Вашите методи и техники на учење

Неколку техники како да учите поефективно !!!

Секој има различни техники и навики како го поминува времето над книгата. Сепак, главен услов за добро совладување на материјата е ефективноста, односно квалитетно потрошеното време учејќи. Нормално, со ефективноста цврсто се приклештени и принципиелноста и дисциплината, но и двете се тешки за остварување. Држејќи се до некои од овие совети, можеби ќе си олесните при процесот на учењето.Неколку техники како да учите поефективно
Направете си распоред

Распоредот ќе ви овозможи многу полесно да си го организирате времето кое планирате да го поминете учејќи. Во распоредот вметнете ги паузите и другите активности, кои планирате да ги направите и строго држете се според него. Можеби звучи едноставно и небитно, но добро испланираното време ќе ви овозможи поголема контрола и ќе постигнете одредено ниво на дисциплина.Неколку техники како да учите поефективно
Учете одморени и во мирна средина

Иако студентскиот живот „налага“ да се учи до раните утрински часови, сепак тоа е многу неправилно. Сонот е многу важен предуслов за доброто меморирање. Подобро станете порано, денот поминете го учејќи, а вечерта забавувајте се со пријателите и легнете порано. Непреспаните вечерни часови и дневното спиење можат само лошо да влијаат врз вашиот метаболизам. Учете во мирна средина, изолирани од секакви технички и комуникациски средства, а доколку таква немате, заминете во факултетската читална.Неколку техники како да учите поефективно
Не читајте на глас и пишувајте забелешки

Иако многумина го практикуваат, читањето на глас е многу погрешно за ефективноста. Анализите покажуваат дека читајќи на глас губиме 33% од брзината, а концентрирајќи се на читањето губиме голем дел од концентрацијата која ни е потребна да го чуеме и разбереме прочитаното. Пишувањето белешки е многу важно за лесно повторување на материјалот. Учејќи, сами можете да процените кој дел го сметате за поважен за веднаш уредно да го забележите во тефтер. Така, ќе си водите еден вид краток дневник за материјалот. Ќе ви биде од огромна полза.Неколку техники како да учите поефективно
Блиц совети

* Кога учите, сè што ви е потребно нека ви биде при рака. Не губете го драгоценото време барајќи ја потребната книга, некои забелешки или маркер. Пред да седнете, подгответе се добро, па потоа започнете.

Неколку техники како да учите поефективно

* Никогаш немојте да учите последните 30 минути пред да легнете на спиење.

Неколку техники како да учите поефективно

* Никогаш немојте да учите 30 до 90 минути после оброк.

Неколку техники како да учите поефективно

* Учете без прекинување најмногу 45 минути, а потоа направете 10 минутна пауза, па продолжете. Научно е докажано дека концентрацијата не може да ве држи повеќе.

Неколку техники како да учите поефективно

* Паузите кои ќе ги правите, треба бидат подалеку од местото каде што учите. За време на паузите дозволете си да мислите на нешто друго, немојте на материјалот.

http://www.kafepauza.mk/zivot/nekolku-t ... efektivno/

 

Учам со пишување и некогаш мн. ми е мачно,но полесно ми е за повторување. Во последно време почнав и со музика да учам...некако ме опушта музиката и поубаво ми е
Немам некои посебни техники,ритуали пред учење.Седнувам и тата-мата се правам
Иначе имам читано дека кога си под притисок повеќе запомнуваш,што до негде е точно...

 

http://www.femina.mk/%D0%B7%D0%B4%D1%80 ... 0%BD%D0%B8

 

Ова е техника на учење?? Не сум знаела!!

 

хмм......јас не можам да научам нешто ако не го сватам т.е ако не го разберам и не створам слика

 

Повеќе учам на час, отколку дома! Потребна ми е тишина, а музиката (нежната) е добредојдена.

 

Za da ucam najvazno mi TISINA.Bez tisina lesno mi se odzema golem del od koncentracijata...Ne samo toa tuku i ako ne ucam vo tisina lesno ja zaboravam lekcijata iako sum ja ucela.Najmnogu mi odgovara da ucam navecer da me preslusa roditel ili postar i sama da se preslusam .Utredenta samo ja poftoruvam (dokolku sum popladne sekako)
[mod-kirilica:11iknkgj][/mod-kirilica:11iknkgj]

 

не е техника ама интересно ми беше а не сакав да отворам нова тема

 

Со читање од книга не можам да научам затоа обично учам со пишување.
го издвојувам најважното од лекцијата и го запишувам а потоа го учам.

 

Си купив убава папка за се да изгледа интересно како да читаш книга или правиш ти што сакаш, а не што мораш.
Маркери, пенкала во многу бои, стикери и така натаму.
Зимам пред бел лист и како што ја учам лекцијата запишувам белешки за кога ќе повторувам или помош при испрашување. Додека не запаметам еден пасус кој ми е на кратко запишан на листот не преминувам на нов.

 

Прво да кажам дека најубаво учам и концентрацијата ми е солидна рано наутро.
После, кафе обавезно.
Е, сеа.. материјалот го прочитувам еднаш да видам од прилика што се работи. Побитните работи ги подвлекувам, или пак подвлекувам се читајќи, а каде што има празни места во книгата исто ѕврцкам некои побитни поими.. Книгите ми се лом.
После доколку некаде запнам, нешто не го сфаќам или е посложено, си го упростувам по мое и го раскажувам во тетратка.. Или на некои листови, кои си ги чувам во папка..
Бирото ми е хаос, ама добро си функционирам така..

