Британски визи

Здраво драги феминки, дали некој има до сега аплицирано за туристичка виза за англија? Ако може да споделите искуства.. посебно ме интересира како да ги предадам документите во амбасадата, дали 'на купче' или да ги подредам некако

 

Виза за англија

Сега веќе визите за македонски граѓани се издаваат во Белград. Се аплицира преку веб (http://www.visa4uk.fco.gov.uk/) и се пополнува прашалник. Кога ќе се пополни и поднесе прашалникот на маил ќе ти пристигне известување со референтен број. Тој број е потребен за да се изврши плаќање кое може да се направи само со картичка исто така преку нивниот сајт. Мислам дека рокот за плаќање е 7 дена а визата чини 100 евра. Скапичко малку ама тоа тие е.
По плаќањето ќе добиеш маил со известување дека истото е прифатено и треба повторно да идеш на сајтот, да се најавиш со референтниот број на апликацијата каде ќе можеш да закажеш за интервју за виза. Интервјуата за македонски граѓани се во Скопје и Британската амбасада се наоѓа во ИЗИС (тоа ти е на Водно). Можеш да закажеш во некој од термините кои се на располагање од Понеделник до Четврток. Во Петок амбасадата не работи со апликанти. Внимавај на време да ги собереш сите потребни документи и да приложиш доволно докази (карти за авион, платен хотел, извод од сметка....). Ќе ти треба и слика за визата (мислам 3х4,5 см. сите фотографи знаат каква треба за Британска виза).
Документите се предаваат во амбасада за време на интервјуто. Во рок од 5 до 15 работни дена ќе ти се јават со инфо дали си добила виза и ако си добила кога можеш да ја подигнеш (од 12 до 16 часот).

 

Виза за англија

Ти благодарам многу, но не ми е јасно нешто околу преводот.. Ги преведов документите од факултет и работа, дали треба и документите/извештајот од банката да се преведат?
И кога ги поднесувам документите, сите заедно во една папка да ги ставам или да ги подредам некако?

 

Виза за англија

И мене ми треба помош за виза од некој што веќе добил. Слушам различни коментари кое се тотално спротивни, едни викаат не се секирај ако имаш работа на неопределено и ако не си нешто сомнителен ќе добиеш, други викаат без 2000 фунти на сметка, преведени документи на англиски, резервации од хотели, купени карти... нема шанси.
Јас ќе спијам кај другар, резервација од хотел нема ни да имам, а билетите планирам да ги купам кога ќе ми одобрат. Некој совет?

 

Виза за англија

novafeminka дали веќе беше да аплицираш за виза па да споделиш искуство? ти благодарам многу.

 

Да, само што ја земав визата денес

Значи вака, имав гарантно писмо пратено од другар од Англија, дека ќе спијам кај него, на негова сметка ќе сум, како се знаеме и слично, заедно со извештаи од неговата сметка во банка, и последните шест paychecks, и копија од последна телефонска сметка. Немаше нешто посебно пари, едно 500 фунти настрана. Јас за мене дадов потврда за редовен студент, уверение за положени, сметка од банка (и јас едно 500 фунти настрана), и документот за данок од Америка, и План на патувањето, неколку страни ден по ден што ќе правиме со цени со све.
Немав купено ниеден билет, а сите документи кои беа на македонски ги преведов, ама не се многу, а има судски кои преведуваат за по 250 денари од страна така да..
Индекс не бараат, нема интервју, само ти ги хефтаат сите документи заедно, ги праќаат до Белград и тоа е тоа. За помалку од две недели ми се јавија, идеш во амбасада и само паошот со визата ми го вратија.

Тоа е тоа, ако ве интересира уште нешто прашајте

 

Ти благодарам многу. Во меѓувреме аплицирав и јас.

 

Ве молам за идеја каде да ги однесам на превод (каде е тоа по 250 ден. од страна)? Јас имам многу документи, ако преведувам се ќе ме чини цело богатство. Ве молам некоја да и помогне што е најбитно за нешто и да редуцирам. ЈАс планирав да го поднесам следново:
-Потврда од раб. дека ми даваат слободни платени денови
-Договор дека сум на неопределено (само тој е 5 страни)
-Спогодба за преземање (бидејќи скоро променив раб.место) па да им бидат логични различните фирми од кои сум зела плата кога ќе видат извод
-М1/М2 обрасци
-ПДД пријава-доказ за заработка лани со платен данок
-Писмо од другар дека ме кани, дека тој ќе плати за летот,сместувањето,храна...

Ако платам за превод на сето ова... отидоа паричките
Ве молам некоја за идеја

 

kmaja провери си дали сето ова ти треба оти не само што ќе треба да преведуваш, треба после и на нотар да ги носиш документите за заверка на преводот.

 

Заверка од нотар не е потребно бидејќи судскиот преведувач гарантира со потписот и печатот дека тие се верни на оргиналот. Имам смислено горе доле што ќе преведам па сега со Господ напред... уште малце дојде време за аплицирање. Иако ми е многу страв да не ме одбијат...

 

ајде со среќа.ако се биде во ред со документите,ќе ти дадат виза.па ако добиеш,пушти некоја фотка од англија

 

Дадени за превод, писмото патува од Англија, јас си чекам, се спремам психички и така Ќе ве известам за детали

 

Aбе, мене ми беше заклучено тоа, значи не можев да аплицирам, сега гледам го пуштиле Aлелуја, може да се аплицира.
E сега јас контактирав со феминкава погоре, таа ми кажа прво документи да се спремат, после аплицирање, да не ми се јават за 2 дена па неспремна да одам
и сега? писмо треба? покана?
дечко ми инаку не е државјанин на Англија, ама живее таму долги години
и за колку време вас ви ја дадоа визата? и во Скопје ја подигнавте?
Eдит
и за летот луѓе, ние баш гледавме преку

http://wizzair.com/mk-MK/Search , некои денови може да се најде карта и за 4000 денари

 

Реков ќе ве известам па да си кажам, аплицирав, денес бев во амбасада, ги предадов документите па сега чекаме

 

ти држам среќа .и пак да споделиш со нас,чекаме убави вести

 

Девојки добив виза, и многу сум среќна. Се исплатеше толку чекање и нервози

 

Здраво дали сте пишувале маршута на патувањето јас сакам да аплицирам па да имам примерок како треба да ја напишам

 

Девојки ми требаат неколку информации околу добивање на туристичка виза. Какви документи се потребни, колку чини, дали се оди на интервју и што би била причината доколку те одбијат за виза?

 

ги доби информациите или да пишувам )

 

@jasmina00 ај те молам пиши за и ние да видиме сакаме да одиме за крисмас во лондон, али не се сите со еу пасош, па мора виза