прочитав погоре дека секоја боја има свое значење, а знае ли некој што значење има секоја боја нека пише баш ме интересира
Јас некогаш ќе ги читам сите мислења (како сега) и не сум прочитала за боите,бистина знае некој која боја што значи(или така некако ) Поздрав
Девојки, некои викаат скинатите бројаници да се остават во црква, некои дека се чуваат, а јас стварно не знам што е правилно Знае некоја? На брат ми му се скина, па не знае дали да ја носи сеуште, си ја стави во паричникот
Носам ваква само црна и нема ваков крст,туку е од истиот конец како целата бројаница,ми ја направи дечкото и ми е многу драга(дечко ми има врска со богословија). Баш го прашав за тоа што викаат не ја вадете никогаш додека сама не се скине,ми рече нема врска,само не ја вади зошто ќе ти се рашири не за друго и кога ј апружив десната рака ми рече не на таа туку на левата.
Носев едно време црна бројаница, ми ја купи мајка ми од Св. Наум од Охрид. Тогаш разбрав дека требало да се замисли желба и кога ќе ти се скинела бројаницата - ќе ти се исполнела желбата. Јас ја носев неколку години и искрено заборавив што сум замислила Гледам дека сега повеќе ги носат поради тренд, испонаредени на раце во најразлични бои.
Само еднаш во животот имам носено бројаница, ми ја купи другарка ми, многу изненадно за време на екскурзија во средно, од св. Јован Бигорски. Јас си замислив желба, си ја стокмив на рачето и не ја извадив, се додека самата не се скина. Желбата не се исполни инаку, до ден денешен. Ја носев постојано, се бањав дури и со неа и да бидам искрена, последните месеци мирисаше некако чудна , зашто мислам дека беше од некаква волна направена. Би носела повторно доколку ми подари некој, зошто да не. Убави ми се, навистина. Но, не би замислувала желба овојпат. По се изгледа не е магичен талисман бројаницава.
баба ми мене ми купи од битола, ама не бројачница алка со икончиња, и си замислуваш желба, ја носев и желбата се исполни A верувајте нереална желба посакав а бројачници имам носено, ама не сум дочекувала да се кинат, сум ги вадела
Јас пред некоја година носев бројаница која ми ја купи мајка ми од црквата од Лешок мислам. Си замислив желба, и секако не ми се исполни или можеби ја заборавив желбата . Како што кажа Трендафилка и јас се бањав со неа и за некое време замириса. Потоа ја тргнав. Мајка ми пред еден месец ми купи друга. Е оваа не е од таков материјал како предходната, и си ја носам.И немам замислено желба пошто нон стоп ја тргам.
Имам бројаница која ми ја купи сестра ми и ја носам веќе 8 години од почетокот и мојата добиваше некоја грозна миризба, но, нонстоп ја миев со течни сапуни, се и свашта, но сеуште ја немам тргнато од рака, а дали имам замислено желба кога сум ја ставила, немам поима тоа е пред многу време, а сигурно и желбата не била некоја кој знае што зошто тогаш сум била 4 одд
Јас имам 3 на левата рака. Ми се имаат скинато 2-3 но јас ги купувам секој пат кога одам во Св. Наум И секогаш тој попот ми дава уште нешто, на пример ланче, друга алка.. Неможам да си го објаснам ова многу ми е чудно.. Иначе никогаш не ги вадам. Кога бев помала, кога ќе ми се скинеа ме пукаше несреќа тој ден и цел ден плачев кога ќе ми се скине алката. Но сега не, се чуствувам многу сигурно со бројанициве и редовно си ги бацувам крстовите
Јас носам една алка, на десната рака. Црна. Втора ми е по ред. Мајка ми ми ја купи оваа. Инаку и двете ми се купени од црква. Уште од поодамна носам.. Првата алка околу 3-4 години ја носев. И оваа сега ја носам неколку години. Незнам точно колку. Првата ми се скина, и ми стои пред икона.
Мислам дека оваа што сега ја носам ми е трета, првата ми беше подарок, втората јас си ја купив од манастирот Св. Јован Бигорски и беше пластична за малку ке ми се скинеше а не сакав да ја изгубам па ја извадив и ја чувам, а оваа што сега ја носам ми е подарок и не сум сигурна дали има точно година од лани овој период од прилика ми е, црна е. Не се сеќавам дали си замислив желба, ама како и да е ја носам.
