудат и ќе си направиш избор.
Инаку најблиску ти е Рила,има опција и со вечера,мислам.
Хотел Самоков,Јанакиев,Флора,Ајсберг ти се исто така многу блиску.

 

Искуства од Вила Малина и вила Јагода?

 

Дали бил некој во Самоков,искуства? Вака ми изгледа супер ама што знам

 

Некој ке сподели искуства, Самоков или Ајсберг?

 

И ние сакаме Боровец,незнам за овие два ама го пофалија Јанакиев и другари лани беа во Euforia убаво било,а мене ми се свиѓа и Радина,па ако некој има искуство нека пише

 

Ајде заедно да одиме