Expert, сметам дека имам доволно познавања од медицината за да си дозволам да тресам вакви небулози како што ги нарекуваш. Сакам да ја видам и другата страна на медалот, а не само онаа, едната, блескавата, што се сервира во медицинските книги. И не би сакала да судиш за моите знаења и познавања според мојот пост овде, како и за гинекологот кој го спомнав во мојот претходен пост. Неговото искуство и знаење му помогнале да процени доволно дали неговите деца треба да ја примат вакцината или не. И искрено, со твоите пишувања надолго и нашироко ништо не кажуваш, барем јас не можам да најдам поента. Те читам од самиот почеток, и јас бев за вакцинирање, можеш да прочиташ и претходно, ама некако, и твоите мислења ме натераа да размислувам малку повеќе, да ги согледам аргументите за и против. Искрено, те доживеав како политичар во активна политичка кампања кој ќе направи сè само за да победи. Не знам, едноставно те мислев попаметна, таков впечаток ми остави, ама за жал, тој впечаток сè повеќе се губи. Погледни малку подлабоко, загреби под површината , не се потпирај само на медицинските книги. Впрочем, секој има право да размислува и да верува во што сака. А јас избрав да верувам дека вакцините не се добри за моето дете и колку и да пишуваш, не даваш валидни и цврсти аргументи. Велиш дека е неизбежно да има случаи со компликации од вакцините и тие случаи се ништо во споредба со оние на кои им помогнале. Не знам дали така ќе мислиш ако, не дај Боже, кај твое дете се јават такви компликации. Малите бебиња по дифолт спаѓаат во групата на популација со низок имунитет. Кој бре имунитет го имаат тие во првиот ден по раѓањето, па што ги боцкаат со вакцина против хеп. Б - која всушност е рекомбинантна вакцина и наводно не содржи жив вирус - ама од каде ние го знаеме тоа? Кој имунитет го имаат тие што мајките мора задолжително да се лекуваат ако имаат некоја инфекција пред породувањето? Кој имунитет ќе се бори против тие бактерии и вируси што може бебето да ги фати при поминување низ породилниот канал? Имаат антитела од мајката кои ги штитат нивните организми, ама тоа не значи дека имаат активен имунитет. И да, верувам дека вакцинираните луѓе можат да бидат темпирани бомби затоа што во себе носат ослабени вируси од вакцините. Ајде кажи ми, што се случува со тие вируси во организмот кога ќе ја завршат својата функција, односно кога ќе го стимулираат имуниот одговор и ќе се создадат антитела? Сигурно не се исфрлаат или уништуваат. Сепак, вируси се во прашање. Зошто секогаш кога ќе не нападне вирус, секогаш ни советуваат да работиме на подигање на имунитетот, не делуваат лековите на самиот вирус, туку на симптомите? Дали има доволно ефикасни антивиротици со кои ќе се потврди дека некој вирус, причинител на одредена болест е целосно исфрлен од организмот? Мислам дека нема толку успешни вироцидни лекови, па затоа верувам дека вирусите остануваат во нашиот организам. Нели нашиот имунитет е доволно развиен од стимулацијата со имунизацијата? Јас сум вакцинирана редовно, ама не сум ја примила ММР (МоПаРу). Само сум била вакцинирана против рубеола, која сепак ја прележав. Да, вакцините наводно ни помагаат полесно да ги прележиме болестите ако бидеме во контакт со заразени лица, ама зошто не ни создале трајна отпорност ако веќе сме изложени на причинителот? Зошто не ни помагаат да го исфрлиме од организмот? Инаку, вирусот на вариола вера кој се смета дека е искоренет, сигурно живее во некоја лабораторија и чека подобри времиња. Мислам дека некаде читав оти доселениците намерно ги заразувале Индијанците на американскиот континент со овој вирус за да ги истребат и да им ја земат земјата. Можеби е небулоза, ама не би се изненадила да е вистина. И се уште веруваш дека вакцините се за доброто на човештвото?
