Вашите ритуали пред заминување на работа

Мислев има ваква тема, ама сега пребарав со клучни зборови како насловот, и немаше.
Не знам и дали местото е соодветно, па модератори, ако сметате дека треба- преместете ја.

Сакам да ве прашам кои се вашите ритуали пред заминување на работа, колку минути/часови претходно станувате, дали се мислите што да облечете или тоа ви е смислено од претходната вечер, пиете ли нешто за да се расоните, зјапате ли во празно пред печка за да се стоплите , дали се врткате без разлика колку рано сте станале, па пак да касните, итн, итн...

Интересно ми е да знам, бидејќи јас кога и да станам сепак на крај заминувам во брзање, бидејќи си наоѓам некаква причина да се маткам- си ја поправам косата, ова она, и на крај пак во брзање.
Јас станувам цел саат порано (за 10 мин сум до работното место), па во тоа време, си правам нешто за пиење, си го пакувам појадокот, па зјапам во празно, се топлам, па мислам што да облечам, па се шминкам минимално, местам коса и заминувам во трчање.

Така ми се случуваше и на факултет, само таму ако видев дека доцнам- не ни одев

Какви се вашите искуства ?

 

Same here

Секое утро станувам еден час порано, но на крај секогаш ми е се во брзање

Маж ми ме буди со кафе- тоа ни е ритуал, он го шмркнува во секунда, а јас пола саат заглавувам во ВЦ-(средување). Одвечер имам спремно што ќе носам, но сепак нешто не ми се свиѓа, па сто комбинации други, пеглање и набрзина само пола кафенце ќе дрмнам и во борба со сообраќајот накај работа.

А уште потрагично беше порано кога ме носеше маж ми на работа Кај и онака се ми е во брзање, па уште некој друг од страна кога ти збори и те брза

И секој ден кога ќе се вратам од работа е истиот муабет- Ааа за утре не. Што сум испеглала тоа ќе носам, ама џабе. Никогаш нема да се сменам, колку и да се трудам ...

 

Јас немам таква навика да станам порано и полека да се се спремам или да си сварам кафенце. Си викам поарно тоа време ќе со го спијам, ќе си се топлам. И така, обично алиштата си ги вадам од вечер за нели сабајле повеќе време да имам за спиење. Си знам точно колку врме ми треба за спремање и станувам тогаш и точно си тргам. Нема шанси некогаш да си речам ај ќе станам порано, не бре може покасно 5 мин. порано никако. Значи посебни ритуали немам, станувам (одвај со мрза од шо морам), одам се мијам, се облекувам, косата, шминка и за пола саат сум спремна

 

На работа сум од 08 часот. Алармот ѕвони во 6,45 и секогаш кога ќе си кажам ај уште 2 мин и тој втор сон ме зезне . Ако сум сама стигам на време ама претежно го возам малиот во градинка и уште ако не му е погоден денот па се убедуваме и натезаме, е тогаш доцнам некои 5-10-15мин.
Не излегувам од дома додека не се напијам кафе па по цена и да доцнам . Додека се мијам и средувам, облекувам, а облеката од навечер ми е измислена што ќе се носи , кафето се лади. Пијам кафе и се шминкам.
Го средувам малиот а понекогаш вриштам и по големиот (тој обично излегува после мене) да стане.
Понекогаш подготвувам појадок за на работа и обавезно пијам пола чаша сок од портокал. Кафето и портокалот (цедам или готов) ми се веќе одамна некој си ритуал. Една голтка сок па потоа кафе (избегавам на празен желудник кафе да пијам).
Вадам кола од гаража и летам. Е, сообраќајот е посебна приказна и те како понекогаш знае да биде нервозен со оглед на тоа дека треба да поминам низ најголемата гужва во градот.
Доаѓам на раб. и пак пијам кафе ама 3 во 1 и планирам се што треба денес да се заврши.

