Не се плаши, ќе правиш редовни контроли, до 2 недели се толерира да бидат разлика, веројатно ќе продолжат да си се развиваат сразмерно. Провери си димери и хемостаза. Протоците добри се? И мене некаде во 20та едниот ми го кажаа помал. До крај веќе 3 недели беа разлика, малтене од 33 недела малото не мрдна со димензии, се родија 600 грама разлика двете здрави.
Дечки во која недела ви се родија близначињата (тие што имате родено) и која килажа. Јас во 30та недела бев на преглед имаа и двете по околу 1500 грама, по една недела (вчера) бев кај друг др и едното го измери исто ко минатата недела, а другото дури помало. Протоците беа добри, за тоа отидов на преглед главно. Во 30та недела примив и инекции за зреење.
Да се здрави и живи Беше некое во инкубатор, примаше инекции за зреење? Јас до толку да истерам би била пресреќна
И јас така викав, до 34та да истерам ќе бидам среќна Ќе терав и уште да не закачев ковид и да не ми беше лоша состојбата од глупиот вирус Малото беше во инкубатор ама не за дишење туку само примаше инфузија за ниска гликемија некој ден два. Инаку двете дишеа самостојно. Инекции за зреење не примив иако секоја контрола си прашував кога ќе ми препишат. Супер е да се истера што подолго, ама последните недели ми беа како од хорор филм колку све ме болеше и колку голема бев Ти посакувам да си дочекаш термин и лесно да си ја доносиш бременоста
Ох леле, се подзакомплицирало на крај, ама добро излегло сепак. Јас досега викав дека ништо не ме боли, ама еве сум 31+1, и веќе сумлива ми е работата. Почнува некоја тапа болка во половината...па нешто ќе ме жегне долу под стомакот...и одма алармите за паника се вклучуваат
Neka se zivi i zdravi, epten me uspokoi i se nadevam se ke bide dobro i kaj mene. Proveruvam redovno hemostaza i so kleksani sum, vo ponedelnik bas sum na kontrola kaj Jani, doktorkata rece deka sega za sega se tolerira ama ne smee da se zgolemuva, se gleda i na eho deka ednoto e vo potesen prostor a drugoto epten se siri, ama se nadevam deka ke se izbori i malovo za prostor
Од кога почнавте да се приметувате дека имате стомак? Мене некако наеднаш ми порасна во 13 недела. Само што ми се смирија мачнините и крварењето, преку ноќ рипна. Малку ме плаши толку рано, се ми е тесно и ми смета.
Ич не е рано за близнаци. Рано, рано ме познаа оти сум трудна, а 13 недела и јас веќе носев труднички панталони. Почеток на јуни месец беше, една баба минува покрај мене кај што стоев во парк, застана и ми вика, ај сине ќе издржиш уште малку, се гледа на крај си. Инаку, се породив во втората половина на септември .
Фала ти, ме утеши. И јас денес си набавив труднички пантолони, да не се мачам. Мене ми збореа демек ехехе, таму до петти ништо не се познава, баш и една колешка што има близнаци кажа се си била иста дотогаш. Ама еве не е така, не знам, може има врска што сум и ниска и слаба и сега со меше одма се осеќам тромава и се преморувам од ништо. Ама ќе се издржи, само нека растат.
Здраво феминики. Бремена сум 33 недела со близнаци и искрено многу ми е напорно не можам веќе ни да лежам не знам како би издржала барем до 37 недела се разбира доколку не дојде до предвремено породување. Да напоменам дека не работам ништо по дома значи доаѓаат мајка ми и свекрва ми се помагаат ама многу ми е тешко. Плус од 32 недела се справувам и со хемороиди и идам во тоалет на секој саат зошто ме тера да вршам голема нужда меѓутоа џабе ми идат нагони кога не можам да се испразнам. Исто така навечер не можам да спијам се будам се потам цело време. Пијам прегнатол , магнезиум , за хемородите мачкам факту крема и ставам чепчиња факту од доктор препишани се мачкам со кантарионово масло има подобрувања ама кога идам по нужда на секој саат Господ го гледам. Дајте совет како издржувате и како сте издржале до 36 или 37 недела да се породите зошто мене ми се умира секој ден .
Здраво , бремена сум 8 недели со близнаци осеќам некоја болка во долниот дел од стомакот и кичмата кога стојам, незнам дали да го сметам за нормално пошто се две и веројатно почнуваат да растат?
И јас сум со близнаци, некаде 13/14 веќе го приметив по малку се познаваше, не многу. Сега сум веќе 18 недела и баш ми се познава. Уште гледам дека е топло повеќе фустан или сукња да носам дека позгодно, ама си набавив и хеланки од Стружанка, онака се тенки и баш ми се удобни. На крај сепак сите различно, ама мислам дека само треба да си најдеш во што најудобно и најлесно се чувствуваш
Да побараш од матичен нешто за омекнување на столицата за полесно да се празниш? За другово нема лек, мораш да издржиш и мене ми се умираше секој ден и само броев денови ...ајде толку поминало та за уште две три недели ќе издржиш. Мисли која убавина те чека
Јас сум многу с'клетџија и не трпев ни ластик, ни тесно нешто на мене ни кога не бев бремена, а особено по операциите. И сега стандардната облека веќе ми е кнап и ме нервира, па земав си купив труднички фармерки најмал број, ама па тие големи ми се и ми се смкнуваат кога одам. Среќа може уште малку со широки фустани, па после зимава во хеланки ќе ја тераме. Ќе се најде нешто, само така наеднаш неспремна ме фати. Не дека нешто многу ми треба, и така претежно лежам, колку за до лекар и маркет.
Здраво на сите, мајка сум на двојајчани близначиња, веќе имаат годинка, сакам да го споделам моето искуство со бременоста и породувањето.. Имав уредна бременост до 34 недела,(неможев многу да се движам, ми беше мачно) во 34 недела добив болки во долниот дел од рбетот, со што завршив во болница, каде што примав инфузии против болка +Магнезиум.. така до 38 недела и се породив со царски, бидејќи се намали дотокот на храна на бебињата.. машкото 2.600 женското 3.000 после царскиот ми беше многу тешко, но со тек на време се проаѓа.. почнав со доење, но добив 40 темп што неможев да ја симнам и го изгубив млекото, па продолжив со формула.. едното бебче беше помало од другото но, еве веќе на годинка се изедначија во се..и да, двојајчани се но, се поврзани многу.. ако имате нешто прашања или било што што можам да ви помогнам, тука сум❤️