^Annath во Америка ги заразуваа со мали сипаници Индијанците исто како и тука што ги заразуваа Абориџините, им даваа кебиња заразни а тие бидејќи никогаш немале контакт со сипаници за нив биле смртоносни. И не, не е ово небулоза овие податоци ги има во секоја книга за историја. Не е точна информацијата дека доколку сите престанат да се вакцинираат ќе има повторна епидемија од некоја болест, овде не се прима БСЖ вакцина повеќе од 40 години, ниту има нови случаеви на туберкулоза а уште помалку епидемија. Син ми е прва генерација на деца која не ја примат вакцината за полио, нема нов случај последните 25 години, вакцината е укината. Син ми е вакциниран од ХЕП-Б-затоа што тој има или ќе има допир со деца кои се од Пацифичка Азија кои се вкупно прават над 50% од носителите на вирусот на ХЕП-Б, а се помалку од 5 % од светската популација. Јас не можам да не го вакцинирам затоа што ете во градинка има 2 вакви деца, би било ете малку не разумно од моја страна да не го заштитам со вакцината ама зошто се вакцинираат бебиња во Мк кога реално ги немаат истите шанси како моето да се заразат. Јас го вакцинирам малиот само од реални болести кои постојат и преставуваат и реална опасност по неговиот живот се друго прескокнувам.
Навистина не знам што да искоментирам. Од една страна Tazna-solzicka ме критикува зошто сум промовирала право на избор, од друга страна ме обвинуваат зошто сум била ЗА вакцините. Многу ми беше мило што има дискусии и баш си мислев дека луѓево читаат што се пишува и дека ќе имаат позитивно мислење за целата дискусија. Јас свесно влегов во дискусијата и знаев дека со секој одговор ја носам темава на прва позиција во подфорумот и со тоа ги промовирам и дискусиите на оние кои се против, но сметав дека давам добри одговори и дека линковите кои ги ставав ќе придонесат за понатамошно истражување, ама изгледа реалноста е поинаква. Најмногу сум разочарана од мислењата на Аннатх, некој кој е медицински образован не смее да си дозволи да пишува дека епидемиите од морбили можеле да потекнат од вирусите од вакцината, во ред е некој како јарре кој нема медицинско образование да напише нешто такво, нему му одговорив поназад на истото тврдење. Прво ослабените вирусите кои се внесуваат со вакцината биваат убиени после внесувањето и создавањето на имуниот одговор. А дури и да не се убиени, тие не се внесуваат по природниот пат во дишните патишта па да може да се пренесат на друг како што се пренесуваат болестите. Постои нешто што се вика време на заразност дури и кај природно стекнатите болести за кое време индивидуата е заразна за другите луѓе но само за само одреден период, затоа што потоа вирусите се убиени од местото од каде би се пренесле, а да не зборувам за вакцината каде што не постои време на заразност. И затоа целото твое мислење е целосно непотребно и навистина штета што неколкумина кликнале ми се допаѓа. Тоа докажува дека сепак не сум била во право кога се борам за право на избор, многу луѓе не се способни на препознаат вистинска од лажна информација, а камо ли правилно да се информираат за нешто за кое треба една цела медицинска наука.
Да се вмешам. Прво мило ми е што се вмеша Анатх, и баш што такво нешто читам од медицински образован човек. Ти се мислиш дека само ти си образована, паметна и сезнајна? И сите мора да мислат како тебе? Второ, како тоа нејзиното мислење е нецелосно и непотребно, а твоите мислења се целосни и потребни? Значи ние сме прости што нејзината информација ја препознавме, а твојата не? Ако човек не мисли како тебе не е во право, не !? Стварно делуваш како пратеник од медицината, која дошла тука да не убедува и убедува. А, најтрагично е што твоите реплики немаат никаква содржина и тежина. Враќаш контра ради реда само, колку да е напишано. јас сум ПРОТИВ вакцините и имам свое зошто, кое пркоси на твоето.
Нема зошто да си разочарана од моите мислења. Слободно скролај ако не ти се допаѓаат. Не сум единственото медицинско лице што размислува вака. Јас инаку сум стоматолог, ама пак, поминав низ истата обука како и медицинарите. И ќе речам, сретнав доста истомисленици, и лекари и стоматолози и фармацевти, кои свесно одлучиле дека нема да си ги вакцинираат децата. Уште додека студиравме имаше доста нелогичности во книгите, ама ги прифатив како точни, мислејќи дека авторите сигурно знаат повеќе од мене. И затоа што сум медицински образована не смеам да пишувам, според тебе, небулози? А во ред е другите да пишуваат? Никого не терам да ме чита, јас само кажав што одлучив за моето дете, и какви се моите размислувања и ставови во врска со ова. И не значи дека ќе престанам да читам и понатаму за вакцините и сè што е поврзано со нив. Само се прашувам зошто сè поголем број лекари одбиваат да ги вакцинираат децата, зошто сè поголем број луѓе одат до Грција или Србија и купуваат прочистени вакцини (кои не се ништо подобри од обичните), зошто сè поголем број педијатри советуваат да се одложат вакцините што е можно подоцна, ако веќе мора да се примат?