 

Всушност станувам речиси 2 часа (саат и 45 минути ) пред почетокот на работното време и тука ми е вклучено 3 пати преѕвонување на алармот, спремање околу 30 минути, 5-10 минути шетање на кучето, пат околу 20сетина минути и стандард стигам порано на работа, минимум 30 минути.
Спремање активно дома имам околу 30 минути ми се на некој начин начин поделени 10 мин тоалет, 10 облекување и 10 шминка и коса.
Како програмирана сум и се ми е по ред и тајминг. И ако ми искрсне нешто непланирано ко мува без глава сум.
Од вечерта ми е спремна облеката, ташната исто, чевлите, накитот, ма се.И ако имам доручек од дома тогаш и тоа од вечерта ми е спремно.
Во случај да мора да ја променам комбинацијата најчесто временски непогоди е тука губам време и се нервирам.
Се шминкам премалку дури и 3 минути некогаш ми се доволни.
Пијам природен сок зимно време, тоа додека се шминкам.
Кафе никако, тоа на работа.
И стигам на работа 30 минути порано, да си седнам ко чоек, кафенце и чајче, интернет и работење

 

Спремањето за било каде секогаш ми е во последен момент и од таа причина скоро секогаш доцнам. Сум приметила дека и да почнам да се спремам порано, си наоѓам нешто во меѓувреме и повторно не сум на договореното место во договореното време. Имам среќа што на работа колку-толку се толерантни према мојата мана и немало замерки, но од друга страна секогаш гледам да дадам максимум од себе, останувам до подоцна, не правам проблеми ако нешто треба да се заврши и вон работно време и со тоа гледам некако да искомпензирам за изгубените минути во утринските часови.

Од прилика вака се троши времето:

07.45 Ѕвони алармот (прво будење).
- Во меѓувреме дремам, се тегнам, размислувам што да облечам, што да правам со косата...
08.10 Ѕвони алармот (веќе 6ти пат). Станувам и почнува миење и шминкање.
08.35 Пред плакар, ако имам комбинација во глава веднаш се облекувам, во спротивно чепкам, расфрлам и трошам непотребно 10тина минути.
08.40 Ако брзо се облеков, ја пеглам косата - Ако изгубив многу време, само ја собирам.
09.00 Излегувам од дома.
09.10 Доцнам на работа.

 

Кога одат децата во училиште и градинка станувам во 6.30, до 7 се спремам - ретко кога одлучувам од вечер што че носам, ако имам за пеглање - пеглам, ако малку се успијам гледам да најдам нешто пеглано . Исто и за децата, секогаш имаат нешто пеглано, па утрото само им облекувам нешто, не подготвувам алишта од претходниот ден. Сопругот сам се пегла, и обавезно тоа го прави наутро.
Времето за подготовка ми поминува на туширање, облекување, малку шмикнање и фризура - за шминкање и фризура некогаш и помлаку од 5 мин ми одат, зависи во каква состојбба сум, особено косата

Во 7 ги будам децата, и ги спремам до 7.30. Ако и муж ми стане во 6.30, тогаш успеваме да ги спремиме децата до 7.30 и излегуваме заедно, ако не - ја носам ќерката, а за тоа време сопругот го спрема синот, па ако се готови - одиме сите тројца, а ако сопругот не е готов - тогаш го носам синот, па се враќам по сопругот. Спремањето на децата се состои во натегање дали ќе станат или не, па дали ќе мијат заби (синот), дали ја кубам ќерка ми додека ја чешлам, итн

Има и денови кога е обратно, тој ги носи зошто јас не сум спремна, а тоа е кога мијам коса сабајле, или кога сум заглавила ноќта со читање или работа, па сабајле не можам да се освестам.

Значи, во зависност од тоа дали ќе излеземе сите тројца во 7.30, или после 8, на работа стигнувам најрано во 7.50, а најдоцна во 8.30. Работно време ми почнува од 8.30, ама лабаво е, и другите доаѓаат во 9. таман имам време да завршам нешто за кое ми треба мир и тишина.

Ако децата не се во училиште, тогаш се будам во 8, излегувам во 8.45, и во 9 сум на работа.

Кафе пијам на работа - дома не пијам ништо, ако носам јадење - единствено тоа го подготвувам од вечер, а сабајле може да земам само некоја овошка. Децата ако имаат нешто за носење - им подготвувам се од вечер (ранец, материјали...)

