Гледам дека овде се зборува за кондури, па сакам да прашам кој модел на патики имаат испакната влошка? Ние тие што ги имаме на Адидас се со рамна мемори влошка. Е сега кога бевме на ортопед ги погледна патиките и рече следно да купиме со испакната влошка на средината. За проблем нема проблем со стапалото убаво и е оформено, нема рамно стапало. За број на кондури 21месец-22број.
Ниедни патики немаат, само во Пеко на Цицибан и во Адамс шус има Вико и уште некоја фирма со таква влошка, патики нема со испакната. Мене ортопедот ми рече со испакната за низ дома и во случај ако најдам за надвор сандалчиња со таква влошка, да. А за надвор ми кажа дека не е проблем и со рамна, зошто и онака не е цел ден во нив. Не е страшно и рамна да е ама подобро би било да е испакната, така ми е речено.
Ниеден ортопед досега не ме советувал за испакната влошка на чевли. Бебињата и децата имаат масно перниче на тој дел кај што е испакнато (бидејќи сеуште им се развива стапалото), и кога одат во такви чевли, како пречка имаат, како камче некое да им смета. Не паметам од каде ми е таа информација, ама реално влошка со мемори пена е подобра од класична.
Пред еден месец на ортопед во Ремедика ми е кажано ова, можеби сметаше дека конкретно моето дете има потреба од таква влошка, не знам. И плус да се надоврзам на мојот претходен пост. За низ дома ми рече босо или по чорапи дете ама јас објаснив дека се лизга, џабе и со гумички и плус ги вади цело време, дека морам да земам некакви со лепенка, па ме советуваше да бидат барем тие за низ дома со испакната влошка. Инаку од пред три дена е веќе скроз бос, нема лизгање, нема муки .
Иванка од Ремедика на сите препорачува таква влошка. Дури одевме кај неа, такви обувки носеше големата, после ја сменивме и сѐ што беше со таква влошка исфрлив и купив меки обувки со обична рамна влошка.
Поделени се мислењата на ортопедите за тоа каква треба да е влошката во текот на развојот ама еве и ние пораснавме со цицибан, мислам на нашите генерации, па се е во ред со нашите стапала. Можеби цицибан има придонес во тоа а може и нема врска. Лошо не е сигурно.
Значи изгледа нема врска какви се, веројатно од одот и генетиката зависи или може и од тежината на детето, ако во растот е подебелко како братучед ми, џабе беше се, си остана со рамни стапала, јас па немам таков проблем, за син ми рано е да кажам, вака гледам дека има свод ама кога застана кај ортопедот на тоа за отсликување на стапалото, сеуште не беше дооформен сводот. Не знам, да не паметувам сега за нешто за кое стварно немам ич познавање, затоа и слушам што ќе ми каже доктор. А тебе кој ти препорача рамни и зошто?
После Иванка, ги однесов кај Видоевски и кај Антонио, двајцата беа со истиот став, дека обувката треба да биде мека, лесно да се превиткува при одење и да има рамна влошка. Мене и така ми е логично, кога дома се препорачува да бидат боси, зошто да не и надвор да имаат барем приближно покомотна варијанта на "боси". Сводот ќе се формира точно онаму каде се превиткува стапалото, а влошката е правена по еден калап за сите, а сите немаат исти стапала.
Отприлика на година ипол кој број носеа вашите? Ми треба за подарок ќе земам и поголеми ама не сакам па ептен да се големи
Ќерка ми уште еден месец ќе има 5 полни години, носиме кондури број 30. Нагло за три броја и порасна ногата од лани ова време. Синко има 1 годинка, носи број 22.
Секое дете различно , ќерка ми на 5 месеци првите патичиња и беа број 20. И да се подарој подобро прашај ги кој број носи.
Мојава носеше тогаш 21, за брзо на 23че стигна.. 21м има и 23 носи. Прашај си најдобро, особено ако е машко.. Синко стигна на 31, а има 4г и 3м