А демек ние што сме кликнале ми се допаѓа на постот Annath треба да ни се одземе правото на избор? Да ти го препуштиме тебе изборот за нашите деца? Јас имам право на избор, државата ми го дала, не чекам некоја на форум да се изборува за оно што природно е мое родителско право, јас сум го родила, јас ќе одлучувам што треба а што не треба да влегува во телото на моето дете! За другите не можам да говорам ама јас се сложувам со мислењето на Annath затоа што во однос на одгледување на децата сме на иста бранова должина, ја почитувам како форумски лик затоа што има стабилни и подржани ставови, за разлика од твоите. Јас не се информирам од форуми, јас се информирам од постојани предавања на работа (за и против), се информирам од најблиските кои се сите доктори и на крај од сите информации кои ги поседувам одлучувам јас како родител што е исправно за моето дете. Инаку за трајноста а со тоа и ефективноста на вакцините јас само ќе кажам дека како здравствен работник кој работи со крв и крвни материи примам бустер шотови за хепатитс-Б секоја трета година.....трајни, I don`t think so.
еве денес бевме кај една од најдобрите педијатки кај нас бевме заради реакцијата и несаканата последица од вакцината и дури разговаравме ни кажа дака таа е за вакцини дека двете деца ги носи на вакцинирање и според неа се неопходни и вели со овие зборови ,,јас што мислам дека е најдобро за моите деца тоа и правам, такви и совети давам ако грешам ќе згрешам и за моите и за вашите,, еве педијатар е за вакцините, и да се надоврзам на муабетот од погоре не е битно каков факултет имаш завшено за да имаш некакво размислување во врска со било која тема. сите си имаат право на избор и таа рече дека ако одбериш и не го вакцинираш детето тоа ќе влезе во системот и ќе се почне судска постапка против родителите. целта на муабетот ми беше дека има многу доктори кои се против ама има и такви кои се за вакцини, се зависи од сопствените сваќања и размислувања.не мора да си стручен на темата за да знајш кој се последиците од вакцините и дали ќе има последици ако не го вакцинираш детето
Ќе се надоврзам само за вакцината БЕ Се Же . Обрнете поголемо внимани се однесува на иселениците од мк каде во таа земја не се бесежираат децата кога доаѓате во мк да неимате контакт со некој болен од ТБ лично сум била сведок на дете кое е родено во Италија и таму не е бесежирано при посета на мк да фати ТБ од негов роднина кој нажалост бил во латентна фала и не знаел дека е болен Дали него Бе се же то би му помогнало и би го спасило од хоспитализација подолга од 1 цел месец ? или би довело до компликации? Којзнае . Инаку го вакцинирам сопственото дете и генерално сум за вакцини од календарот но не и за грип вакцините
глас ЗА вакцините мислам дека вакцините не се нисто другу туку стекнување на имунитет преку ослабени клетки на одредени предизвикувачи на болест за да може човечкиот имунитет без проблем да се избори, и да не се ствара симптоми на заболување при повторен контакт. Антителата веќе се создадени.... Јас ги имам примано сите вакцини од 1 месец па се до 18 години и фала богу имам само слушнато за тие болести.... Да би имала дете би го вакцинирала..... (мое размислување) поззз
Одиме понатаму ? Една вистина која послужила како темел за куп лаги, позната како вакцинација, е фактот дека цицачите кои заздравуваат од некоја инфекција стекнуваат природна отпорност кон истата. Врз основа на таа вистина се родило едно верување дека ако еден надворешен антиген се вбризга во некоја индивидуа, се стекнува природна отпорност на повторна инфекција. Според истражувањето на Светската Здравствена Организација, објавено од НЗО во 1969 година, утврдено е дека луѓето кои се вакцинирале против мали сипаници биле изложени 14 пати повеќе да ја добијат болеста од оние кои не се вакцинирале. Истражувањето од 1985 кое се спровело под капата на американската влада, вели дека 80% случаи од мали сипаници се јавиле кај луѓе кои биле вакцинирани. Пренесување на мали сипаници јасно е документирано помеѓу вакцинираните луѓе. При некои големи епидемии, 95% од случаите биле вакцинирани.