"Како што времето одминува" e нова турска теленовела која се емитува на Kanal D во Турција, а е откупена во сите земји од Балканот, вклучувајќи ја и Македонија (Сител телевизија). Содржина: Дејството на серијата е сместено во шеесетите години на минатиот век и зборува за животот на господинот Али и неговото патријархално семејство. Али Акарсу е морнарски капетан кој пловејќи на долги дестинации, голем дел од времето го поминува далеку од семејството. Во меѓувреме неговата жена Џемиле се грижи за нивните четири деца Берин, Ајлин, Мете и Осман. Таа ја превзема улогата и на мајка и на татко додека нејзиниот маж е на патувања. Берин е студентка на правниот факултет, Мете и Ајлин се средношколци, а Осман е најмалото синче. Еден ден Али конечно се враќа дома и сите во фамилијата се среќни, но не знаат дека враќањето на Али ќе им ги смени животите. Нешто е необично во неговото однесување, а Џемиле наоѓа едно писмо во џебот на Али. Писмото ќе ја открие тајната на Али - тој имал афера со некоја непозната жена на патувањето. Дали Џемиле ќе му го прости тоа на Али? Дали Али ќе ја одбере страста со младата љубовница или сопругата и семејната чест? Улоги: Erkan Petekkaya, Ayça Bingöl, Yıldız Çağrı Atiksoy, Farah Zeynep Abdullah, Aras Bulut İynemli, Meral Çetinkaya, Emir Berke Zincidi, Wilma Elles
http://tvpaket.com.mk/index.php/serii/t ... 1%80%D0%BE Најгледаната серија на сите времиња - Времето одминува
Осман колку е сладок, душичка. Многу ми е интересен така седнат пред скалите, тој човекот кога ќе го праша- „Осман го чекаш татко ти или играчките што ќе ти ги донесе?‘‘ И тој вика:„Татко ми.... И играчките што ќе ми ги донесе.‘‘ Детенце, играчките ги чека секако. Спојлер Ама се разнежнив. Ми изгледа како да вреди серијава, ама се гледа дека ќе биде премногу тажна.
Неможам да ви опишам колку е убава серијата, ја гледав некое време онлине и ви ја препорачувам од срце.Според мене една од најдобрите турски серии што се излезени до сега.Најмногу ме освои глумата на малиот Осман, толку чисто и искрено го доловил ликот.Ова е единствена серија на која имам плачено.Мајката, Џемиле е толку добра и чесна, спремна да направи се за нејзините деца, додека Али, таткото е одвратен, ке видите на што се е подготвен да направи за една помлада жена.Тоа што ја двои оваа серија од останатите серии е дефинитивно глумата.
Била најдобра била најгледана (добро која не е од овие турски серии) НЕ,фала ! да ја догледам уште Езел и се откажувам залудно трошење на време
Според рекламата изгледа како убава серија. Ме стави во дилема што ќе направи Али. Каква ли бураќе донесе? Осман е срце. Се надевам дека убаво ќе не изненади серијава штом е толку гледана.
Осман е многу сладок,и убаво зборува. Ќе видам дали ќе ја гледам,според рекламава изгледа интересно,мислам професионалци се,само за да не залажат да гледаме турски серии,и да си тепаме веме.
Според рекламата ми изгледа како интересен филм. Ако ја гледам ќе ја гледам само заради овој малиот. Срцка е.
кога почнаа да ја даваат рекламата помислив дека човекот ке се врати со трауми од некоја бура што го зафатила на морето, па ке биде нешто поразлично за гледање, нешто од што ке може да се научи, многу се разочарав од првата еп. излезе дека тој по швалерката се мрднал глупости, не ја гледам, знаеме на што се спремни мажите за младо месо
иако си ветив дека нема да гледам повеќе турски серии оваа ја загледав. И бидејки ја гледам на нет со превод на српски можам да кажам дека серијата е прекрасна. Тоа малото Осман во 3 тата епизода ( оригинал, не делена) ме донесе до солзи. Мило колку е тоа чудо нешто. Гледајте ја, нема да зажалите. Јас сум до 5 та епизода и веќе се случуваат многу работи, значи нема да се тегнат едно дејствие 100 епизоди.
^ Тоа додека не ги запознаеме убаво ликовите, кој како се вика. Секогаш првите епизоди се набрзина настаните, а потоа на сред серија се развлекуваат дејствијата.