Вашата прва прочитана книга

Зоки Поки- Оливера Николова.

Јас ги имам прочитано скоро сите книги на Оливера Николова од други причини, ама со оваа книга ја паметам и никогаш нема да ја заборавам.
Добро оваа е детска литература, од литература за возрасни мислам дека ми беше Белата Долина од Симон Дракул во 4то оделение, надвор од тие нашите зададени лектири.

 

Не се сеќавам точно, ама сигурно била некоја детска книга што сме ја читале како лектира.
Од слободен избор, многу добро се сеќавам дека прва книга што ја читав беше „Како се калеше челикот“. Во домашнава библиотека имавме едно многу убаво издание на книгава, па изразив желба да ја читам и побарав дозвола од татко ми Сега ми е смешно кога гледам дека има помалку од 400 страни, зашто тогаш ми се чинеше дека ја читам „Војна и мир“ Не се сеќавам колку години имав, ама знам дека уште бев основно. И знам дека ми беше многу поинаква од книгите што ги читавме за лектири.
Од денешна перспектива, можеби не требаше да читам додека бев толку мала, зашто знам дека не ја проценив вистинската вредност на книгава. Ама ете, темава ми беше поттик да ја прочитам уште еднаш

 

И мене ми е Зоки Поки,ама мислам дека не се бројат лектирите
Првата книга надвор од училиштето ми беше од Горјан Петрески-Исти очи, имав 13 години и ептен ми беше убава,додуша уште ми е прекрасна,знам да си ја препрочитам.
После следеа книги што ги подаруваа од Наш Свет,како што се „Еј Пиги,се заљубив“,„На седмо небо“ и „Дебела,бисквити и љубовна болка“
За прва озбилна книга ја сметам Среќен е тој што умее да сака од Херман Хесе.

 

Да знаете само колку и во мое време не читаа лектири дури ни во прво оделение, и те како се бројат лектирите, дури и детските Зоки Поки и Касни порасни

 

Мене прва прочитана книга ми беше ,,Зоки Поки,, од Оливера Николова нидејќи таа ни беше првата лектира во прво одделение.Се сеќавам убаво на денот кога учителката не одведе во прво одделение сите за да не запише во библиотеката на одделот за деца затоа што како учителка имаше за задача да ја всади во нас уште од прво одделение љубовта кон книгите и кон читањето воопшто и сите моравме да земеме по една книга што библиотекарките ќе ни ја одредат според нашата возраст.Мене тогаш ми се падна една со илустрирани како сликовница приказни коишто јас ги имам некои од нив дома купени на српски јазик,а таа што тогаш ми се падна беше на литературен македонски.Значи,таа илустрирана сликовница со приказни ми беше првата прочитана книга надвор од лектирите на училиште.Подоцна,во второ одделение мајка ми ми зеде една книга исто на детскиот оддел во библиотеката ја имаше на српски јазик од ,,Кадок,, едицијата,,Сарат и Випули,,авторот не го помнам кој беше,мислам дека машко беше иако обично љубовни романи жени пишуваат(добро,не беше книгата само љубовна,иако насловот ги содржи имињата на љубовниот пар во книгата,се работеше исто и за други ликови во книгата и за животот,созревањето и смртта воопшто).Иако мислам дека ја разбрав тогаш книгата,сепак од денешна перспектива знам дека таа не беше за деца за второ одделение,туку за подоцна,за тинејџерската возраст кога децата созреваат и се развиваат во себеспознавањето,ама,сепак,тоа е тоа,од минатото не се бега,не може ништо да се промени.И така,јас уште од дете ја стекнав љубовта кон книгата,иако како мала пред да тргнам на училиште ги кинев подоцна го сменив мислењето и станав зависна од книгите и читав буквално и што треба и што не треба!

 

Најверојатно Зоки Поки
Ако се бројат и лектирите би ја ставила таа. Ако не се бројат тогаш ќе кажам „Козета„ од Виктор Иго. Се сеќавам дека мајка ми чистеше и планираше да ја фрли книгата. Цела беше пожолтена и имаше искинати корици. И ја дале како пофалба за завршено 4-то одделение со одличен успех.
Почнав да ја читам и ден денес, после 20 години се сеќавам на сликите кои си ги правев во главата кога мајката на Козета ги продаваше своите заби и каде спиеше девојчето. Мислам дека тие слики ќе ги аметам додека сум жива

 

Зоки Поки

 

Јас се си мислам дека беше Снежана. Во прво одделение читав по 2 сликовници дневно. После ги читав книгите од Ванчо Николовски, тие ми беа омилени.

 

Не се сеќавам баш добро. Мислам дека први ми беа „Зоки Поки“ и „Касни - Порасни“.
Кога почнав на училиште мајка ми цело време ми земаше од библиотека книги да читам кои не се на училиште, ама не можам да се сетам на некое име.

 

Зоки Поки и Kасни Порасни ги читав уште пред да почнам на училиште, со брат ми сме 3 и пол години разлика па кога ќе му зададеа лектира на училиште заедно ги читавме прва малку подебелка лектира која ми оставила впечаток е Возот в снег од Ловрак а прва книга што прв пат сама ја купив е Поле" од Мек-Тагарт.

 

Имав некои бајки дома, веројатно прва била некоја од нив.
Прва на која се сеќавам, освен лектирите ми беше Дружината Братско стебло

 

Јас се научив да читам со сликовниците. Мислам дека првата сликовница што ја прочитав се викаше "Златка и трите мечки". Омилена ми беше тогаш
Инаку прва прочитана книга ми се чини дека беше Касни Порасни или Зоки Поки некоја од овие две беше,ама не се сеќавам баш добро
После знам дека го читав и Глувчето Мице.
Инаку ко бев мала си бев мрза така за читање,па поголемите лектири ми ги читаше тато,или евентуално мама ако успеав да ја убедам
Срам да ми е.