(Federal Drug Administration) - 1992 Graham Vilson е добро упатен во вакцините, тој бил директор на Британската лабораториска служба за јавно здравје: Ризиците кои ги пратат вакцините и серумите не се добро сфатени како што треба. Навистина, нашето знаење за нив е премногу мало и нецелосно. Сите доктори кои се запознаени со оваа тема признаваат дека вакцините се отровни а последиците непредвидливи. Ниеден доктор, лабораториски техничар или научник, не може да одреди каква реакција на вакцината ќе има секоја индивидуа. Тоа е како – руски рулет – дали ќе предизвика моментална смрт или парализа, рак, срцеви проблеми или туберкулоза неколку години подоцна, бубрежни болести или некоја друга хронична болест во блиска иднина. Секоја вакцина е отров, а тоа значи дека предизвикува смрт и болести. Се посочува на лиценцираната вакцина против птичјиот грип како виновна за смрт на 21 бездомник во Полска – 2008 год. Кога се става вакцината таа го внесува вирусот директно во крвта, со тоа се заобиколени почетните одбранбени линии на телото. Живите вируси кои се внесени, се способни да во телото живеат повеќе години во латентен облик. По неколку години или децении, почнуваат да се размножуваат и предизвикуваат промени во телесните ткива и органи. Добитникот на Нобелова Награда др. John Enders од Харвард, изразил загриженост дека девојчињата кои денес се вакцинираат имаат поголеми шанси да ја добијат болеста кога ќе пораснат и почнат да имаат деца отколку природно да ја добиле болеста во детството. Наодите покажуваат дека вакцинирањето може да даде само делумна отпорност која не трае долго нити овозможува траен имунитет како природната инфекција. Некои фармацевтски компании подржани од моќни индивидуи, заедно со поткупени научници и познати здравствени организации ги форсираат вакцините. Тешко е да се застане против оваа профитерска машинерија, или да се јави некој доктор кој не се плаши да го каже своето мислење и го предупреди народот за вакцините. Таков е др.James A.Shannon од Националниот Институт за Здравје кој вели: ЕДИНСТВЕНА СИГУРНА ВАКЦИНА Е ОНАА КОЈА НИКОГАШ НЕМА ДА СЕ УПОТРЕБИ. Како започнало вакцинирањето? Во Глочестершир, Англија, селскиот лекар Едвард Џенер, пробал да зарази луѓе со кравји сипаници во надеж дека тоа ќе им пружи имунитет против големите сипаници. Џенер во 1796 го заразил осумгодишниот Џејмс Фипс против кравји сипаници. Два месеца потоа, Џенер го заразил младиот Џејмс со големите сипаници. Детето не добило болест. Останатото е историја. Џенер го нарекол процесот - вакцинација ( од „vaccinia" латинско име за кравји сипаници. Вакцинирањето се раширило по цела Европа. Во 1885 год. Луј Пастер ја испробал својата вакцина против беснило на деветгодишното момче Џозеф Мајстер, кој бил гризнат од побеснето куче. Детето преживеало, а останатото е историја. Меѓутоа во оваа историја има нешто повеќе од тоа што се наведува. Џејмс Фипс, кој првобитно е вакциниран од Џенер во 1796, ревакциниран е 20 пати и умрел во дваесеттата година од својот живот. Џенеровиот син кој исто така бил вакциниран неколку пати, умрел во 21 год. Двата смртни случаи се предизвикани од туберкулоза, состојба кои некои истражувачи ја поврзале со вакцината против сипаници. Пастер го вакцинирал Џозеф Мајстер и момчето преживеало. Но во истиот ден неколку други луѓе, вклучувајќи го и сопственикот на кучето, биле гризнати – и сите останале живи. Другите деца немале толку среќа. Метју Видау умрел по вакцината која му ја дал Пастер. Исто така и момчето Луј Палетје, кое починало по Пастеровиот третман. Медицинските списанија се полни со вакви случаи. Целта на вакцинирањето е да се наведе телото да произведе антитела кои извесно време ќе му