Само на поминување сум видела мал дел од Валандово. Оние кои се од таму или го посетиле, има ли нешто интересно да се види?
валандово па низ градот немам шетано нешто за да знам но над градот имам одено во таа дискотеката со базент супер е. Сега и рибник имало било мн убаво направено. Кога доагам од Гевгелија во археолошкиот локалитет исар имам забележано неколку пати како го посетуваат групи, ама тоа е далеку од градот може некои 5-8 км па и повеке.
Валандово, прекрасно мало местенце на југ, заграден со планини и отворен кон југ кон море, претопло во пладневните часови и прекрасна свежина во вечерните часови. Град преполн со цвеќиња, егзотични дрва кои раѓаат плодови кои на друго место ретко се наоѓаат, банани, урми, киви, калинки, јапонски јаболки, јапонски мушмули, со највкусно грозје од кое се прави преубаво вино и ракија.... Град во кој ретко врне дожд, а за снег со години може да се случи да не падне ни снегулка, врели лета и пријатни зими, пролетта и есента се пријатни. На една улица начичкани едно до друго куп кафичи со големи летни тераси и секаде ечи едно радио, се разбира Радио Валандово, измеѓу куп обложувалници и мали тобако продавнички. Секоја втора жена работи во конфекција, а младите не се многу расположени за потешка физичка работа па најчесто остануваат во Скопје за полесна егзистенција или работат во локалните кафичи. Последниве десет години Валандово се препороди буквално, со новиот базен сместен во ридовите, со преубав поглед на природа и многу сонце, во доцните ноќни часови функционира како дискотека, барем така беше порано очигледно во последно време има многу промени па годинава и не работи во ноќните часови. Освен во лето градот не функционира многу во другите месеци, во Мај-Јуни е познатиот Фолк Фест, во Ноември е Ракијада, преку годината нема други попознати случувања, локално се одржуваат фолклорни дружења и помали забавни содржини, спортски турнири и натпреварувања. Главен ден во Валандово е Среда, ден за пазар и ден кога од 5 000 жители се собираат уште најмалку 1 000 од околните села. Ова е моето Валандово, мојот роден град
Валандово ми е познато само транзитно и еднаш влеговме на кафе, многу мало гратче, немаше некое движење, не знам кој ден се погоди коа бевме, можеби било и недела. Некако ми остави впечаток дека е пасивно.