 

Некои навики,уште додека студирав останаа исти и денес за на работа.
Пример,после станувањето прво го ставам кафето,па одам до wc,потоа го оставам да се лади,за тоа време се облекувам и се шминкам,па седнувам малку на компјутер-10-15 мин, да си го испијам кафето на раат и да јадам,обично корнфлекс, млеко со плазма,и обавезно лажичка мед.
Навечер спремам што ќе носам,ја средувам чантата-тоа ми е малку поголема обврска бидејќи средувам и плус чанта за документи.
Доцнењето некоја минута е неизбежно,скоро секогаш.
Одењето на работа заедно со маж ми,е многу напорно или јас ќе викам по него дека задоцнил или тој,никако да се погодиме

 

Станувам веданаш штом ми звони алармот (можда 2-3 минути се тегнам во кревет ), одам во ВЦ, 5 минути, следните 5 минути се мијам лице, следните 10 минути се шминкам, за 2-3 минути се облекувам ( од вечер спремам облека) и то! Спремна сум за пола час! Појадувам на работа!

 

Моите ритуали пред заминување на работа започнуваат со:

Будење во 07:00 часот работното време ми започнува во 08:00!!!
Првата работа уште пред да одам во купатило(ако е зима,уклучување на печката,да грее)и обавезно antena5 тогаш и на нив им почнува програмата

Се враќам од купатило и почнувам да се облекувам(одвечер целосен стајлинг имам подготвено,до чанта,чевли,часовник....)

Потоа започнува процесот на косата,ретко ја носам собрана.Или ја носам пеглана,или благи локнички виткани со преса(онака природно да делува,не како некоја препарирана тетка со локни на глава )

Потоа ставам малку шминка(пудра,туш,римел,сјај-ако сум бледа и руж ако не немам потреба)не ставам за на работа многу шминка...

Ставам парфемче ја зимам чантата(ја проверувам уште еднаш,дали ми се клучевите од дома во неа и праичникот-тоа ми остана навика од фак,само што тогаш го проверував и индексот дали е на место ) папката и заминувам.

Не појадувам дома ретко кога имам време,појадуваме на работа обично со колешките,јас си купувам од надвор успат, кога го собирам платниот промет.

Немам некои невообичаени ритуали при спремањето,онака едноставно се спремам,наспана одморена полна со елан за работа заминувам!!!

 

Телефонот ми ѕвони во 6.45.Му правам Snooze.Пак ѕвони,станувам во 6.50.Одам во тоалет.Ги будам децата,ги бацувам,им го масирам грбот.Одам во дневна,таму ме чека мирисот на свежо сварено турско кафе,и вообичаеното прашање:
,,Какво ти е кафето,сум ти го погодил?"(маж ми станува на првото ѕвонење на телефонот).
И мојот одговор.
,,Ма се ми е убаво од тебе.''
Пијам кафе,пушам две цигари,(постојано си викам дека од сабајле ќе почнам да пијам природен сок,ама не ми иде некако)гледам вести и временска прогноза.
Во меѓувреме ќерка ми протестира за изборот на алишта што сум и ги дала да ги облече(ако не е фустан или сукња).Со син ми немам проблем.Прифаќа се што му давам да облече.
Одам да се облекувам.Никогаш од вечер не мислам што ќе носам наредниот ден.Не сум пребирлива по сабајле,облекувам првото што ќе ми дојде при рака.Се шминкам многу малку,маскара,креон и кармин,ставам соодветен накит.Со косата ако ми е исфенирана немам проблем,а ако не тогаш некоја пунџа и готова сум.Во меѓувреме коста на ќерка ми ја средуваме.Сакам вакви шноли,она венче ,ај сега плетенка...
Проверувам во ташната дали имам се,на децата им давам по некоја овошка.Книги и ранци не носиме во школо (целодневна се),освен опремата на син ми за тренинг која му е од вечерта спремна.
Излегуваме.
Се бакнуваме со маж ми ,тргнуваме,ги оставам децата во школо,и одам накај работа.
Стигнувам околу 8,плус минус 5 мин,зависи од тоа каде ќе најдам место за паркирање.