Бројаници носам откако знам за себе. Првата се сеќавам, ми беше подарена од калуѓерката во манастирот во Крива Паланка. Беше црвена, а имаше црвено крукче наместо крст. Сепак, многу си ја сакав, таа ми беше мојата среќа. Се сеќавам, секогаш кога ми се случуваше нешто лошо со десната рака си стискав едно делче (отсекогаш ми стои на левата рака). Таа бројаница ја носев околу 7/8 години. Ми се валкаше, ама пошто се бањав со неа пак ми остануваше свежа. Потоа од манстирчето во Вељуса баба ми ми купи сребрена со крстче. Арно ама, ми беше мала. Не можев да ја протнам преку дланката. Ја чував завиена во кесенцето со коешто беше купена. Следната ми е една бројаница од истиот манастир во Вељуса, розева ми е (циклама) и крстче. Многу си ја сакам и нон-стоп си ја носам. Не дека ја имам на мене како украс или за да ми личи, туку заради тоа што ми вградува верба. Што знам. Инаку, со неа се бањам, гледам крстчето ми потемнело малце од водата, ама барем самата боја (циклама) на бројаницата ми останува свежа. Кога не носам бројаница чувствувам дека нешто ми фали.
Бројаници носев до скоро време, од пред едно 6-7 години ,али раката ми се нафрлуваше со последната ,и некако ми се прошири тоа на поголемиот дел од раката и ја извадив, а ја носев затоа што ми беше убаво кога ја носев секогаш кога и да имав потешкотии сеи ја провртував во раката,и некако се смирував,не знам можеби самото чувство дека е бројаница или шо и да е ме смируваше
Носев две црни бројаници на левата рака (бидејќи на десната носам златна белегзија). Едната ја носев 3 години,ми беше купена од манастирот во с.Трново..Оваа бројаница не беше ни скината ни ништо,како што ја купив така стоеше на мене и ми носеше среќа.Еден ден кога дечко ми заминуваше од градот на неколку дено (бидејќи имаше работа) ми ја побара да ја носи,бидејќи сакал да ја има мојата среќа и така ќе ме чуствувал поблиску до него.Јас никогаш не би ја дала таа бројаница,но неможев да го одбијам,и сега тој си ја носи таа.А другава ми е купена пред една година,си ја купив од Крушево
Tриесет и три молитви за триесет и трите јазли на бројаницата 01. Спомни, Господи, за мир во светот. 02. Господи, Исусе Христе, помилуј ја Црквата наша и нашето Православие. 03. Господи, Исусе Христе, помилуј го Епископот наш и неговото братство. 04. Господи, Исусе Христе, помилуј ги, низ целата Земја, Православните клирици и лаици. 05. Господи, Исусе Христе, помилуј го нашиот Духовник и отец и неговото братство. 06. Господи, Исусе Христе, помилуј ја нашата војска и безбедносните служби. 07. Господи, Исусе Христе, помилуј ги началниците на нашиот народ. 08. Господи, Исусе Христе, помилуј ги оние кои нè мразат, нè љубат и кои се молат за нас. 09. Господи, Исусе Христе, помилуј ги нашите родители, добродетели и учители. 10. Господи, Исусе Христе, помилуј ги нашите по тело и по дух браќа и сестри и роднини. 11. Господи, Исусе Христе, помилуј ги старите и осамените луѓе. 12. Господи, Исусе Христе, помилуј ги новороденчињата, незаштитените и слабите. 13. Господи, Исусе Христе, помилуј ги децата кои учат. 14. Господи, Исусе Христе, помилуј ги младите момчиња и девојки. 15. Господи, Исусе Христе, помилуј ги наркоманите, алкохоличарите и пушачите. 16. Господи, Исусе Христе, помилуј ги сопружниците на Православните семејства. 17. Господи, Исусе Христе, помилуј ги нашите бремени сестри. 18. Господи, Исусе Христе, помилуј ги вдовиците и сираците. 19. Господи, Исусе Христе, помилуј ги разделените сопружници и нашите браќа и сестри во искушение. 20. Господи, Исусе Христе, помилуј ги болните по тело и по душа. 21. Господи, Исусе Христе, помилуј ги оние кои се трудат и работат во светите манастири и парохии. 22. Господи, Исусе Христе, помилуј ги благочестивите поклоници во светите манастири и цркви. 23. Господи, Исусе Христе, помилуј ги оние кои пловат, патуваат, летаат, затворениците и очајаните. 24. Господи, Исусе Христе, помилуј ги нашите ожалостени браќа. 25. Господи, Исусе Христе, помилуј ги судиите и политичарите. 26. Господи, Исусе Христе, помилуј ги опрелестените и оние кои го хулат светото Православие. 27. Господи, Исусе Христе, помилуј нè и дај ни време мирно. 28. Господи, Исусе Христе, сочувај нè од болест, гнев, опасност и просвети ги лекарите и болничарите. 29. Господи, Исусе Христе, сочувај нè од глад, нужда и несреќа. 30. Господи, Исусе Христе, сочувај нè од жештина, пожари и земјотреси. 31. Господи, Исусе Христе, сочувај нè од поплави, тонење и мраз. 32. Господи, Исусе Христе, упокој ги и душите на отците, мајките, браќата и сестрите, роднините, дедовците и прадедовците наши. 33. Господи, Исусе Христе, помилуј ме мене грешниот.
Page многу добар пост. Браво. Јас носам веке неколку години, ама променував, не истата. Носам на левата рака (така ми е позгодно) и ја користам за молитва, најмалце еднаш на ден - наутро.