обезбедат имунитет на телото од одредена болест. Британскиот медицински совет 1949 – 1950 год. спровел истражување за да утврдат во која мерка анти – дифтеријските антитела, произведени по вакцинирањето, помагаат во отпорноста кон дифтеријата. Во својот извештај од 1950, тие откриле дека присуството на антитела не било од никаква корист во отпорот кон дифтеријата. Некои луѓе кои имале висок број на антитела, добиле болест, додека пак други со мал број антитела биле повеќе отпорни. Имунизација како таква не постои, но ние ја продаваме под името ´имунизација´. Кога би можеле на било кој начин да ја подобриме природната отпорност кон болести на вештачки начин, јас тоа би го поздравил – но тоа е неизводливо. Телото има сопствени методи на одбрана, кои зависат од виталноста на телото во тоа време, Ако не е доволно витално, тогаш ни вие нема да ја промените неговата виталност со внесување на било каков отров во него. – William Howard Hay, M.D. Тоа што ќе му дадете некому вакцина не значи ништо, иако добие реакција во вид на антитела. Единствени вистински антитела, се оние кои ги добиваме природно. Она што ние го работиме (при ставање вакцина) е пореметување на осетливиот механизам кој ја врши својата работа. Ако вакцинирате некого и се обидете да поттикнете нешто за што се грижи телото, барате низа на проблеми, а ние не веруваме дека тоа делува. – Dr.Glen Dettman Дури и светската здравствена организација признава дека најдобра вакцина против општите инфективни болести е соодветната исхрана. Но изгледа дека од промовирање на соодветна исхрана фармацевтските компании немаат никаков профит ! Во вакцините се наоѓаат отрови, токсични метали, хемиски сврзувачи и конзерванси, животински делови, вируси. Ова не би сте го дале ни на вашето куче, меѓутоа рутински се дава на децата. Меѓу многубројните токсични состојки се наоѓаат и : тимеросол - кој содржи жива формалдехид –средство за балсамирање ( конзервација на лешеви ) желатин алуминиум хидроксид феноксиетанол – антифриз алуминиум фосфат аспартам натриум фосфат алкохол неомицин фенол ( канцероген ) во различни вакцини има различна употреба на овие додатоци. Ова се некои што се објавени, а што се има што не е на списокот ? Одгледување: Бактериите од вакцините се одгледуваат во лабораторија во ќелиите на мајмун, во човечки ќелии кои можат да бидат канцерогени, во пилешки ембриони или во ќелии на заморчиња. Вируси: Тие можат да бидат мртви или ослабени. Кај вакцините со мртви вируси само се претпоставува дека вирусите се мртви во нив. Во вакцините не се наоѓа само еден тип на вируси. Поради изворот од каде медицинската лабораторија ги вади, таа мешавина содржи изненадувачки полно вируси и бактерии. Лабораториските техничари земаат серум од гној на мајмун, крава, свиња или друго животно. Потоа се обидуваат да го пречистат но, бидејќи се работа за мали суштества, нема економичен начин на кој можат да се исфрлат повеќето страни супстанции и животни облици од земената течност. Отровни хемикалии: Во лабораторија, една или повеќе хемикалии се мешат со чорбата во која се вирусите за да ги убијат или ослабат. Што се однесува за мртвите вируси, би било тешко да потполно се извлечат отровните хемикалии користени за нивно убивање. Меѓутоа, што се однесува до оние ,ослабени вируси' тие отрови морат да останат тука за да вирусите останат полумртви. − Кога цела оваа смеса се вбризгува во тело, вирусите бргу се раздвојуваат од отровната течност која ги опкружува. Хемиските отрови го ослабуваат имунолошкиот систем на телото, кое почнува да се бори против овие страни супстанции. Во меѓувремено, вирусите пронаоѓаат ќелии во кои влегуваат и ги користат за сопствено размножување. Вирусите кога доволно се размножат, можат да го нападнат телото ослабено од токсичните материи. Тие се опасни затоа што се вбризгани директно во крвта и ја заобиколиле одбранбената врата на стомакот и цревата.
