Aко сакаш да се причестуваш не смее. Ниту бакнување, ниту нечисти мисли. А за виното јас сум слушнала дека може по една чаша, само умот мора да остане чист и незаматен. Од поп го имам слушнато ова.
Јас нема да одам во црква таа недела затоа што ќе имам добиено но сакав постот да го држам но незнам петок сабота...без бакнување..леле луѓенца
Алкохол 100% не може, гарантирам, тврдам и потврдувам. Секс и друг вид општење мислам дека и тоа не. Ипак покрај храната многу побитна е психичката, внатрешната, духовната страна на човекот. Без црни мисли, без пцовки, минимални нервози, толеранција и сл. Зошто постот е со цел прочистување на духот и телото. Јас кога постев на секоја пцовка си го гризев јазикот, со оглед што пцујам ко кочијаш, добро е што цел ми остана.
Јас почнав со постите. Неделава без зејтин, без риба, без маслинки, без кафе, без вино, без секс, без бадеми... Следната недела може да се уклучи некоја компонента... Ајде со лесно нека е, и многу чисти души после постот!
Леле ич не сум по овие работи, но ме интересира зошто без бадеми? Јас почнав да постам, само една недела, поим немам што да јадам, што не. (еве на пример прв пат читам за бадеми) Јас денес, само леб и мармалад јадев. За тоа знам. (ќе постам со зејтин) Чисто онака земав, зошто сакав да пробам,откажав и диета и се, а никогаш до сега немам постено, дома мајка ми католик, татко ми не е нешто верник голем. Нема кој да ме научи.
Не постам ама имам член во фамилија што ги почитува овие работи ептен. Што се однесува во однос на исхраната постењето преку недела е и без зејтин,а сабота и недела може да се вклучи во исхраната. Последната недела од постот е најстрога и не смее ни зејтин ни риба и не знам што друго беше. Исто така во текот на целиот пост алкохол никако,дури ни цигари. Без секс, лоши мисли,пцуење и сл. Е сега има и една друга работа што многу луѓе ја занемаруваат,а по правило без тоа не би требало да се причестите. Секој треба да си има свој отец духовник кој што ќе му го благослови постењето. Зависно од здравствената состојба или работното место може да има некои отстапки ( не за месо, туку по некогаш за млечни производи и зејтин), на пример луѓе што се изложени на радиоактивни зрачења мислам дека имаат некои мали отстапки во постењето. И да, исто така уште една многу важна работа, пред причестување треба да се исповедаш кај духовникот. Малку и од религиски аспект испадна дел од мислењево,ама не е лошо да се знае.
Дајте ми идеи што све смеам да јадам затоа што еве денеска за прв пат почнав и јадев варен компир мармалад леб овошје краставички...Ќе постам без зејтин цела недела до причеста во сабота кога ќе одам во црква....
Drugarka, нема да јадам бадеми, кикирики, ореви, сончоглед и сл. зашто нели тие се богати со масти. А неделава целосно ги исклучувам масните работи од исхраната.
Јас денеска ќе јадам боранија, можеш грашак или некоја таква зеленчукова мешавина, со салатче и нормално нели без зејтин
Ореви,бадеми,лешници може,имам читано некаде манастирски посни рецепти со овие додатоци. Јас постам без масло, вчера јадев варен ѓеврек,за ручек супа само со вода,вегета,морковчиња и посно фиде,а за вечера леб и пипер.Засега добро ми оди. Нека Ви е лесен постот и Бог нека Ве Води.
јас оваа недела не се причетувам бидејки добив и секако дека ќе имам мензис до сабота па здравје наредниот пат. Си постам со зејтин неделава и за доручек сега ќе јадам посна паштета, со домат, пиперки и посен мајонез.
Јас вчера денот го поминав со овошје само (мандарини и јаболко) и вечерта лажичка мед. Денеска доручек повторно овошје, а за ручек варен компир со суви пиперки сварени, истолчено сето со малку лук и сол. Ако имате суви домати, ставете ги малку да набабрат, и додадете ги.
Девојки а во лебот, геврек или макарони има масло или некоја таква ствар? Јас искрено не сум многу по кулинарските вештини, баш лебот незнам како се приготвува
Ѓеврекот варен е без масло,а макарони има посни само од пченица и вода. Денес моето мени е: за доручек јаболка ,ручек варена леќа и вечера леб и мед.
Моето мени Доручек - Цеден портокал, Јаболка, суви смокви Ручек - пак овошје, свежо и суво Вечера - (можда пак боранија да јадам, ми остана од вчера, а може и гравче да си напраам) секако со многу свежа салата. Леб не јадам воопшто. Пијам мноогу чај и вода. Ми фали кафе ама ќе издржам мушки до крај. Се зареков на строг пост неделава.
Кафе не?? Зошто не? Па јас за да може да ми е полесно, си пијам по едно- две на ден турски без шеќер...
За кафето сум слушнала дека се пропржувало на масло, затоа. Се повикува Серафима да ни ја разреши дилемата... Како и да е јас ќе го исклучам неделава.