 

Се будам во 6:20, од дома излегувам во 7:00. Се мијам, се облекувам, се парфемирисувам, малце шминка, излегувам еден круг околу куќа со кучката (мн е весела насабајле) и на посао. Од вечер ми е спремана облеката, поткаснувам на работа по нешто, дома не јадам, а кафето го пијам тек после јадење. Ако не станам веднаш кога ќе ѕвони будилникот, или денот ми е за никаде, или може да се случи ич да не станам до 12

 

Ама како можете да имате толку многи ритуали од сабајле?? Секоја чест на духот!

Јас станувам во 10 до 8, а од 8.30 сум на работа. Се мијам, облекувам (од вечер спремно), парфем и стик, ташната на едно рамо, кацигата за моторот во рака и низ врата за 15 минути откако сум се разбудила. Шминкање (ако ми се сака да се шминкам - ретко се шминкам) на работа во вц за 2 мин, а кафе-мафе на раат таму во колегите и колешките..

 

Будење во 6 и 30 ,со дремење варам кафе за сопругот и го топлам мелакото за син ми, додека сопругот пие кафе јас се спремам , спремањето ми трае 20мин. го разбудувам син ми ( се треска од кревет и вика нанананан - ова стандард) го спремам и него спремам и поручек за на работа .. тоа е од прилика, Сакав да кажам стануваме на време па дури и пред време ама последните 15 мин. трчаме низ дома како пожар да има , а и морам да се вратам по телефонот или клучевите од колата или пак да не ми биди мисла дали сум го исклучила шпоретот или пеглата

 

Станувам кога ќе се разбуди ќерка ми, значи аларм никогаш не местам, оти си знае дете - до 7:30 секогаш ги отвора очите Не знам што енергија има, веднаш рипа од кревет и ко навиена Мамамамамамама за да станам и јас и да одиме во дневна кај Ноди

Во меѓувреме варам кафе (од добропознатите причини, трчам јас да бидам прва што ќе го фати ѓезвето ) и седнувам да се одморам, цела ноќ поминала, не е мала работа....така мамурна, обавезно пуштам музика за да можам на раат да дремам и ѕверам во аквариумот едно 10мин, додека не почне мозокот со работа. Е кога мозокот почнува, се префрлам од тросед на Орбитрек и тепам 15мин, чисто за циркулација, оти висока сум многу, крвта тешко ми стигнува до главата
После тушот, седнувам во бањарка за кафето да си го испијам, и тоа скоро секогаш ми е на екс, оти веќе почнува спринтот. Фаќам прво што ми е при рака (не научив и не научив да спремам комбинација од вечер!) за облекување, грабам ташна и излетуваме низ врата. СЕКОГАШ се шминкам во кола, оти нели немам време дома од дремење и сва среќа што немам потреба од разнесување на дете...

Спојлер

Вака наспана и освестена, кога си го читам делот со кафето, ми светнува.....а бе, гарант оној мојон ме заебава намерно со кафето, за да трчам јас прва и да варам....ц ц ц ц

 

Јас немам навика да станувам порано пред да одам на работа. Секоја минутка насабајле е битна за спиење. Станувам половина час пред да одам. Се туширам, се облекувам, се шминкам ( пудро и маскара ) и излегувам веднаш бидејки кога и да погледнам колку е часот, немам време за ништо друго. И по пат накај работа пушам цигаре.

 

ЕДВАЈ станувам во 7 часот. Одам во веце се мијам се средувам. Земам се тегнам, се облекувам, се шминкам и до 7,30 готова сум. Не пијам кафе дома бидејќи на работа си пијам со колешките.

 

http://www.youtube.com/watch?v=M_PsvYZUYzM

Се зезам бе, јас не ни одам на работа.

 

Слично и јас само што чај обавезно пијам пред да излезам и од што ми се спие, мислам дека цел свет ми е крив...

 

Јас го местам алармот во 6 и 15, ама до 6 и 30 не станувам, и нормално трчам, брзам во wc, да се облечам (без спремна комбинација од вечер), немам време за шминка па земам во ташна викам ај на работа ќе се спремам, си ја гледам косата викам ајде супер ми е и излегувам во 6 и 45 од дома трчајќи накај автобусот. Ако идам со кола иста приказна само го местам алармот 15-20 мин подоцна. И секој ден викам утре веднаш ке станам да имам повише време ама ништоо, пуста желба за сон