Yarre ти си во заблуда и плус сите овие (дез)информации кои си ги изнапишал се разработени поназад. Инаку овој начин на дискутирање кога соговорникот одеднаш посочува многу глупости, дезинформации, полувистини, шпекулации и лаги се вика Gish Gallop, кога заради мноштвото изнесени искази, останатите не можат да даваат одговори на сите дезинформации одеднаш и се разводнува темата. Овој метод се обидува да создаде илузија на тежина на доказите, кога во спротивност секое тврдење или е чиста лага или дезинформација. За оние кои ја поддржуваат оригиналната кауза, ваквите аргументи се валидни, а на оние кои се против, им е досадно да се справуваат со повторувањето на исказите одново и одново. Ако некого го интересира за ефективноста на вакцините, може да се информира тука: http://www.immunizationinfo.org/parents/why-immunize А ако некого го интересира безбедноста на вакцините, може да се информира тука: http://www2.aap.org/immunization/families/safety.html
Искрено благодарам, што се заниваваш со мојата маленкост тука, и секако персонални дисквалификации во претходните постови. Во дискусии врзани за вакцини не е реткост кога индивидуите со испрани мозоци посегаат по инструменти на персонална дисквалификација на соговорникот, во отсуство на несоборливи аргументи, кои се земени токму од државно признаени релевантни извори ( читај здравствени институции ) , и секако од доктори, професори, и доктори на науки. Ти можеш да ме оквалификуваш како сакаш, но само ке констатирам дека сите изнесени ставови од моја страна се базираат на ФАКТИ земени од различни релевантни извори, и ако сакаш седни и по своја желба избери ете 3 на пример за кои што ке дискутираме. Или можеби ке одбереш да продолжиш со системот на персонала дисквалификација? Јас ниту во еден случај не ги загрозив барем форумските правила. Гледам дека добиваш и премногу контра и од членови кои се на некој начин врзани со медицината, како и ти, ама точно манипулативно ги одбегнуваш одговорите на прашањата на кои што немаш одговор и не се во прилог на твојот едноумен став. Секако не можам да те обвинам и тебе како соговорник, бидејки, во твојата индивидуа е одлично воспоставен системскиот кодек во поглед на вакцините, и честопати е многу тешко (некогаш и невозможно во зависност од успешноста на инсталацијата) истиот да се промени во еден животен век. Јас лично да се прашав за ова пред 10 години на пример, ке го имав твојот став. За среќа барем на моите деца, јас стереотипот на кодекот успеав да го надминам, со јасно и недвосмислено информирање за другата страна на „медалот“, размислувајќи спрема факти, а не спрема едностраниот систем на „слепиот го води слепиот“. Но, времето работи во корист на подигање на општата свест на индивидуите и тоа е незапирлив процес и искрено се надевам дека ке има поголем број на индивидуи, кои ке се информираат за сето ова, пред времето кога ке станат родители. Да, вакцинацијата ( имунизација е сосема друго значење и за жал не постои таква, ниту досеа е пронајдена ) е сеуште со висок процент во Македонија, па како и во се друго, така и за ова сме далеку назад во однос на другите земји земјќи ја во предвид ете само териториите на бившата држава. Секако ме радува фактот што свеста во Македонија, за разлика од пред 6-7 години се буди, и се повеќе има родители кои одлучуваат различно. Во врска со линковите што ги даваш подолу, јас дури видов кој го плаќа нивниот домејн. Алберт Ајнштајн еднаш рекол: Постојат 3 типови на лаги. Лаги, проклети лаги и статистика.....
Експерт, тешко е да дискутира човек со тебе, затоа што упорно негираш да ја видиш и другата страна на медалот како што ти пишав во некој претходен пост. Што е тоа што упорно те тера да замижеш пред фактите? Треба ли јавно да излезат педијатри, имунолози, микробиолози со име и презиме да проговорат за вакцините? Ако се случи тоа, ќе ги линчуваат, верувај. Во последно време од многу доктори слушнав дека се против вакцини, ама сите се кријат, не кажуваат јавно. Страв постои, од кого, од што, сигурна сум дека може да претпоставиш. Во јавност лекари дигаат раменици и велат дека не знаат од што се појавил аутизмот или од што починало бебе од неколку месеци после примање на ДТП вакцина, а во четири очи ќе ти кажат дека е од вакцината и ти велат да не кажуваш оти така ти рекле. Не знам дали се сеќаваш, ама во Битола пред неколку години почина три или четиримесечно бебе од ДТП вакцина, два часа после примањето на истата. Се констатирало природна смрт. А синдромот на ненадејна смрт кај доенчиња е прва наведена од можните опасности при вакцинацијата. И сега треба родителите да си играат руски рулет со здравјето и животот на своите деца? Буквално е рулет, оти не знаеш каде ќе удри следното. Да дознаев порано за состанокот на здружението на родители против вакцините, ќе отидев и јас, ама за жал, не прочитав на време. Инаку, таму имало и мајки чии деца се со трајни последици од вакцините. Дали мислиш дека ќе ги убедиш тие мајки понатаму да ги вакцинираат своите деца? Не верувам.