 

Ги читам пасусите неколку пати ги раскажувам па цел урок го раскажувам уште еднаш

 

Јас одамна завршив со ова, ама ќе ги кажам сопствените методи и техники, еве конкретно за спремање цел испит како потешко од совладување дел од материјал.

При првото читање подвлекував со маркери или боички дефиниции и поважни податоци на страната. И остануваше само на читање без седнување и здраво учење да видам за што е материјалот во целост.

Понатаму го делев материјалот според деновите кои ги имав за спремање пр. оптимално на ден 30 или 50 стр. ова сега од ракав сугерирам, сега имав и отстапувања од оптимумот секој ден не е ист некогаш натфрлав, но и потфрлав, ама во глобала се вртев околу просекот, .

Да напоменам во живот не сум раскажувала, до крај читам само, при самото читање знам кога веќе ми е совладан материјалот и колку. За мене раскажувањето дали усно или писмено по тетратки секогаш било губење на време, ама ако некому му помага ок е да си го користи.

Инаку учев во сите периоди на денот и ноќта но најдобро е во доцните ноќни, или па раните утрински часови кога има најмалку врева од околината и концентрацијата е најголема.

 

Мене не ми требаат ни маркери, ни ливчиња, ни подвлекување, ни пишување.
Јас ќе си земам книгата и правац во дневна или спална, во детска нема шанси нешто да научам. .Ќе си се испружам на кревет, телевизор уклучен, или па мајка ми и сестра ми кога гледаат лисјата јас си учам, ич не ми смета галама, ни да збори некој.
Си ја делам лекцијата во делови па првиот, па вториот и така до крај, за 10-15 мин ја учам, многу брзо сфаќам.После се прелази на друга лекција, така до крај.
Учам секогаш од денес за утре, нема шанси еве на пример денес нешто за во понеделник да учам, или вторник.За тест во 5 за 12 учам, односно ден-два пред да правам, исто и за испрашување.

 

Бидејќи имам обемен материјал за учење, најлесно ми е да подвлекувам со маркери во различни бои. Некогаш и фаќам забелешки на страна, на пример некои поделби кои ми се потешки за да ги научам. Обично учам преку ноќ затоа што само тогаш имам целосна тишина и никој не ми пречи. Нес кафето ми станува најдобар другар за време на сесија, а и благото ми е многу важно за концентрација

 

Нема учење, само препишување. Шала.
Па, обично, некоја лекција, ќе си ја прераскажам на мој начин, тоа што е по основното. И после, учам од тоа, делче по делче. И кога ќе завршам со цела лекција, ја прераскажувам неколку пати и подѕирнувам. Се додека не го научам перфектно, без подѕирднување.. И кога ќе завшам со сите лекции, пак ќе ги прочитам сите. За да не ги заборавам и првите. Најчесто учам на памет, и после неколку дена го заборавам. Ама зависи и од предметот.
Иначе, и јас не го учам тоа што ми е за 3-4 дена, ќе го заборавам. Па после треба од почеток. Што се вика.. кога ќе ми дојде јајцето до г*от.

 

Дефинициите (најважното што треба да го знам) го ваѓам на лист од А4 формат. А потоа си ја читам целата лекција. Неколку пати, пасус по пасус. Потоа си ја повторувам лекцијата на глас, со затворен учебник. Доколку заглавам некаде, си се потсеќам. Најлесно ми е така. А некогаш учам и на глас.
Откако ќе ја научам лекцијата, ги читам и претходните.
Обавезно значи мора да е тишина, инаку се деконцентрирам. Најубаво ми е кога сум сама да учам. Никаква галама. Инаку, обично учам на дење, на вечер само повторувам.

 

Јас сум малку комплициран случај. Додека да се наканаааам на учаааам..Па после отварам книга ќе читнам и оп паметот да ти отишол на друго место јас на друго си мислам.И после гледам дека јас уствари сум почнала да учам,па читам отпоново,пробувам да раскажам.По пасуси.Некогаш (ако се работи за историја или сл) го пишувам најглавното од учебник на лист и си читам.Па раскажувам и така..Порано повеќе време ми требаше за да научам.Сега малку помалку од порано.Ама многу време трошам за малку материјал,што ли ќе правам на факултет ...
пс:сестра ми ми кажа дека некаде прочитала дека ако неможам да се сконцентрирам додека учам да си ги облечам патиките.Ќе сум се осеќала спремна штознам.И уште не сум го пробала овој метод.Смешно нели?

 

Тежок тип сум за теорија. Најпрво ги вадам најбитните делови, си ги раскажувам на мој начин за да можам полесно да ги научам и ги пишувам на листови. Прво убаво ќе си ги напишам и подвечам во 3000 бои за да ми биде поинтересно за учење и потоа истото пак цело време го пишувам (ногописно) на листови за да можам да го научам. А ако земам да читам, џабе. Што влегло - тоа изглегло. Но, дополнително факултетот на кој студирам(електро :geek: ) се базира и на безброј задачи и програми. Задачи и програми решавам исклучиво со музика.

 

Читање еднашка на целиот текст а потоа подвлекување со црвено или маркирање со флуоресцентно жолт или портокалов маркер на клучните реченици и истите ги препрочитувам по повеќе пати. Додатно концентрација ми дава ако има умерен џагор околу мене ама не да ми се дере на уво некој, туку онака десетици луѓе да прават бла бла.