Бојкот против високите цени

Дај пратете скрин што објавиле

 

Би сакала да успее овај бојкот. Ама искрено не верувам во нашиов народ... дај боже да ме демантираат.

 

На работниците не им удираше од глава кога сите си куцаат со картичка на која им дава попуст?
Пред мене у Кам вработена куцна артикли со картичка за вработени. Од 700 ден на 300 и симна сметката. Кога за нив може добро е, а по наш грб удри? Допрва ќе им удира од глава, зашто тие се единствените кои комуницираат со народот кој пазарува. Тешко е шеф на смена да им пренесе на службите дека народот се жали?

 

Јас секако ќе го поддржам бојкотот во петок, но реално не гледам некоја голема поента од еднодневно бојкотирање, треба барем неколку денови, и без да се прават залихи претходно ко да е крај на светот.

 

Надежно, доколку бојкотот биди успешен в петок, јас сум за продолжено бојкотирање на определени маркети и производи, нешто слично како во Хрватска.

Шо се однесува до пазарње од пазари, тоа е меч со две оштрици. Добар дел од тезгаџиите се препродавачи, а не бавчанџии. Овие вторите се ендемски вид, кои неретко се истиснати од првите, фигуративно, но и буквално. Најчесто се наоѓаат на рабовите од пазарите и ги има се помалку, за жал.

 

Aјде ќе бојкотирам и јас, но на граѓаните им требаат повисоки плати, а кај трговците ако не купиш во петок, ќе купиш во сабота. Мали се платите и стагнираат. Ако ти покачат плата за 3.000 денари, а се е поскапено и услугите се отидени до плафон, исто како да не ти покачиле. А што остана за покачувања од 1.000, 1.500 денари, за тие пари има само едни фармерки месечно, ништо повеќе.

@нина122 си пишала дека во маркетите работат за минималец и пријавени на пола работно време. Тука по темите за плати пишуваат дека во маркети земале над 35.000, 40.000 денари, што секако ме чуди, а и по огласи какви суми ставаат, мислиш маркет ти е премија. Што е вистината од тоа? Јас од тие што ги знам, во трговија работат за минималец, или нешто над минималец. Лани другарка ми се пофали дека земала К-15, претходно враќала.

 

Јас да имав ќе ти пратев ама ја тргнале објавата "акција додека има залиха во одредени маркети во Ѓорче Петров Тетово и Гевгелија"чинам така беше некако.

 

Да, Славиците што купуваат алпско и пивка САМО од Веро ќе бојкотираат оти им е скапо.
Да ви беше скапо, Веро и Рамстор одамна ќе пропаднеа, туку ние од пусти мерак да се покажеме дека имаме кога немаме.

 

Леле пак со Пивка, ме изнасмеа.

 

Парадоксално е што оние кои ставаат највисоки маржи на производите и услугите, банки, кафичи, ресторани, бутици, техничка роба...ќе бидат изземени од овој бојкот.

 

И пазарите треба да се бојкотираат. Некои на тезгите продаваат поскапо и од маркетите.

 

Ние не сме толку напредни како нашиве соседи. Кај нас сеуште има млади кои се испопикани во партии.
Додека пишувам моментално, сигурно им е веќе наредено на партиските потрчковци задолжително пазарење на 31ви и во прилог да стават фискална сметка како доказ.

 

Кафулињата се нешто помеѓу црква и болница, затоа нема да се бојкотираат. На темата, да беше до моето купување, конзумеризмот одамна ќе беше мртов, а еден ден бојкотирање после сите оние сикрет санти, зимувања и останати фанфари (каде секој за секого и во секоја прилика се изнакупува што може и не може), звучи како мала шега.

 

Сум имала различни видови на "високи" плати, никогаш не сум имала доволно за да пазарам тука

 

Јас го поддржувам ова и силно се надевам дека ќе има ефект. Не може ова вака... Соленките се 60 денари. Смоки 40-50 средно пакување. Немаме ние такви сила, како народ, немаме такви плати... Мислам, океј, има многу кои земаат високи плати и не ни приметуваат т.е. не им значи тоа со покачувањето, ама сепак...

Да, би бојкотирал и брендови. И, повторно: силно се надевам дека сето тоа ќе резултира со успех.

А, за рестораните и слично: тие „суровините“ ги купуваат од маркети, така? Некои можда и на големо (пијалоците секако на големо, зборувам за храна) па, што знам, веројатно е нормално да имаат и они покачени цени во мени? Појма немам, одамна немам одено во кафана/ресторан и слично, не знам како стојат нештата со цените таму.

Сега, што е планот? Цигари, пример, можам да си купам во петок од трафика? Така разбрав, дека е во ред да пазаруваме од локални продавнички и слично (нешто што веќе не постои во ЕУ, нема мали продавнички (маалски), како кај нас). Леб? Не ми е баш јасно како треба да постапам. А спремен сум да научам и да прифатам, со полн елан!

 

Кој ве лаже дека нема маалски продавници во ЕУ?

Сега, купи си тутун да виткаш, купи си леб од пекара, сирење и маслинки од пазар, и тоа е.
Хрватите на пример беа конструктивни со споделување рецепти за ручек без многу купечки суровини.

А да прашам, ако знае некој- има пример разлика во цена меѓу месо и месни производи од месарница наспроти маркет? Имаше на времето некои месни индустрии имаа и нивни продавници, ама не памтам како беше. Јас на пример месо од месарница купувам, и во цена и квалитет се каде каде подобри. И леб од пекара нормално.

 

Имам живеено во главен град на земја од ЕУ и немаше маалски продавници. Ај дај линк од некоја, баш ме интересира како тоа изгледа во другите земји.

 

Нема линк, каков линк....маалска продавница...ко било која во Мк.

 

Во која држава? Бугарија?