Јас пак да одговорам , мислам, пак сол да додадам на манџата, извинете на сите кои ве нервирам, ама тоа ми е во крвта и слободно игнорирајте ако не ме поднесувате. Другата страна на медаљата , која е таа? Страниците и групите на шарлатанката Велков? Теории на завери? Шпекулации и полувистини? Во рамките на медицинската наука и оние кои се занимаваат со научно истражувачка работа консензусот е на страната ЗА употреба на вакцините како ефективен и безбеден начин за превенција на заразни заболувања. Тоа што некои доктори или медицински лица биле против вакцини не значи баш ништо, како што кажав поназад, лекарите не се имуни на глупавост и неинформираност. Ете и ти си стоматолог, па пишуваш некои работи кои се спротивни на основите на она што си го полагала. Има многу кои поминале површно во образованието, потоа не продолжиле да се дообразуваат, ќе прочитаат некоја шпекулација на страниците на Велков и ќе пишуваат глупости по форумите. И уште нешто, од сите тие медицински лица кои одбиваат вакцини, не потпаѓаат на некои вакви шпекулаци, верувам дека повеќето од нив многу добро ги знаат ефективноста на вакцините, но се доволно неморални за да мислат дека можат да бидат заштитени и без вакцини, но и тоа е погрешно. Да, деновиве баш некој ја објавил таа вест со детето од Битола на групата на Велков, но не ја објавил другата вест која кажува дека официјалните резултатите од обдукцијата биле вдишување на желудочна содржина, што нема никаква врска со вакцината. Вакцинирањето било руски рулет. Напротив, би рекла, навакцинирањето е руски рулет, освен ако не го држиш детото во стаклена кугла, тоа секојдневно доаѓа до разни луѓе, може да дојде во разни средини кои се со зголемен ризик, може да се појави епидемија, може да патува во други држави, па дури и за болести како тетанус кои не се со избувнувачки карактер туку се заради индивидуална експонираност на причинители, како при контаминација на отворени рани, сите се овие ризици кои се дел од рускиот рулет.
А јас се чудам ли се чудам, како во нашава ни Македонија нема ниту еден дијагностициран случај на поствакцинална болест. Што нација бевме и што вакцини примавме, кога нема ама баш ниедна реакција од вакцина ? Секако во јавноста нели.... Чуден сој сме..... супертела ремек дела...... А во нашите ни околни земји има бајаги случаи на поствакцинални заболувања, дури таму мора да се однесат нашите деца, за да некои добри чичковци доктори отворено им кажат која е причината на нивното заболување..... Којзнае тие други чичковци како ке ја дијагностицирале состојбата на детенцето од Битола, со оглед дека нашите немајки искуство со поствакцинални болести досеа, ќе констатираат се друго ама никако вакцина како причина на смртта.
Значи кажа две факти, прво велиш дека кај нас нема ниту еден дијагностициран случај на поствакцинална состојба. Од каде знаеш? И второ дека во околните земји имало повеќе, исто од каде знаеш? Не дека имам исклучителна доверба во нашиот здравствен систем, напротив, сметам дека се далеку од совршени, но она за што зборуваш се само јавните изјави, и замисли има родители кои не сакаат нивните деца ги прикажуваат во јавност, а здравствениот систем нема обврска да прикажува вакви статистики за пошироката јавност, што сметам дека не е во ред. Институтот за јавно здравје има обврска да дава редовни извештаи за заразните болести, така исто треба да има и за компликации од лекови и други медицински средства. Сериозните и трајни поствакцинални состојби се исклучиво ретки, и само за мал дел од нив научно се докажува дека се резултат на вакцината. Останатиот дел за кои слушаме се само судски пресуди во корист на тужителот. Односно судот одлучува, често во отсуство на сигурни докази. Ова е особено познато во САД каде се нарекува Vaccine court и има многу случаи каде е доделена отшета и без да има потврдни докази, тоа се случаите кои ги спомнуваше поназад. Всушност и студијата која ја направил Вејкфилд и крена голема врева била платена од адвокати и тој ги извртил фактите со цел да им послужи како навод за земање отштета од државата. http://en.wikipedia.org/wiki/Vaccine_court Во меѓувреме се вакцинираат милиони деца и возрасни без поголеми комликации од покачена температура и со тоа се заштитени од болести кои имаат далеку поголем ризик од вакцините. Инаку ако те интересира, еве како изгледа членот 69 од законот за имуно и хемиопрофилакса кој пропишува како се пријавуваат посериозни поствакцинални реакции:
Посурфај бре Експерт, знаеш да сурфаш, излези малце од таа твоја догматска кутија.... Нели ? А зошто не е должен ? Еве вака од твоето опширно средно медицинко образование... Тука сама дојде до поентата на мојот претходен пост. Ој мори мајко, ретки биле. Зарем 100тото или 1000тото дете ( и тоа пази само докажано од упорен родител а којзнае колку во бројката има и други каде родителите дигнале раце ) треба да се жртва на митото на вакцинација ? Пак дојдовме до громот во твоите коприви ? На толкави притисоци во јавноста и тајновитост на бројките ( ете ти срочи убаво погоре ) мислиш дека се останува на реткост ? Па кој го опали го опали ? Зарем современата медиција треба да е руски рулет ? Е драга моја Експерт, со Vaccine Court во САД, токму елегантно се заќуткуваат родителите на децата со проблеми од вакцинацијата. Големите фраери плаќаат преку него за да се заќуткаат масовните реакции од родителите на деца со последици од вакцини.... Адолф Хитлер рекол - Ако кажеш голема лага и доволно често ја повторуваш, ќе биде поверувано во неа. “If you tell a big enough lie and tell it frequently enough, it will be believed.” ― Adolf Hitler Ој бре Експерт, зарем дека не знам ? Јас ги проучував сите законски права и обврски и на пациенти и на лекари, за да на крајот дознаам дека детето може да биде невакцинирано без никакви казни и последици барем спрема сегашниот систем кај нас. Јас се прашувам зошто лекарите не седнуваат и пријавуваат поствакцинални болести согласно член 69, иако позади завеса може и ќе ти кажат ? Не прерипав ништо нели ? Јас понатаму ке ти дадам листа на прерипани работи од твоја страна кои сметам дека се исклучиво важни на темата, која упорно ја омаловажуваш
Според тебе јас сум неморална и површно сум го завршила факултетот. Размислувам со своја глава и тоа е грев за медицинско лице како мене, ме прави глупава и неинформирана. Фала на деталната анализа, ме просветли Јас никого не терам да не вакцинира, само кажав дека си донесов одлука. Моја, не убедувам никого за ништо. А ти ме нападна како да им ставив нож под грло на луѓето да не ги вакцинираат децата. Не само мене, сите тука. Слободно продолжи, јас завршив на оваа тема.
@yarre Што е поголем ризик или рулет, контролирана имунизација со безбедни вакцини или прележување на опасни болести? Ти повторно не си сфатил за што дискутираме. Не дискутираме за тебе и за твоите деца кои се релативно безбедни во вакцинирана средина, туку на ниво на популација. Тоа што не можеш да ги погодиш соодветните аргументи за различните аспекти на вакцинацијата ги прави недоразбирањата на кои сме сведоци на темава. Те молам посочи ги тие работи, баш сакам да ја конкретизираме дискусијата повторно по неколку страници општи препукувања. @Annath Пренесување на дезинформации не е размислување со своја глава. Ти како професионалец од науката мора да имаш доза на скептицизам и да не потпаѓаш под глупости напишани на некои фејсбук групи, а уште повеќе да се фалиш дека тоа е размислување. Работите кои ги напиша не се предмет на размислување, тие се научни теории и хипотези кои бараат свои докази и потврдување. Ете и ти имаш таков впечаток дека тука дискутираме со цел да убедиме некого. Јас барем како што сфаќам ова е една општа дискусија за општо информирање, никој не убедува, а ниту може да убеди некого, чисто споделуваме факти и мислења.
Безбедни во вакцинирана средина? Како, ако знаеме дека и вакцинираните деца заболуваат? КАКО вакцинираните деца го „обезбедуваат“ моето невакцинирано дете? Преку пренесување на болеста? Вакцинираните не треба да се плашат, нели се имунизирани, исто како што не треба ни да се покажува со прст кон невакцинираните, зошто тие нема да ја „прошират“ болеста ништо повеќе од вакцинираните. Што е поентата на реченицата погоре?
