Брак помлад дечко постара девојка

Дали мислите дека брак со разлика од 15 години може да успее дечкото 23 години девојката 38?
Ве замолувам само да нема недолични коментари.

 

Реално не ми е гајле за други ама да ми е близок ќе го прашам зошто баш толку постара, кога има толку сингл девојки блиску него. Пример Макрон и жена му не ми се допаѓаат...
Да сте биле до 5 години разлика некако по океј ќе ми личи, вака искрено чудно ќе ми е, но сеедно... Ако тебе не ти смета тогаш добро. Чим прашуваш веројатно ти смета. Размисли си, млад си, дали сакаш вечно таква разлика...
Јас пример 23 имам, маж ми 24, не можам да замислам маж да имам на 36-38 години. Додека стигнам негови години колку стар би личел спрема мене и многу повеќе во животот поминал. Не сум баш за толкави разлики, а и не кај луѓе што се во 20ти. Да се упознаат после 30-40 со толкава разлика може и ќе ми е подобро. Барем и двајцата созреале и виделе доста. Вака ти према неа си практично дете (да те родила на 18 богами така некако ќе дојде без минус 2 3 години ).
Не знам, некако ми е неприродно. Колку и да си зрел и позрел од врсниците твои што ќе прави созреана 38 годишна жена со доста помлад дечко од 23 години... Исто важи и за мажи што се со премногу помлади, јас така мислам (за тие во 20-30 разлика, а за после 30-40двајцата да се запознати ми е во ред).
До 7 години ми е максимално некоја разлика што ми одговара кај луѓето. Се друго од тоа ми е чудно, не осудувам, но не би ми било мило ќерка или син да најдат толкава разлика партнери кога се млади. Па и да се они постарите ќе ги прашам зошто. Нема да осудам, нема да правам проблем ама ќе се запрашам зошто.
За да стигнете во брак од кога сте заедно? Доста помлад си бил кога сте се упознале претпоставувам.

 

На 23 ни за брак со врсничка не треба да размислуваш.

 

Зошто не? Забрането е со закон? Малолетен е?

 

Не се сложувам. Не е тоа темата и така.
Во ред и јас сум за тоа да не се брза за брак, но има и млади што ни е убаво во бракот и што сме имале пред брак долга врска и сме се земале. 7 години бев заедно со него пред да се омажам, имавме и услови за брак, колку требало да чекаме за да исполниме услов на 21 век за брак?
Ова е друго, човекот е многу млад за да е во брак со 38 годишна жена која поминала премногу во животот. Тој сега излегол од факултет, школски клупи, ништо нема видено од животот за неа. Со врсничка е друго, заедно сите фази ќе ги поминуваат.
Мене ме чуди што е тоа кај возрасни луѓе близу 40 да ги привлече да се со луѓе во рани 20ти.

 

Ако не е забрането со закон, значи дека е правилна одлука?

 

Како можеш ти од еден податок да заклучиш дека некој прави погрешна одлука? Обично таквите погрешни одлуки на база на години се регулирани со закон што има своја позадина. Кои информации ги имаш да тврдиш дека е погрешно?

 

Никако. Животот е пред тебе, кај брзаш брату?

 

Зошто да не ако се чувствува подготвен?

 

Според мене, би рекол не.
Сепак, постојат многу фактори кои би биле клучни за тоа дали врската или бракот би биле “успешни”.

Бројката како бројка, 15 години, ништо не значи според мене, но то шо се КРИЕ зад бројката е суштинското. На 38 години, една индивидуа е многу позрела, пореализирана, поискусна итн., отколку индивидуа на 23 години. Немој да ме сфатиш погрешно, но ваквите околности многу често се искористуваат за манипулативна цел.

Таа личност, на 38 години би рекол дека многу добро знае шо сака и многу прецизно цели, а личност на 23 години само шо се впуштила во светот на возрасните и доста често сака да искуси различни аспекти за да би евентуално одлучила што е за неа, а што не.

 

Зошто сум на негови години и не гледам што би правел во брак со 38 г жена со која имаме различни гледишта и потреби во животот. Не сакам брак на овие години, со толку постара па никогаш.
Нека прошета, нека создава искуства за животот, нека запознава луѓе, каков брак сега. Може да мисли сега дека е подготвен, а за некоја година да се покае што згрешил во животот, па развод после и вечно каење за животот.
За неколку години многу ќе му се сменат мислењата и размислувањата, 23 години се ништо за вакви сериозни одлуки.

 

Но,можеби тој не мисли така...Ти си ти,тој е тој.

 

Прашува за искуство и мислење, нека слушне размислувања и од други што не мислат исто како него. Некој ако прашува за нешто значи се премислува и во себе е свесен дека можеби и е погрешна таа одлука.
Не треба слепо да се оправдува се, за вакви сериозни животни прашања не се избрзува. Не е играчка бракот, а со толкава разлика уште е друга приказна.

 

Искрено не …

 

Еве океј.Тоа е твое мислење.
Ама моето е по различно.

 

Од каде заклучи дека зборам за законски нерегуларности?

 

Затоа што така краток и отсечен одговор се дава ако за нешто нема можност за дискусија а тоа се обично ствари регулирани со закон.

 

Во врска сме година и три месеци.

 

Мислам дека не треба да се жениш искрено. На 21-22 си почнал врска со жена од 36-37 години што сега сака брак... Не знам, јас сум за не.
Не дека си мал за брак туку си мал за ваква разлика и за жена на овие години.
Таа ќе биде 50 ти кога ќе си 35... Мислиш дека ваква разлика ти одговара за цел живот?
Тешко... Многу различности, многу... Ќе се чувствува многу разликата со тек на време како ќе стареете. Ни за двајцата нема ништо добро таков брак да ви донесе. На сосема различни нивоа од животот ќе сте.
Еден ден кога ќе поминат години ќе сфатиш дека си можел друг живот да живееш и да направиш други избори, ќе гледаш во околина дека твоето е ретко и неприродно, како ќе созрееш ќе се осветиш и многу е веројатно да се каеш.
Не брзај за брак евентуално, но сигурно таа сака деца, фамилија, брак кога веќе скоро гази 40ти, а ти си многу млад... Се делува како избрзано и како длабоко во себе да знаеш дека ова ќе ти биде проблем.

 

Батка се гледа дека си неискусен и наивен, најверојатно ти е и прва. Баш убаво те насамарила 38 год да ќари така младо парче. Абе се знае со толку постари еднаш два пати, со муабет како не си спремен бла бла, потоа ако прифати само friends with benefits добро ако не ај чао. Памет во глава дете